هل تغيير الكاوتش بيأثر علي تسارع العربية؟

[ابو يمني]

بص يا باشا انت كل ما تعرض الجنط والكاوتش السرعة بتقل عن الفعلي علي العداد عشان قطر الدوران لا السرعة بتاص بعدد لفات الماتور بمعني انك لو العربية اخرها معاك 180 مثلا علي العداد وانت مركب الجنط الاصلي للسيارة اللي هو 14 مثلا لو ركبت جنط 15 هتلاقي اخر السرعه علي العداد 175 ولكن انت بتبقي ماشي 180 فعلا
واحسن جنط تشترية اللي بيبقي فية نسبة كروم لانة بيكون خفيف ومقاوم للصدمات ومتشتريش الجنط الخفيف اوي لان ممكن تاخد مطب علي سرعة ينعوج فخليك في الوسط
ولو مهتم بالسرعات في كاوتش اسمة كاوتش سرعات انا مركبة فارق في السحب وكمان في نعومة السيارة بس خلي بالك ان كل فردة كاوتش ليها مكان ولو فكت فردة لازم تركب في مكانها عشان ما تبوظ سحب العربية معاك هي عموما عدلتها بتظهر من النقشة و صدقني نوع الكاوتش بيفرق في السحب في ناس كثير بتقول ان الكلام دة مش مظبوط بس انا بكلمك عن تجربة هات نوع كاوتش محترم هتحس بفرق خصوصا في السرعات العالية

[فادى]

تغيير مقاس الكاوتش لمحيط أكبر هيقلل التسارع و يزيد السرعة القصوى,
و العكس بالعكس.
السبب شرحه معقد شوية, بس هى بالضبط نفس موضوع علبة التروس, الترس الصغير (الاول) بيديك عزم عالى (و تسارع عالى)لكن سرعة أقل, و الترس الاكبر (التانى) بيديك عزم أقل (تسارع أقل) لكن سرعة اكبر.
القاعدة كلما كان الترس أو العجلة أكبر, تديك تسارع أقل و سرعة قصوى أكبر.
بالمثل للكاوتش.
لأن السرعة الخطية هى مضروب القطر فى السرعة الدورانية,
التسارع هو مقسوم العزم على ما نطلق عليه الInertia,

acc=Torque/Inertia

الTorque هو عزم المحرك,
الInertia بتساوى mass*Radius^2,
الmass هو وزن الكاوتش و الRadius هو قطره (محيطه اللى انت هتكبره),
فى الحالة دى الinertia هتزيد (حتى لو الوزن هو هو على افتراض انك جبت جنوط خفيفة), لازم الInertia هتزيد لأن القطر زاد.
فى الحالة دى و بما ان Torque المحرك ثابت طبعا, يبقى لازم التسارع هيقل.

[محمد شهاب]

انت باشا يافادى من يومك
انا كنت داخل اقول نفس الكلام
لكن انت شرحته بصورة اجمل واكمل من اللى كنت انا عاوز اقوله




تحياتى للجميع

[svneleven]

المشاركة الأصلية كتبت بواسطة ابو يمني بص يا باشا انت كل ما تعرض الجنط والكاوتش السرعة بتقل عن الفعلي علي العداد عشان قطر الدوران لا السرعة بتاص بعدد لفات الماتور بمعني انك لو العربية اخرها معاك 180 مثلا علي العداد وانت مركب الجنط الاصلي للسيارة اللي هو 14 مثلا لو ركبت جنط 15 هتلاقي اخر السرعه علي العداد 175 ولكن انت بتبقي ماشي 180 فعلا واحسن جنط تشترية اللي بيبقي فية نسبة كروم لانة بيكون خفيف ومقاوم للصدمات ومتشتريش الجنط الخفيف اوي لان ممكن تاخد مطب علي سرعة ينعوج فخليك في الوسط ولو مهتم بالسرعات في كاوتش اسمة كاوتش سرعات انا مركبة فارق في السحب وكمان في نعومة السيارة بس خلي بالك ان كل فردة كاوتش ليها مكان ولو فكت فردة لازم تركب في مكانها عشان ما تبوظ سحب العربية معاك هي عموما عدلتها بتظهر من النقشة و صدقني نوع الكاوتش بيفرق في السحب في ناس كثير بتقول ان الكلام دة مش مظبوط بس انا بكلمك عن تجربة هات نوع كاوتش محترم هتحس بفرق خصوصا في السرعات العالية

العداد مش هيغير قرايته لو غيرت قطر العجلة لكن اللي هيتغير السرعة الحقيقية اللي حضرتك ماشي عليها. يعني العداد مثلا يكون 100 و حضرتك ماشي 105 ده في حالة أنك كبرت القطر الاجمالي للعجلة.
و طبعا أنا مع حضرتك في الاهتمام بجودة الجنط و الكاوتش و فعلا بيفرق في السحب و الفرامل كمان. 1000 شكر علي المشاركة.

[borio1704]

أتفق مع أستاذ فادي تماما

فعلا القطر الأكبر سوف يقلل من التسارع

ولكن مقدار النقص في التسارع قد يكون غير محسوس، وهذا يعتمد على مقدار الزيادة في القطر



...