|
رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand. |
|
أدوات الموضوع |
#1
|
||||
|
||||
تقرير عن اللوجان 2012 اوتوماتيك (من غير صور للاسف )
بسم الله الرحمن الرحيم
النهاردة كنت بتمشى انا وواحد صاحبي وكان غاوي عربيات زيي شفنا معرض عربيات قلنا نروح نتفرج على العربيات اللي فيه فجاة لقيت قدامي لوجان اوتوماتيك معقولة هنا في سوهاج في لوجان اوتوماتيك واللوجان في القاهرة انقرضت المهم قررت اعمل تقرير (من غير صور للاسف ) عن اللوجان 2012 اوتوماتيك نبدا على بركة الله التقرير مقسم الى اجزاء وهي السيارة من الخارج داخل السيارة خلف عجلة القيادة الخامات الداخلية التقفيل بسم الله السيارة من الخارج في البداية لما تقف قدام العربية مش هتلاقي تصميم رياضي فيها هتلاقي تصميمها عادي جدا لكن مش وحش يعني لما تشوف الواجهة الخلفية للوجان هتشوف اسوا حتة في اللوجان لان شكلها مش حلو والفوانيس غريبة واللي زاد الطين بلا لمبة المارشدير الواحدة لكن للامانة اللي عجبني من ورا الشريط الكرومي وهوا بيلمع منظره يجنن والله ومحسن المنظر الخلفي لما تبص للعربية من الجنب هتستغرب شوية لانك هتلاحظ ان العربية سقفها عالي وقاعدة العجلات مش ماشية مع ارتفاع السقف وهتلاحظ برضه ان مساحة زجاج الابواب كبيرة لكن مش زي الماتريكس وهتلاحظ بشدة اكبر ميزات اللوجان وهيا الارتفاع عن الارض ودي ميزة تخلي مفيش اي مطب يقدر يبص للوجان ابدا ......................... ................ داخل السيارة صالون العربية واسع بكل ما تحمله الكلمة من معنى انا فعلا كنت عارف الحكاية دي كويس وعارف انه واسع لكن لما شوفته على الحقيقة لقيت انه اوسع من اللي انا كنت فاكره وكمان الكراسي حلوة وتنجيدها ممتاز وفي سهولة شديدة في الدخول والخروج من السيارة ......................... ................ خلف عجلة القيادة وانتا قاعد على كرسي السواق هتحس انك راكب عربية عالية جدا لان وضعية القيادة هتحسسك انك عالي عن الارض مش زي عربيات تانية تحس انك لازق في الارض وكمان انا لاحظت ارتفاع عصاية الفتيس الاوتوماتيك بشكل مبالغ فيه تحس انه برج القاهرة يعني كان افضل انه يبقا اقصر من كده شوية وبالذات انه ممكن يضايقك وانتا بتضبط زراير التكيف وكمان هتلاحظ ان الدركسيون كبير لكن بصراحة هوا خفيف مش زي ما الناس بتقول انه تقيل اما عن اماكن الازرار الغريبة فانا لاحظت فعلا كده لكن بصراحة الزراير كلها في متناول ايدك ومش بعيدة عنك الازاز الكهرباء زرايره ممكن تطولها بسهولة المالتي فانكشن التحكم فيه سهل على الرغم انه خلف الطارة اما عن وضعية الجلوس لباقي الركاب فهيا لا تقل اثارة ومتعة عن وضعية قيادة السائق العربية من جوه واااااااسعة جدااااااا والكنبة اللي ورا ممكن تشيل 3 من الحجم الضخم او 4 رفيعين بمنتهى الراحة ......................... ................ الخامات الداخلية العربية خاماتها الداخلية معقولة (مش وحشة ومش حلوة) لكن افضل من عربيات كتير في فئتها ......................... ................ التقفيل تقفيل العربية ممتاز وانا لم الاحظ عيوب في التقفيل وافضل من عربيات كتير في فئتها ......................... ................ التقييم العام للوجان (من وجهة نظري) الشكل الخارجي 7/10 الوسع الداخلي 10/10 التقفيل 9/10 الخامات الداخلية 7/10 ......................... ................ من الاخر اللوجان صفقة رابحة وعربية ممتازة واتمنى اني اكون افدتكم وللاسف انا مصورتش العربية وتقبلوا تحياتي ......................... ................
__________________
الاجابة عن جميع استفساراتكم حول السيارات وانواعها يرجى التواصل على الفيس بوك https://www.facebook.com/profile.php...46&ref=tn_tnmn |
#2
|
||||
|
||||
رد: تقرير عن اللوجان 2012 اوتوماتيك (من غير صور للاسف )
موضوع رائع تسلم يا غالى على الموضوع
__________________
نادى السيارات الصينيه على الفيس بوك نرحب بانضمامكم http://www.facebook.com/NadyAlsyaratAlsynyh جروب نادى سيارات البيجو على الفيس بوك https://www.facebook.com/groups/172929839542780/ |
#3
|
||||
|
||||
رد: تقرير عن اللوجان 2012 اوتوماتيك (من غير صور للاسف )
شكراً على الموضوع
__________________
|
#4
|
||||
|
||||
رد: تقرير عن اللوجان 2012 اوتوماتيك (من غير صور للاسف )
شكرا لكم على الرد الجميل
تقبلوا تحياتي
__________________
الاجابة عن جميع استفساراتكم حول السيارات وانواعها يرجى التواصل على الفيس بوك https://www.facebook.com/profile.php...46&ref=tn_tnmn |
#5
|
|||
|
|||
رد: تقرير عن اللوجان 2012 اوتوماتيك (من غير صور للاسف )
طمنتني يا معلم الف شكر انا لسا شايفها امبارح في معرض رينو عندنادي الصيد و كانت جامدة فعلا
|
أدوات الموضوع | |
|
|