هعمل الصيانة لاول مرة ونفسى نفسى افهم

[mosomodo]

انا لسة شارى لوجان 2009 و عاملة 21500 كيلو و فاضل حوالى شهر و نص فى الضمان و حالتها الحمد لله ممتازة.

قلت اروح اعمل صيانة ال 20000 عشان حافظ عليها و اتصلت بالرقم المختصر و فجأت بالتالى:
1- اول ميعاد للصيانة فى المقطم 16-5-2011
2- التكلفة حوالى 800 جنية (انا عارف من الجدول اللى شفته ان فى تغيير فيلترين و زيت و بوجيهات).


و عشان انا جديد فى هذا الموضوع نفسى استفيد من خبراتكم وافهم مثلا:
1- هل هذا الميعاد عادى و لا غريب اوى وهل هذا يتم فى الصيانة فقط ام يختلف عند الاصلاح لو فى مشكلة لا قدر الله و ما الحل؟
2- هل اثناء الصيانة بشوف اللى بيحصل فى عربيتى ولا لأ؟ و هل فى اماكن تبع الوكيل ممكن اشوف اللى بيحصل فى عربيتى ولا لأ؟و ما هو احسن مكان للصيانة الدورية؟
3- المبلغ ده عادى ولا اروح اعملها برة و فين؟


اسف جدا للاطالة بس نفسى ابدأ صح و اتمنى منكم المساعدة باى معلومة تساعدنى على الفهم.

[mosomodo]

هو مفيش حد بيعمل الصيانة فى المنتدى و لا أية؟

يا احسن ناس انتوا فين ؟؟؟؟؟؟؟؟؟؟؟؟؟؟؟؟؟؟؟؟؟؟؟

[ayman1204]

ألميعاد عادى بالنسبة لتوكيل المقطم
3 اسابيع

ام توكيل العبور
كان حوالى 10 ايام او اسبوعين بالكتير
ودا بسبب الزحمه بالمقطم

مش بتشوف عربيتك وهى بيتعمل ليها صيانه
لكن بعد ما بتخلص بيطلع معاك مهندس وبتجربها معاه وبتشوف لو فى حاجة بتشتكى منها
المبلغ بالنسبة للصيانة تقريبا عادى بس ممكن يكون اقل من كدة لان الاسعار رخصت عن زمان

[mosomodo]

المشاركة الأصلية كتبت بواسطة ayman1204 ألميعاد عادى بالنسبة لتوكيل المقطم 3 اسابيع ام توكيل العبور كان حوالى 10 ايام او اسبوعين بالكتير ودا بسبب الزحمه بالمقطم مش بتشوف عربيتك وهى بيتعمل ليها صيانه لكن بعد ما بتخلص بيطلع معاك مهندس وبتجربها معاه وبتشوف لو فى حاجة بتشتكى منها المبلغ بالنسبة للصيانة تقريبا عادى بس ممكن يكون اقل من كدة لان الاسعار رخصت عن زمان

اشكرك على شرحك لتجربتك و رأيك و فى انتظار المزيد.

[ASHERIF]

السلام عليكم

اتصلت اليوم احجز كيعاد صيانة قالوا 18/5 في المقطم و 10/5 في العبور
اما بالنسبة لاسعار الصيانة برجاء مشاهدة الملف المرفق