العودة   مصر موتورز مجتمع السيارات > السيارات الأوروبية > رينو RENAULT > رينو لوجان Logan

رينو لوجان Logan The Dacia Logan is a car produced jointly by the French manufacturer Renault and its subsidiary Dacia of Romania. It is manufactured at Dacia's automobile plant in Mioveni, Romania, in Colombia, Brazil, Russia, Morocco, Iran, India and South Africa. It is also marketed as the Renault Logan, Nissan Aprio or Tondar 90 depending on the existing presence or positioning of the Renault brand.


إضافة رد
 
أدوات الموضوع
  #1  
قديم 21-04-2011, 03:56 PM
amr_198 amr_198 غير متواجد حالياً
 
تاريخ التسجيل: Apr 2011
المشاركات: 12
amr_198 will become famous soon enoughamr_198 will become famous soon enough
مميز رينو لوجان 2011 !! ايه اللي بيحصل ده !!

بسم الله الرحمن الرحيم
سبحان من سخر لنا هذا و ما كنا له مقرنين وانا الي ربنا لمنقلبون الحمد لله والله أكبر ولا اله الا الله

بعد مشاورات و خناقات و شتيمة وقلة قيمة من الحاج والحاجة اخيرا اقتنعوا وجبت اللوجان الحمد لله ، الاسرة كانت معترضة اعتراض تام علي الوجان بحجة انها مش منتشرة وقطع غيارها غالية ( معلش مش بينزلوا الشارع كتير ) واقتناعهم بالانوس عشان هي تاكسي واي كفتجي ممكن يشتغل فيها وقطع غيارها رخيصة وكدة !! بس بفضل الله اللوجان اثبتت نفسها بجدارة ولا كأنها طيارة

اولا احب اوضح سبب اعتراضي علي اللانوس والفيرنا مع العلم اني ركبتهم حوالي 3 شهور

اولا اللانوس : جنط 13 يعني العربية لو راكب معاك واحد متختخ العربية هتبوس المطب ، درجة عزل الكابينة عن الموتور رديئة للغاية وده بيرجع لانها تقفيل مصري ، ومش محتاج اقولكو يعني ايه عامل مصري ، يعني الفهلوة والشغل اللي يخلص في 5 ساعات ينجزه في ساعة ، والمعلوة القادمة دي انا واخدها من واحد صاحبي مهندس ميكانيكا باور في المصنع ( ان مصنع منصور شيفروليه كان بيقفل 8 عربيات في الشهر ولما دخل مشروع التاكسي الابيض بقي بيقفل 14 عربية في نفس الشهر برضه !! ) هل ده يعقل ام درجة التقفيل والخامات المستخدمة تكون جيدة ؟؟؟ ومحدش يقولي اصل العمالة عمالة ماهرة !!


بالنسبة للفيرنا : انا عارف ان موتور الفيرنا اقوي من موتور اللانوس والوجان بس ده مش حاجة تميزها !!

ليه بقي لان العربية صاجها خفيف جدا جدا ، العربية فعلا بتطير يا جماعة هات بيها كدة 130 ولا 140 هاتحس انها بتعب في ايديك مافيهاش سبات خالص !! واحنا شباب وبنحب الفزلكة والسرعة بس السرعة مع عدم ثبات ده يجيب حاجات وحشة لاقدر الله !!


نيجي بقي للوجان ........

العربية عالية !! عالية عالية بكل ما في الكلمة من معني

الاوبشن اللي فيها زيادة عن اللي هاتحتاجه
المساعدين ورا وقدام حاجة رهيبة ( في معلومة مش اكيدة ان المساعدين هم نفس مساعدين الرينو سيمبول )

الصالون جوة مريح جدا جدا اذا كان في مقعد السائق ولا في الكنبة الخلفية .

العربية انا اخر سرعة جبتها بها كانت 140 وكنت سايب الدركسيون وكانت ماشية في خط مستقيم لمدة 10 ثواني لحد ما انا ضربت فرامل وهديت ، خدت غرزة علي 120 هعي الواسع وعلي الضيق والعربية ثابتة جدا

الشنطة بتاعتها بحر !! 510 لتر !! انا دخلت جوة ونمت فيها وخليت اخويا يسوق عشان اسمع لو في اس صوت في العفشة ولا اي حاجة !! مافيش الهوا !! هو صحيح غبي ولبسني كام مطب وضماغي طاخ في الشنطة بس مافيش اي صوت يدل علي سوء العفشة او سوء تربيطها .

مشيت بيها في اسوء شوارع القاهرة والجيزة ( الدقي القديم ، بولاق ، همفرس ، امبابة ، المنيب ) العربية ما بتنطقش وبتحب المطبات

يا جماعة بجد احسن عربية في فئتها السعرية ، العربية عاملة معايا 700 كيلو مرمطة ومافيش اي حاجة حصلت الحمدلله .


نصيحة لوجه الله ، اي حد مش عاوز يرمي فلوسه في الارض وعاوز يجيب عربية تعمر معاه وتستحمل غباوة الشارع المصري

اللوجان اللوجان اللوجان يا بشر .....

ولو في اي استفسار انا معاكو .

Renault Logan 2011 Full Options ( Betrolium Color )



رد مع اقتباس
  #2  
قديم 21-04-2011, 04:04 PM
الصورة الرمزية sad-bird
sad-bird sad-bird غير متواجد حالياً
 
تاريخ التسجيل: Jun 2010
المشاركات: 3,757
sad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond reputesad-bird has a reputation beyond repute
افتراضي رد: رينو لوجان 2011 !! ايه اللي بيحصل ده !!

يا باشا ألف مبروك العربية

وربنا يعطيك خيرها ويكفيك شرها
وكل كلامك بيؤكد كلام الاعضاء في كل المقارنات اللي اتعملت
وربنا يهدي بقى اخواتنا الفيرناوية ويهدوا شوية علينا حسسونا انهم راكبين بي ام الفئة السابعة
__________________

إن العين لتدمع وإن القلب ليحزن وإنا على فراقك يا خالد لمحزونون
ولا نقول إلا ما يرضي ربنا
إنا لله و إنا إليه راجعون
رد مع اقتباس
  #3  
قديم 21-04-2011, 04:25 PM
amr_198 amr_198 غير متواجد حالياً
 
تاريخ التسجيل: Apr 2011
المشاركات: 12
amr_198 will become famous soon enoughamr_198 will become famous soon enough
افتراضي رد: رينو لوجان 2011 !! ايه اللي بيحصل ده !!


المشاركة الأصلية كتبت بواسطة sad-bird مشاهدة المشاركة

يا باشا ألف مبروك العربية


وربنا يعطيك خيرها ويكفيك شرها
وكل كلامك بيؤكد كلام الاعضاء في كل المقارنات اللي اتعملت
وربنا يهدي بقى اخواتنا الفيرناوية ويهدوا شوية علينا حسسونا انهم راكبين بي ام الفئة السابعة
الله يبارك فيك وبعدين هاقولك ايه ، القرد في عين امه
رد مع اقتباس
  #4  
قديم 21-04-2011, 04:38 PM
الصورة الرمزية RENAULT 18
RENAULT 18 RENAULT 18 غير متواجد حالياً
 
تاريخ التسجيل: Jul 2010
المشاركات: 830
RENAULT 18 has a reputation beyond reputeRENAULT 18 has a reputation beyond reputeRENAULT 18 has a reputation beyond reputeRENAULT 18 has a reputation beyond reputeRENAULT 18 has a reputation beyond reputeRENAULT 18 has a reputation beyond reputeRENAULT 18 has a reputation beyond reputeRENAULT 18 has a reputation beyond reputeRENAULT 18 has a reputation beyond reputeRENAULT 18 has a reputation beyond reputeRENAULT 18 has a reputation beyond repute
افتراضي رد: رينو لوجان 2011 !! ايه اللي بيحصل ده !!

مشكور يا باشا على التقرير المتميز ...........

على فكرة شنطة اللوجان تشيل 3 أفراد ........ و الصالون ممكن يشيل لغاية 20 فرد متكبسين ..

يعنى المجموع 23 فرد ....... معجزة !!!!!!!!!
__________________

That is My Renault


رد مع اقتباس
  #5  
قديم 21-04-2011, 07:08 PM
الصورة الرمزية MmFFoR
MmFFoR MmFFoR غير متواجد حالياً
 
تاريخ التسجيل: Dec 2009
المشاركات: 4,794
MmFFoR has a reputation beyond reputeMmFFoR has a reputation beyond reputeMmFFoR has a reputation beyond reputeMmFFoR has a reputation beyond reputeMmFFoR has a reputation beyond reputeMmFFoR has a reputation beyond reputeMmFFoR has a reputation beyond reputeMmFFoR has a reputation beyond reputeMmFFoR has a reputation beyond reputeMmFFoR has a reputation beyond reputeMmFFoR has a reputation beyond repute
افتراضي رد: رينو لوجان 2011 !! ايه اللي بيحصل ده !!

كلام جميل جدا جدا و عن تجربة
رد مع اقتباس
إضافة رد

أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع

 MasrMotors غير مسؤول عن أي اتفاق تجاري أو تعاوني بين الأعضاء
التعليقات المنشورة لا تعبر عن رأي MasrMotors ولا نتحمل أي مسؤولية قانونية حيال ذلك ويتحمل كاتبها مسؤولية النشر


الساعة الآن 09:58 AM.


Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017