لمسة وفاء لحبيبتى لوجان 2011

[عمرو عبد الحميد الجندى]

اسلوب حضرتك رائع فى السرد و فعلا اللوجان عربية ممتازة و احسن من اللاونس اللى كانت معايا

[ابوعاصم83]

المشاركة الأصلية كتبت بواسطة عمرو عبد الحميد الجندى اللوجان عربية ممتازة و احسن من اللاونس اللى كانت معايا

وانا كان معايا لانوس
والحمد لله
بسببها
كرهت اللانوس
والكورى
والمستعمل
والاتوماتيك
والميكانيكية
والكهربائية
حتى بتوع الكاوتش

[Ayman_Aly]

المشاركة الأصلية كتبت بواسطة ابوعاصم83 وانا كان معايا لانوس والحمد لله بسببها كرهت اللانوس والكورى والمستعمل والاتوماتيك والميكانيكية والكهربائية حتى بتوع الكاوتش

للدرجة دى

واحد صاحبى لسه مشترى لانوس زيرو... كنت بتحايل عليه يجيب لوجان لكن هو مشى ورا المقولة اللى بتقول أصل اللانوس قطع غيارها رخيصة وأى حد يشتغل فيها
مش عارف الناس بتفكر كده إزاى.. أجيب عربية زيرو علشان أول حاجة أفكر فيها قطع الغيار والميكانيكى !!!!!!

[ابوعاصم83]

المشاركة الأصلية كتبت بواسطة Ayman_Aly لكن هو مشى ورا المقولة اللى بتقول أصل اللانوس قطع غيارها رخيصة وأى حد يشتغل فيها

على فكرة قطع غيار اللانوس مش رخيصة ولا حاجة ؟؟؟؟؟؟ تصدق؟؟
ليه؟؟
عايز تعرف سعرها الحقيقى روح التوكيل
هتقولى توكيل ايه؟؟؟ ما الكورى موجود فى كل مكان
اقولك stop الكورى اللى بره كورى فعلا لكن مش مصنع لانوس ده فقط copy يعنى نسخة ياباشا من اصل الصانع
لذلك قطع غيار اللانوس وكل المنتشر فى الشارع مش معمرة نهائى
تانى حاجة العربية اللى كل الناس (الصنايعية) يعرفوا فيها ما تبقاش عربية دى تبقى ملطشة يعنى متهانة
وبصراحة انا احب حاجتى تبقى عزيزة يعنى عندها عزة مش اى حد يحط فيها ايده
مهما كانت التكلفة
على فكرة انا افتكر فى 99 و 2000 كانت الناس بتقول اوعوا تشتروا اللانوس دى عربية وحشة وما لهاش قطع غيار ولا حد بيفهم فيها خليك فى الشاهين او البيجو 504
شوف الايام ياجدع

[screamseko]

المشاركة الأصلية كتبت بواسطة Ayman_Aly للدرجة دى واحد صاحبى لسه مشترى لانوس زيرو... كنت بتحايل عليه يجيب لوجان لكن هو مشى ورا المقولة اللى بتقول أصل اللانوس قطع غيارها رخيصة وأى حد يشتغل فيها مش عارف الناس بتفكر كده إزاى.. أجيب عربية زيرو علشان أول حاجة أفكر فيها قطع الغيار والميكانيكى !!!!!!