اشتريت اللوجان بس خدت مقلب جامد

[TheSantos128]

المشاركة الأصلية كتبت بواسطة moustafa_saad السلام عليكم امبارح يوم الاحد روحت اشتريت اللوجان الهاف اوبشن من عند سمير ريان فى القاهره وانا ساكن فى دمنهور سافرت مخصوص بعد لما ادانى اقل سعر عن الاسكندريه ب 63500 يعنى كان فى وفر حوالى 500 جنيها واكتر وبكده اقدر اوفر شويه بحيث اعوض فرق المواصلات بين الاسكندريه القريبه والقاهره البعيده عنى وايضا كانت كل الالوان موجوده واخترت براحتى على الطبيعه اللون البترولى المقلب الجامد هو انى استلمت العربيه بعد غسيلها وشيكت هلى كل حاجه وكله تمام واخدت العربيه وجيت علشان اروح سبير كار علشان اركب فرش وكاميرا خلفيه ومرايا دى فى دى وانذار وبعض الاكسسوارات بالمره لان الاسعار عندنا فى دمنهور نار ومفيش لا كامير ا ولا مرايا دى فى دى لاقيت ان سبير كار مغلق علشان النهارده الاحد يا جماعه ده كلام بالذمه محل ب3 فروع ومول تجارى كبير فى القاهره الجديده كله مغلق علشان يوم الاحد المفروض المحلات الكبيره دية متافلش ولاتاخد اجازات وبالنسبه للموضفين فيها يعملوا روتيشن معاهم ويبدلو اجازاتهم على مدار الاسبوع كل 2 او 3 ياخدوا يوم معين والباقى موجود وبكده المحل يفضل مفتوح على طول زى معظم المحلات الكبيره طبعا كله اتخض من العنوان وفكر ان المقلب فى العربيه لكن العربيه الحمد لله زى الفل وجيت بيها من القاهره لدمنهور من غير نمر (وربنا سترها الحمد لله ) بالورقه اللى بيسموها الاقرار اللى استلمت بيها العربيه وان شاء الله كمان 3 ايام حنزل تانى اجيب باقى ورق العربيه من المعرض علشان ارخصها وركنها دلؤتى من غير حركه لحد لما ارخص العربيه ممتازه ياجماعه الحمد لله وكانت كويس جدا فى السواقه والقعده جواها والعيوب اللى بتتكلموا عليها فى المنتديات من ناحية رعشه الفتيس وزنة دواسة البنزين لولا كلامكم عليها انا مكنتش لاحظتها لانها خفيفه جدا الا اذا كان اللى بيشتكى من العيب ده راكب عربيه بربع مليون جنيه قبل كده فبيحس بالعيوب دية علشان فرق الامكانيات والقيمه العيب الوحيد اللى لاحظته فعلا وده يعتبر عيب ان صوت الماتور بره العربيه عالى شويه والمفروض يبقى اوطى من كده غير كده العربيه ممتازه بالقياس بمشوار حوالى 220 كيلو من المعرض فى القاهره حتى دمنهور انا بصراحه شايف انها best value for money بالنسبه لفئتها وبالمقارنه بين باقى السيارات فى نفس السعر المهم هل توجد اماكن كويسه فى الاسكندريه اركب فيها الاكسسورارت دية واسعارها رخيصه وتركيبها نضيف زى اسبير كار ورغم انى مجربتهوش قبل كده لكن طبعا سمعته كويسه جدا فى المعامله يارت العناوين بالضبط ورقم التليفون لوموجود علشان اعملها فى الاسكندريه واخلص بدل ما انزل مصر تالت مره حاجه اخيره ياجماعه ممكن اعرف الحاجات اللى بتتغير فى التوكيل فى الصيانات اللى بتتعمل كل 10000 كيلو لان احتمال مروحش الصيانات دية واجمع كذا قطعه من القطع الاستهلاكيه اللى بيتغيروا فى ميعاد متقارب مع بعضهم فى صيانه واحده كل مثلا 20 او 30 الف وهل ده حيأثر على الضمان وهل يوجد لها مراكز خدمه معتمده فى الاسكتدريه غير التوكيل او ميكانيكى رينو بيفهم فى العربيه كويس لزوم الصيانات العاديه وتغيير السيور والفلاتر والبوجيهات وخلافه من القطع الاستهلاكيه لان متهيألى ان التوكيل اسعاره مازالت غاليه

ههههههههههه تصدق ان يوم الاحد برضه كنت فى سمير ريان بستلم عربيتى بس انا جبت النترا 2011 اللوجان الوحيده اللى شفت حد بيستلمها كانت زرقاء وكان واحد معاه المدام بتاعته مش حضرتك ولا لا بس عمتا مبروك ياباشا ربنا يكفيك شرها

الف مبروك يا استاذ مصطفي وربنا يديك خيرها ويكفيك شرها وخضتنا من العنوان الله يسامحك هههههههههههههههههههههه

المشاركة الأصلية كتبت بواسطة TheSantos128 ههههههههههه تصدق ان يوم الاحد برضه كنت فى سمير ريان بستلم عربيتى بس انا جبت النترا 2011 اللوجان الوحيده اللى شفت حد بيستلمها كانت زرقاء وكان واحد معاه المدام بتاعته مش حضرتك ولا لا بس عمتا مبروك ياباشا ربنا يكفيك شرها

الف مبروك يا زعيم علي الالنترا وربنا يديك خيرها ويكفيك شرها ولو ان في تغير 180 درجة ما بين الالنترا والكيا السول ولا ايه هههههههههههههههههههههههه

[MOUSTAFA_SAAD]

شكرا ليكم يا جماعه والله يبارك فيكم كلكم
انا فعلا كنت موجود يوم الاحد من الساعه 12.5 الى الساعه 2 الظهر والعربيه بترولى مش عارف هى دية اللى تقصدها زرقا ولا لا واللى كانت معايا اختى مش المدام لان المدام لسه فى علم الغيب

[gadix]

المشاركة الأصلية كتبت بواسطة moustafa_saad شكرا ليكم يا جماعه والله يبارك فيكم كلكم انا فعلا كنت موجود يوم الاحد من الساعه 12.5 الى الساعه 2 الظهر والعربيه بترولى مش عارف هى دية اللى تقصدها زرقا ولا لا واللى كانت معايا اختى مش المدام لان المدام لسه فى علم الغيب

أنا برضو عربيتي بترولي و ماشاء الله اللون ده تحفة
انا مش قادر استني لحد ما اعلق النمر نفسي انزل بيها اجربها بس الواحد خايف يحصل حاجة قبل الترخيص لا قدر الله