تقرير عن عمرة موتور لادا 2106

[محمد حسن عبد الرحمن]

اخواتى واصحابى وأصدقائى وكل أعضاء مصر موتورز الكرام أنا فكرت أحكى الحكاية من البداية إسموحلى أحكى لكم الحكاية من البداية أبتدا الموضوع منذ حوالى سنتين وكام شهر اشتريت بكينام هانم من واحد فى شارعنا العربية من زمان كانت داخلة دماغى ولما عضها للبيع أشتريتها المهم بعد مرور حوالى 6شهور أو أكثر بقليل أبتدا الموضوع بدخنة على خفيف اوى من الجكمان قلقت اوى وأبتديت أسال كتير أوى ده كربراتير ولا طقم شنبر بعد عدة أسئلة كثيرة أوى من أصحابى والميكانيكى قالى ده طقم شنبر المهم مع علمى وتأكدى انه طقم شنبر نزل على الأمر كالصاعقة ده انا أقرصت شوية عليها بس مش لدرجة انها تجيب طقم شنبر طب وبعدين الحل شكلى كده هركن العربية لغاية ما أعمل عمرة كاملة ركنتها يومين وبعدين قولت هتبوظ من الركنة قولت أمشية شوية قسيت المياة والزيت وزيت الفرامل وزيت الدبريج وتوكلت على الله كل يومين أو تلاتة أنزل أدورها وأمشى بيها شوية بالليل بعد كده قولت انا دلوقتى بشتغلش ومش لاقى شغل انزل أشتغل بيها وخلاص وسيبها على الله اشتغلت بيها ومشيت ولفيت لكن أغلب الأوقات أن لم تكن كلها كانت بليل بعد شهرين شغل ابتدات العربية تقل فى السحب وأبتدات تأكل زيت على خفيف أوى والبوجيهات تعرق زيتوهب الحق كل شوية بقت البوجيهات تعرق زيت أصبر لما الماكينة تبرد شوية وأحل البوجيه أغسلة بالبنزين وأصنفرة وأغسلة تانى وأركبة وهكذا يوميا على مدار سنة وحوالى شهرين فى هذا العذاب يوميا أحل بوجيه نمرة 4 ونمرة 3 كل يوم غسيل وصنفرة وفى بعض ايام أو كل فترة أغيره واشترى بوجيه سن قصير بعدية بفترة أزداد منسوب نقص الزيت وأبتديت المدخنة وأبتداى شغل عربية البطاطا يمكن كمان دخان عربية البطاطا أقل وريحة أحسن من دخان الموتور بعد كده حطيت على نمرة 4 ونمرة 3 كراسى قصيرة مع بوجيهات سن قصير بعد كده خليت طقم البوجيهات كله سن قصير وحطيت كرسين تنين غير الأولنين على نمرة 4و3كراسى بوجيهات طويلة بعد كده راكب معايا واحد سعودى من المملكة الربية السعودية ووصلتها من محطة مصر إلى مطار برج العرب الدولى وأثناء ذهبنا فى السكة قال لى لما الموتور يهدى خالص وتركن تحت البيت باليل وخلاص هتطلع تنام حل البوجيهات اللى بيجى عليها زيت وهات ما مقدرة ملعقة زيت كلتش(زيت فرامل) حطة مكان البوجى (البوجيه) وسيبة ينزل على البستم ويقعد عليها أنا مفهمتش ليه بس أعتقدت أنو هيعمل حاجة فى الشنبر المهم سألت الميكانيكى وقال ليا غلط طبعا موضوع زيت الفرامل المهم بعد فترة مش فاكر اية اللى حصل معايا ومع الميكانيكى رح قايل لى بدل زيت الفرامل حط زيت خروع رحت الصيدلية وأشتريت بـ 10 جنية زيت خروع زجاجتين حجم كل منهما 60 مل وبالليل وانا راكن تحت البيت رحت حلل البوجيهات نمرة 4 و3 وبالرنجة اشفط زيت من العلبة وحط مكان البوجيه اه نسيت أقول معلومة صغيرة قالهالى الميكانيكى بعد ما تحل البوجيهات تأكد أن البساتم اللى هينزل عليها الزيت تكون فى النصف او فى النقطة الميته العليا وطبع كنت بخليهم فى النصف كنت بعش الرابع وادخل مفك وأتاكد ان البساتم فى المنتصف بالظبط وأبتداى أحط الزيت(زيت الخروع) ولما أجى الصبح أدور العربية والبوجيهات مش راكبة علشان أنطر الزيت اللى على البساتم وبعد كده طبعا أكون مجهز البوجيهات والكراسى يكونو متنضفين حلو أوى وأدور وسخن وعيش يامعلم كل كام يوم أعمل الحركة دية بعد كدة بفترة أبتديت العربية تأكل زيت أكثر بقت تأكل حوالى1 كيلو كل يومين بمعدل نصف كيلو فى اليوم بقت كل يومين أجيب كيلو زيت وطبعا كنت بجيب زيت التعاون الأحمر الخاص بمحركات الديزل علشان أتقل وطبعا كانت بحط جركن زيت أحتياطى طبعا علشان أتعلم لما تبص على مقاس الزيت تعرف أد اية ناقص أخدت فترة على ما اتعلمت وسعات كمان كان مقاس الزيت ميبيناش المقاس صح علما انى بركن فى مكان مستو ومظبوط فية الأرض بص معرفش لية كان سعات يكدب عملها معايا مرتين بالظبط يكدب ولما أجى أخد ملف بالعربية القى لمبة الزيت رعشت وطفت علطول اعرف أن الزيت ناقص بعد كده وصل بيا الأمر أن نمرة واحد كمان جاب زيت أصبح كدة البوجيهات اللى بتجيب زيت هما نمرة 4و3و1 بيجيبو زيت وطبعا العربية مشيت فترة حوالى شهرين مشية تلاتة متلاتة يعنى والظريف فى الأمر كنت أبقى انا والميكانيكى نبقى ركبين فى العربية وبنشترى مثلا حاجات من صلاح الدين وقطع غيار سيارت بتصلح عنده فى الورشة نروح نجيب البضاعة بـ بكينام هانم ونجى طلعين مطلع بالعربية كان بيترهن معايا على ان العربية مع الوزن بتاعنا ده ومع حالة الموتور انها مش هتطلع وقوله لا هتطلع وعمرها ما كسفتنى على مطلع ولا شد حتى وسحب مع عربية قديمة زيها أو حتى زيرو سوء كانت وهى سليمة أو حتى وهى مفوتة وديما كانت بكسب الراهن والعربية تتطلع المطلع عادى شوية مسيسة أو الكثير من المسيسة للعربية وطبعا تكون أنت عرفت العربية والعربية عرفتك تعرف تروح بيها اى حتة مهما كانت حالتها انا وأعوذ بالله من قول أنا على حالتها دية سفرت بيها مرتين مطروح على كام مشوار حلو برج العرب وكفر الشيخ شغل بالعربية وسفر وعمرها ما قلت معايا على الطريق الحمد لله الا حاجات بسيطة اوى مش جامدة .
ده كده كان الجزء الأول ان شاء الله شوية ونبتدى نكتب الجزى الثانى.

أخوكو محمد

[محمد حسن عبد الرحمن]

إخواتى وأصحابى وأصدقائى وكل أعضاء مصر موتورز الكرام أنا فكرت أحكى الحكاية من البداية إسمحولى أحكى لكم الحكاية من البداية أبتدا الموضوع منذ حوالى سنتين وكام شهر اشتريت بكينام هانم من واحد فى شارعنا العربية من زمان كانت داخلة دماغى ولما عرضها للبيع أشتريتها المهم بعد مرور حوالى 6شهور أو أكثر بقليل أبتدا الموضوع بدخنة على خفيف اوى من الجكمان قلقت اوى وأبتديت أسال كتير أوى ده كربراتير ولا طقم شنبر بعد عدة أسئلة كثيرة أوى من أصحابى والميكانيكى قالى ده طقم شنبر المهم مع علمى وتأكدى انه طقم شنبر نزل على الأمر كالصاعقة ده انا أقرصت شوية عليها بس مش لدرجة انها تجيب طقم شنبر طب وبعدين الحل شكلى كده هركن العربية لغاية ما أعمل عمرة كاملة ركنتها يومين وبعدين قولت هتبوظ من الركنة قولت أمشية شوية قيست المياة والزيت وزيت الفرامل وزيت الدبريج وتوكلت على الله كل يومين أو تلاتة أنزل أدورها وأمشى بيها شوية بالليل بعد كده قولت انا دلوقتى مبشتغلش ومش لاقى شغل انزل أشتغل بيها وخلاص وسيبها على الله اشتغلت بيها ومشيت ولفيت لكن أغلب الأوقات أن لم تكن كلها كانت بليل بعد شهرين شغل ابتدات العربية تقل فى السحب وأبتدات تأكل زيت على خفيف أوى والبوجيهات تعرق زيت وهب الحق كل شوية بقت البوجيهات تعرق زيت أصبر لما الماكينة تبرد شوية وأحل البوجيه أغسلة بالبنزين وأصنفرة وأغسلة تانى وأركبة وهكذا يوميا على مدار سنة وحوالى شهرين فى هذا العذاب يوميا أحل بوجيه نمرة 4 ونمرة 3 كل يوم غسيل وصنفرة وفى بعض ايام أو كل فترة أغيره واشترى بوجيه سن قصير بعدية بفترة أزداد منسوب نقص الزيت وأبتديت المدخنة وأبتداى شغل عربية البطاطا يمكن كمان دخان عربية البطاطا أقل وريحة أحسن من دخان الموتور بعد كده حطيت على نمرة 4 ونمرة 3 كراسى قصيرة مع بوجيهات سن قصير بعد كده خليت طقم البوجيهات كله سن قصير وحطيت كرسين اتنين غير الأولنين على نمرة 4و3 كراسى بوجيهات طويلة بعد كده راكب معايا واحد سعودى من المملكة العربية السعودية ووصلته من محطة مصر إلى مطار برج العرب الدولى وأثناء ذهبنا فى السكة قال لى لما الموتور يهدى خالص وتركن تحت البيت باليل وخلاص هتطلع تنام حل البوجيهات اللى بيجى عليها زيت وهات ما مقدرة ملعقة زيت كلتش(زيت فرامل) حطة مكان البوجى (البوجيه) وسيبة ينزل على البستم ويقعد عليها أنا مفهمتش ليه بس أعتقدت أنو هيعمل حاجة فى الشنبر المهم سألت الميكانيكى وقال ليا غلط طبعا موضوع زيت الفرامل المهم بعد فترة مش فاكر اية اللى حصل معايا ومع الميكانيكى رح قايل لى بدل زيت الفرامل حط زيت خروع رحت الصيدلية وأشتريت بـ 10 جنية زيت خروع زجاجتين حجم كل منهما 60 مل وبالليل وانا راكن تحت البيت رحت حلل البوجيهات نمرة 4 و3 وبالرنجة اشفط زيت من العلبة وحط مكان البوجيه اه نسيت أقول معلومة صغيرة قالهالى الميكانيكى بعد ما تحل البوجيهات تأكد أن البساتم اللى هينزل عليها الزيت تكون فى النصف او فى النقطة الميته العليا وطبع كنت بخليهم فى النصف كنت بعشق الرابع وادخل مفك مكان البوجية وأتاكد ان البستم فى المنتصف بالظبط وأبتداى أحط الزيت(زيت الخروع) ولما أجى الصبح أدور العربية والبوجيهات مش راكبة علشان أنطر الزيت اللى على البساتم وبعد كده طبعا أكون مجهز البوجيهات والكراسى يكونو متنضفين حلو أوى وأدور وسخن وعيش يامعلم كل كام يوم أعمل الحركة دية بعد كدة بفترة أبتديت العربية تأكل زيت أكثر بقت تأكل حوالى1 كيلو كل يومين بمعدل نصف كيلو فى اليوم بقت كل يومين أجيب كيلو زيت وطبعا كنت بجيب زيت التعاون الأحمر الخاص بمحركات الديزل علشان أتقل وطبعا كانت بحط جركن زيت أحتياطى طبعا علشان أتعلم لما تبص على مقاس الزيت تعرف أد اية ناقص أخدت فترة على ما اتعلمت وسعات كمان كان مقاس الزيت ميبيناش المقاس صح علما انى بركن فى مكان مستو ومظبوط فية الأرض بس معرفش لية كان سعات يكدب عملها معايا مرتين بالظبط يكدب ولما أجى أخد ملف بالعربية القى لمبة الزيت رعشت وطفت علطول اعرف أن الزيت ناقص بعد كده وصل بيا الأمر أن نمرة واحد كمان جاب زيت أصبح كدة البوجيهات اللى بتجيب زيت هما نمرة 4و3و1 بيجيبو زيت وطبعا العربية مشيت فترة حوالى شهرين مشية تلاتة متلاتة يعنى والظريف فى الأمر كنت أبقى انا والميكانيكى نبقى ركبين فى العربية وبنشترى مثلا حاجات من صلاح الدين وقطع غيار سيارت بتصلح عنده فى الورشة نروح نجيب البضاعة بـ بكينام هانم ونجى طلعين مطلع بالعربية كان بيترهن معايا على ان العربية مع الوزن بتاعنا ده ومع حالة الموتور انها مش هتطلع وقوله لا هتطلع وعمرها ما كسفتنى على مطلع ولا شد حتى وسحب مع عربية قديمة زيها أو حتى زيرو سوء كانت وهى سليمة أو حتى وهى مفوتة وديما كانت بكسب الراهان والعربية تتطلع المطلع عادى شوية مسيسة أو الكثير من المسيسة للعربية وطبعا تكون أنت عرفت العربية والعربية عرفتك تعرف تروح بيها اى حتة مهما كانت حالتها انا وأعوذ بالله من قول أنا على حالتها دية سفرت بيها مرتين مطروح على كام مشوار حلو برج العرب وكفر الشيخ شغل بالعربية وسفر وعمرها ما قلت معايا على الطريق الحمد لله الا حاجات بسيطة اوى مش جامدة .
ده كده كان الجزء الأول ان شاء الله شوية ونبتدى نكتب الجزى الثانى.

أخوكو محمد

[/COLOR][/SIZE][/FONT]

[zing0]

عاوز أقولك 3 حاجات
1- رمضان كريم
2- ربنا يبارك لك فيها و زى مهى أصيله معاك متستخسرش فيها حاجه, دى بقت أكل عيشك مش وسيلة مواصلات بس
3- إلحقنا بالجزء التانى لإن الموضوع شيق جداً (أحسن من مسلسل رامز قرش البحر كمان)

[محمد حسن عبد الرحمن]

الجزء الثانى :
ربنا كرمنى بمليمن رحت طلع على الأسطى قدرى الميكانيكى وقولتله عايزين نسقط الماكينة ونعمروها وبالرغم من ازدحام الورشة بالمواتير اللى بتتعمر لم يعارض وأبتدانا حل الموتور قطعة تلو الآخرى عمة وأسبراتير وكربراتير ومنفول ووش السلندر والمارش والفرن وردراتير كل حاجة حتى لم يتبقى لنا غير البلوكة قفلنا وروحنا وجه الصباح طبعا انا كنت مفول التانك على الأخر وكمان جركن 20 لتر بنزين المهم امسك البلوكة وحل البساتم والكرنك وطرمبة الزيتوساعة الزيت حط البلوكة فى طشط الغسيل وأدعك يا معلم بالفرشة والبنزين البلوكه بره وجوه بالبنزين كويس جدا غسلته مرة وأثنين وتلاتة لغاية لما الفرشة أتنحلت وأصبحت لون البلوكة من الداخل تحول من اللون الأسود الى اللون الفضى شبية لون وش السلندر أطلع على البلوكة من بره لقيتها مدهونه لونيين لون أزرق وهو لون الماكينة الركبة العالية ولون أخضر وكل هذه الألوان طلعت مع البنزين ورحت داعك البلوكة من برة وبقت الوان البلوكة تنزل وتسيح الون الأخضر والأزراق وبعد الكثير والكثير من الدعك ظهر لون الموتور الأصلى لونه رصاصى لون البلوكة الفبريكة لون وبوية المصنع طبعا الحمد لله ان الكنك طلع أستندراد ماعادا انه كان معتب على خفيف أوى يكاد لا يذكر امسك بقى وش السلندر وحل الشواكيش والسوست والصبابات وبيتهيالى كسرنا كل الجوايد علشان الخراط يضطر يحطلك جدد وادعك ياعم وش السلند وصنفرة وادعكة الخ الخ حتى اصبح الموتور بالكامل 10/10 روح وادى للخراط الموتور ووش السلندر أقعدو يومين وأثناء اليومين كان على غسيل حوض السيارة والدربكوسلغاية لما الدربكوس كلة بقى باين ادق التفاصيل فيه ولن الأمونيوم الجميل باين فية من جوة ومن برة دخلت على الحوض بنزين وجاز وصابون ومياة لغاية ما بقى مراية وبالمرة رحت ماسك العفشة تربيط وغسيل بعد كده كان دور الكربراتير والأسبراتير والمارش والدينمو والفلام والذى منه كلة أدعك وأغسل وأظبط ورحت لبتاع البوية الوكو أشتريت 1/8 بوية أسود بلدى وشوية ثنر علشان أدهن الكراتير بتاع الزيت وغطاء التاكهيات أخدولهوم وشين حلوين بالفرشة ودهنت قواعد المتور اللى فى البلوكة وطبعا قبل الدهان روحت أستلمت البلوكة من ورشة الصيصا لأعمال الخراطة الميكانيكية ولوحظ ان مسمر مقطوم وكنت قيلهم علية ونسو يعملوه عملو قدام على الواقف ما أخدش فى ايديهم دقيقة أخدت البلوكة ووش السلندر والكرنك وطقم البساتم وطلعت على الميكانيكى وفى الورشة أتدانا الغسيل من أول وجديد أغسل وأدعك أدعك وأغسل كويس أوى أوى أوى لدرجة أن أحنا غسلنا الموتور متين تلاتة وقبل التركيب والتقفيل غسلنا تانى موضوع الغسيل طبعا مهم وأستهلكنا رقم قياسى والكلام ده طبعا قبل ما البنزين ما يغلى استهلاك غسيل وتنظيف المحرك من البنزين 60 لتر بنزين هو أمفروض من 15 الى 20 لتر لغسيل المحرك بس النظافة حلوة بردة فا مش مشكلة 40 لتر زيادة بس أبقى مطمن موضوع العمرة دية أخد حوالى 15 يوم نظرا لظروف صحية مر بها الميكانيكى عم قدرى وتعب ونظرا لانى كانت عايز اعمل كل حاجة على الوجة الأمثل لدرجة ان عم قدرى الميكانيكى هو اللى كان بيستعجلنى علشان نخلص الموتور وانا اقوله انا مش مستعجل نهائى (اتعود دايما اى حاجة فى شغل أستعجال مش هتنجح لذلك طلعت كل الصبر اللى عندى فى الـ 15 يوم دول) علشان أبقى ملم بكل اللى حصل واللى هاعمله تعبنا بجد وشقينا بجد علشان تبقى كل حاجة صح الصح.
نيجى بقى للمصاريف :-
المركز الهندسى للخراطة الميكانيكية
(الصيصا)
العميل :- الأسطى قدرى.
الماركة :- لادا 1200 مع العلم ان البلوكة بتاعت الـ2103(1300).
* سبيكة :- 030
* أمرات :- 0/0
* بستن :- 060 مقاس 77.6 سم
* جلب كامة :- 020
* جلب بيلات :- س
*طبات كرنك :- ـــــــــــــ
* طقم صبابات :- طقم صباب
* طقم دليل :- طقم دليل 128

(البضاعة)
20 أورسيل كرنك.
25 طقم أورسيل صباب.
35 شداد كتينة.
15 فلتر زيت.
110 طقم شنبر.
150 طلمبة زيت.
10 سوستة شنبر.
20 ترس زيت.
125 صبابات.
60 دليل صبابات.
150 طقم سبيكة.
60 جلب كامة.
25 قمرات.
290 طقم بستم.
90 طقم جوانات.
75 جركن زيت التعاون كوب فاكت 5 ك.
60 كتينة الكبيرة.
ـــــــــــــــــــ
1320 فقط وقدره الف وثلاثمائة وعشرون جنيها مصريا لاغير

مقايسة الموتور
المسلسل :- 2014/ 3912
العميل :- قدرى عثمان.
تحريرا فى :- 11/6/2014.
نوع الموتور :- لادا موديل : - 1200
الخدمات المطلوبة العدد سعر الوحدة الإجمالى
تجليخ كرنك 1 63 63
طبات كرنك 4 8 32
ضبط وكشف البيل 4 8 32
ضبط وكشف كراسى 1 40 40
خلع وتركيب بساتم 4 8 32
خرط شميز 4 30 120
خلع وتركيب جلب كامة 1 30 30
تجليخ كامة 1 30 30
خلع وتركيب دليل 8 2 16
خرط دليل 8 3 24
عمل فريزة وقواعد 8 6 48
قشط وش السلندر 1 50 50
لحام وش مكان الشداد 1 30 30
ـــــــــــــــــــــــــ ــــ
547
مصنعية الميكانيكى 500 جنية
وكمان اشتريت 8 شواكيش أستعمال على شوية مصريف نثرية وشوية حبشتكنات الليلة كلفت حوالى 2600 جنية أكثر واقل بقليل.
أرجو أن ينال الموضوع أعجبكم وأرجو من الأدارة التثبيت.
وفى انتظار ردود ومرور الأعضاء الكرام أخوكو محمد.
ملحوظة لسة فى نقطة صغيرة خاصة بالتليين والبطة اللى بعد أول الف كيلو وكل حاجة أخرى خاصة بالعمرة أنتظرونا قريبا.

[zing0]

الله أكبر, بسم الله ما شاء الله
المصاريف كتير بس ده الشغل الصح, أدام فتحت يبقى تشوف الصح إيه و تعمله
لسه لك غيار زيت كمان بالفلتر بعد التليين و تضبط تاكيهات و كربراتير
و كمادات مياة ساقعة على الريداتير علشان الحر, و مفيش مانع لو عزمت باكينام هانم على واحد سفن أب مشبّر

الله يبارك لك و يمتعك بيها و يملاها لك بركة و خير