اللوجان و بنزين 80

[hal71]

يا جماعة الهدوء شوية من المعروف إن كل المواتير ما تبقى أحدث كل ما تحتاج بنزين بمواصفات أعلى و أنا مش مليونير و لا حاجة - مستور يعني- و لما كان عندي 128 كنت بأحطلها بنزين 90 و حالياً معايا دوجان 1994 و بأحطلها بنزين 92 عشان أحافظ على عربيتي و فعلاً الفرق
واضح حتى بين 90 و 92 زائد يا أخي هين قرشك و لا تهين نفسك و تقف في طابور عشان تحط بنزين 80

[a_a_3antar]

المشاركة الأصلية كتبت بواسطة sherifabden بنزين 80 زي المخدرات بالضبط قتل للماتور بس بطئ يعني هتحس انه حلو وجميل وبيوفر في فلوسك لكن مع الوقت هتلاقي الماتور فتح بقه والفلوس اللي انتا وفرتها هتصرفها علشان تصليح الماتور رشاشات وطلمبة وحساسات وبوجيهات وممكن الماتور يفوت بدري وموضوع ان الفيرنا واللانوس بيحطوا بنزين 80 انا عايزك تجرب فيرنا او لانوس محطوطلها بنزين 80 وفيرنا او لانوس محطوطلها بنزين 90 او 92 وانتا هتحس بالفرق

مشكور ياباشا علي ردك الشافي بس انا بسأل هو رأيك مبني علي تجربه حقيقيه ولا هو احساس و أخبار من بعيد

[EgyZizo]

المشاركة الأصلية كتبت بواسطة mody112 حد جرب من ملاك اللوجان انه يحطلها بنزين 80 ؟

عربيتى موديل 2010 (تاريخ الشراء شهر 10 ، سنة 2009)

الكيلومتر 55 ألف كيلومتر وكسور ..

باستخدم بنزين 80 على طول (إلا قليلاً لما مش بالاقيه)

وآداء العربية عادى ومافيش مشاكل فى السحب ولا فى التكييف ولا فى الجرى ولا توجد كركرة.

ملحوظة : متوسط استهلاكى الشهرى 200 لتر تقريباً ، فعلى الحسبة دى فى تلات سنين هتلاقى بنزين 80 وفر معايا حوالى 7000 جنيه عن بنزين 92.

دى إجابة سؤالك ليس إلا ، ولا يعنى ذلك أنى أنصح أحد باستخدامه
لأن كل واحد بيتعلق من عرقوبه
واللى بيشيل قربة مخرومة بتخر على دماغه

[محمد فيصل]

المشاركة الأصلية كتبت بواسطة mody112 الافتاء والفهلوة . يا سلام عليكو انتو الاتنين . هو انتو يعنى مكنتوش عارفين تقولوا الكلمتين بتوعكو من غير قلة ذوق ولا قلة الذوق بقت اداة اساسية للنقد مع انى انا كنت بعرض وجهة نظرى بكامل الاحترام ومن غير تجريح لاى حد ولكنى لقيت تجاوزات كتير طب ليه ؟ مينفعش نحترم بعضنا وكل واحد يقول وجهة نظرة وكل واحد فى الاخر هو سيد قراره . وبعدين انت بتقول اننا هنا فى المنتدى عشان نفيد بعض مش عشان نسخر من بعض طيب هو انا سخرت منك او من اى عضو محترم تانى لايمكن انت . وعلى العموم المحترم هو اللى بيحترم الناس عشان الناس تحترمه .

10000000000000000 على ردك

[mody112]

المشاركة الأصلية كتبت بواسطة EgyZizo عربيتى موديل 2010 (تاريخ الشراء شهر 10 ، سنة 2009) الكيلومتر 55 ألف كيلومتر وكسور .. باستخدم بنزين 80 على طول (إلا قليلاً لما مش بالاقيه) وآداء العربية عادى ومافيش مشاكل فى السحب ولا فى التكييف ولا فى الجرى ولا توجد كركرة. ملحوظة : متوسط استهلاكى الشهرى 200 لتر تقريباً ، فعلى الحسبة دى فى تلات سنين هتلاقى بنزين 80 وفر معايا حوالى 7000 جنيه عن بنزين 92. دى إجابة سؤالك ليس إلا ، ولا يعنى ذلك أنى أنصح أحد باستخدامه لأن كل واحد بيتعلق من عرقوبه واللى بيشيل قربة مخرومة بتخر على دماغه

ايوة هى دى التجربة اللى كنت بسال عليها مشكووووووووووووور جدا يا باشا . وفى النهاية كل واحد هو سيد قراره .