للمرة التانية شكرا توكيل EIM العامرية وبخص ا/محمد العناني

[akerima]

السلام عليكم

دا رد علي اي واحد يقول ان توكيل الرينو مش كويس ححكيلكم القصة

من قيمة شهرين كده كان عندي مشكلة في صباع اللوك الشمال في الباب الخلفي فرحت توكيل العامرية عشان اصلحة - اتصلح وتمام لكن بعد فتره وانا بغسل العربية لاحظت ان فرش الباب مفارق عن الصاج ولقيت ان الباب متقفل من غير كلبسات فقلت خلاص وانا بعمل صيانة 15000 ابقي اقولهم علية

المهم انا بعمل الصيانات دلوقت في سموحة عشان اقرب قلتلهم علي الموضوع بصراحة قالولي انهم ممكن يظبطولي الباب لكن حدفع قيمة الكلبسات بس مش حيخدوا مصنعية انا بصراحة قلت ماشي يا جماعة بس اعرف تمن الكلبسات الاول عشان ملبسش - قالولي لا متقلقش مش حتعدي 50 جني قلت ماشي بدل مخبط مشوار العمرية اوكي لاكن بعد فترة جت مهندسة الاستقبال قالتي انا اسفة بس الكلبسات دي بالذات بتيجي من بره وتمن الواحد 400 جني وانت محتاج اتنين - ينهار مش فايت ليه يا ستي كلبسات دهب ولا اية ان جيتوا للحق انا قلت باس انا كده لبست اسود ولو حتي رحت العامرية اللي هما اصلا اللي مركبوش الباب صح وقلتلهم كلبسات ممكن يغتالوني دول 800 جني مش اي كلام ولو كانت حتي غلطتهم لكن برضة فلوس ياما - المهم اتصلت بيهم بالتليفون وطلبت اكلم حد من خدمة العملا رد علي واحد والله يا جماعة وانا بتكلم معاه متحفز علي عركة للصبح وقلت بقي حزعق وانتوا ازاي دا لو بصلح الباب عند عجلاتي والكلام ده

لقيت بمنتهي الزوق واحد بيقولي هتلنا العربية بكره وباذن الله كل الازم حيتعمل وحتمشي مبسوط طب يا فندم اسم حضرتك اية قالي انا محمد العناني مشرف مبيعات قطع الغيار - ايه ده من غير زعيق ولا سياح طب ازاي - انجيتو للحق انا كنت رايح النهارده الصبح ومتوجس خيفة وقلت لايمكن سلمتهم العربية وقلت اسال علي الراجل اللي رد عليا امبارح - هوا فين يا جماعة قالولي دا في المخازن رحت سلمت علية بجد يا جماعة انا مشفتش في زوق ولا اخلاق الراجل ده المهم قالي متقلقش انا حنزل اشوفها بنفسي وقعدت انا في صالة الانتظار وبعد حوالي ربع ساعة لقيتة جالي بيسلمني مفتاح العربية وبيقولي كل شئ تمام انا قلت بس لزقولي الفرش ولا كلبسات ولا دياولو اروح ابص علي العربية الاقي تقفيل ولا الفبريكة وبكلبسات بقيت مش عارف اشكر الراجل ازاي والله قعدت بتاع دقيقتين اخرص مش عارف اقولوا ايه مع اني في الكلام دا بربند

في النهاية بجد انا بشكر كل الناس المحترمين القائمين علي هذا التوكيل الممتاز وبخص بالشكر ا/محمد العناني اللي اقتطع من وقتة ومجهوده بدون سابق معرفة ولكن احتراما للمكان الذي يعمل به - وبجد كل يوم بتثبت EIM انها شركة محترمة

[MOUSTAFA_SAAD]

على فكره محمد العنانى هو اللى قابلته فى العامريه وجيبت منه اسعار قطع الغيار اللى فى الموضوع ده

http://masrmotors.com/vb/showthread.php?t=49926

[احمد الشناوى1981]

800 جنية تمن كليبسين الباب !!!!!!!!!!!!!!!!!!
دى اسمها سرقة
لا حول و لا قوة الا بالله
بالشكل دة هما بيقضو على العربيه دى و بكده يفضل الكورى للاسف نمرة واحد فى مصر بلا منافس

[mosomodo]

من الواضح انك رحت مرتين منهم مرة كانوا هيدفعوك 800 جنية تمن كليبسين الباب (يترى كل وا حد لو معاه المبلغ ده و قرر يصرفه هيجيب الكليبسين و لا هيجيب ايه و ايه وايه - استطلاع رأى).

والمرة التالتة بعد اتصال و معاناة (أكيد نفسية) تم حلها (تقريبا عشان ربنا وقعك فى واحد محترم وبيخاف ربنا).

اولا: عشان اقدر اقول انه توكيل محترم و مش مستغل - كان عمرى ما حد عندهم يقولى ان تمن كليبسين ب 800 جنية .
ثانيا: عشان اقدر اقول انه توكيل محترم و مش مستغل - مكنش واحد فى مكان تبع التوكيل يقول ب 800 جنية و مكان تانى تبع التوكيل يحلها ببلاش و فبريكة كمان.

انا بقول الكلام ده عشان عايزين حل من الوكيل لاسعار قطع الغيار و الخدمة مع تحسين مستوى الخدمة.

[Egy News]

800 جنيه كليبسين ؟ ليه ؟ بيتكلموا مثلا
:craz yW14: