الرخصتين اتسحبوا السير عكس الاتجاة

[خالدخليفة]

المشاركة الأصلية كتبت بواسطة mohamed selim والمفروض ان رخصتك بترجع لادارة المرور اللى طلعتهالك وبناء عليه بتروح ادارة المرور دى تسال عليها كل كام يوم لحد ميقوللك جات تدخل لوكيل النيابة ويدفعك وتمشى * انا تابع لمرور الاميرية و بس انا لما سالت الضابط قالى روح اسال النيابة فى كرداسة مش عارف هو يقصد اروح المركز و لا النيابة . ولما سالت الناس برضوا قالوا ماتروحش القسم و روح النيابة علشان كدة و ( دى اول مرة ) سالت عن نيابة كرداسة . انت رايك الرخصة بتيجى نيابة المرور بعد كام يوم فى الاميرية

انت معاك ايصال سحب رخصة امشى بيه عاااااااادى جدا لانه يعتبر رخصة ده اولا وثانيا الايصال فيه تاريخ انتهاء يوم انتهاء التاريخ تروح تجدده وتسال على رخصتك اول متيجى هما مش هيجددولك التاريخ بل هيقولولك الرخصة جات ولازم تدفع فانت بعد اسبوعين زى مقال اخى الفاضل ابونورا تبتدى تسال كل يومين تلاتة طيب مش فاضى يبقى مع انتهاء تاريخ الايصال لانى دى على حسب القسم الموجودة فيه الرخصة ممكن يبعتها بكره بعده بعد شهر شهرين حسب دماغ الظابط وعمنا الدكتوربولبولان اتسحبت منه الرخصة ومجاتش لحد مانتهت وعمل غيرها ودى نكتة بصراحة وانا شخصيا رخصتى جات من طنطا لمرور الاميريه بعد شهر ونص تقريبا وكنت مهتم وكل يومين اروح فواحد قال لى انت بتيجى مخصوص قلتله اه قال لا ريح نفسك مع تاريخ انتهاء الوصل تيجى تجدده وتسال بالمرة لان الوصل ده يعتبر رخصة
وياعم الموضوع بسيط متخااااافش وجمد قلبك م انت معاك الوصل اللى يعتبر رخصة وانا كررتها 3 مرااااات علشان اطمنك بس لانى حاسس انك قلقان مع ان الموضوع بسيط جدا

[mohamed selim]

شكرا يا جماعة على الاهتمام بس الحقيقة فى نقط مهمة يمكن انا من القلق نسيت اتكلم عنها
- اولا الضابط اللى سحب الرخصتين قال مافيش وصل علشان انت المفروض تتحبس و تتعرض على النيابة من مركز كرداسة ( دة المركز اللى تابع للكمين اللى اتسحبت منه الرخص ) خد العربية و تعالى اسال على الرخص بعد يومين و هتخدها من النيابة
- ثانيا هو فعلا قالى ماتروحش المركز دلوقتى علشان هما هيجزوك ( عموما هو ضابط محترم ومؤدب )
- اليوم التالى انا رحت المرور التابع لى الاميرية ( و قالى الموظف اللى فى النيابة انى اروح النيابة التابع لها الكمين و هلاقى الرخص موجودة هنال هدفع و استلام الرخص )
و قالى ان الرخص اللى بتجيلة من القسم التابع للنيابة ( الزيتون - الاميرية )
* الكل اجمع ان مافيش وقت محدد لوصول الرخص
* للاسف طول يومين و انا بدور على نيابة مرور كرداسة و طبعا موصلتش لحاجة
* رحت لمكان الكمين علشان اسال الظابط او اى حد للاسف الكمين غير موجود
* و طبعا اطريت اروح مركز كرداسة النهاردة علشان اسال ادونى رقم الجنة و طلبوا منى انى اكون فى المركز الساعة 8 صباحا علشان يبعتوا مندوب بالمحضر الى النيابة و ادفع الغرامة و ارجع استلم الرخص من المركز و اتكل على الله .
* المفاجاءة انى لقيت المحضر مكتوب فية انى هربت بالعربية ( يمكن دة يكون اجراء وقائى علشان المسؤلية )
* مع العلم انى راكن العربية جنب الكمين من ساعتها وخفت امشى بيها علشان مافيش رخص
ادعولى الامور تمشى على خير بكرة ان شاء الله .

[mesho70]

لو انا مكانك كنت استشرت محامى ( ياريت يكون معرفة منعنا ً للاستغلال ) قبل الذهاب غدا ً

ان شاء اللة للمركز ويكون معاك وانت رايح وتصدرة هو ( لو فية محامى انت عاملة توكيل يكون افضل )

وانت متظهرش فالصورة مباشرة لغاية ما تشوف اية الاجراءات المتبعة وانا مش قصدى اقلقك بس فى مثل

هذة الظروف من دخول مركز او نيابة مرور او اى جة من دول لو انت بعيد بيكون افضل لانة لو

- لا قدر الله - فية حاجة تكون انت بعيد لحين عمل المعارضة فى اى اجراء قضائى ( الإحتياط واجب )

و ان شاء الله سليمة وتعدى على خير

[ميدوستار]

لو كنت في الاسكندرية كنت افدتك .. ربنا معاك

[mohamed selim]

الحمد لله استلمت الرخصة
* رحت المركز الساعة 8.30
* و 1/2 ساعة فى 1/2 ساعة فى 1/2 ساعة قابلت المندوب اللى معاة المحضر و كنت محضره عربية علشان المشوار عارف انه طويل
* رحنا مركزز اوسيم تم التوقيع على المحضر
* بعد كدة رحنا نيابة اوسيم دفخت الغرامة 1020
* واستلمت الرخص
الحمد لله ............ وشكرا لكل اللى ساهموا فى الموضوع ptmnlo123per122