وجه نظر

[Hisham.Elgazzar]

بجملة اللوجان يا هندسة
مصر اساسا مفيهاش عربيات

[jojojojojo]

المشاركة الأصلية كتبت بواسطة احمد السباعى مع احترامى الكامل لوجهة نظر حضرتك بس انا شايف ان كل العربيات فى مصر مليانة عيوب مش كدا وبس لا دا كمان ملهاش حل وخصوصا فى الفئة السعرية بتاعت اللوجان عندك الفيرنا مثلا مع انها منتشرة جداااااااا والمفروض انها بقت محفوظة .... اسال بقى اى حد راكبها كدا هتلاقيه بيقولك دى عربية زبالة ومتتركبش ... وكذلك الصينى كله .... مش كدا وبس لا ضيف ليهم اللانوس والافيو واللى حضرتك هتتفاجئ بيه بقى ومتعرفوش ان اللوجان احسن بكتييييييييييييييير من الافيو ومن النيسان صنى القديمة . وأسأل اى حد ساق العربيات دى وساق اللوجان وشوف هيقولك ايه لا انا كمان هزيدك من الشعر بيت وهقولك ممكن حضرتك تقولى الكيا سيراتو زيرو بكام ؟ وياريت بردو تقولى عفشتها عاملة ازاى ؟ انا عندى كلااااام كتييير فى وجهة النظر دى بس الخلاصة..... اللى راكب لوجان عارف انه : 1- راكب عربية اوروبى و مفيش اى فرق بينها وبين العربيات اللى بتنزل فى باقى الدول الاوروبية "طبعا دا مش موجود فى مصر فى أى عربية الا فيما ندر.. زى البى ام والمرسيدس .....طبعا مع فارق السعر" 2- العربية اثبتت كفاءة غير عادية فى مصر ومش هقولك استنى شوية وابقى شوف قطع غيارها هتبقى عاملة ازاى .. لأ انا هقولك شوف اسعار قطع غيارها دلوقتى عاملة ازاى وفي موضوع انا عامله عن قطع الغيار ممكن تراجعه بنفسك 3- العربية مش معقدة ومفيهاش تكنولوجى كتييير فأى صنايعى ممكن يشتغل فيها .. ويا رب محدش يتحوج لصنايعى ابدا . 4- العربية فيها اوبشنز مش موجودة فى عربيات ب اكتر من 100000 " مثلا نظام الايموبليزر ........ غير موجود فى السيراتو ام 135000 وطبعا دا بالاضافة لمميزات كتير زى التوفير فى استهلاك البنزين-العفشة الممتازة -التوكيل المحترم يعنى من الاخر وببساطة انت فعلا راكب عربية محترمة ورخيصة وفيها اوبشنز تضمن لك مستوى رفاهية مميز ......................... ......................... شكرا

مع احترامي لراي حضرتك بس كلام حضرتك غير واقعي ازاي حضرتك تقارن عربيه 8 صمام 90 حصان بسيراتو ونيسان صني او حتي افيو ياريت اللي يقارن العربيه باي عربيه تانيه يقارن بامكانيات ومواصفات واهم حاجه تكون المقارنه بعربيه في نفس الفئه السعريه وللوجان فعلا مع احترامي لملكها بها عيوب اولها ان الموتور 8 صمام فقط 90 حصان يعني تشغيل التكيف بيؤثر علي السحب جدا تاني حاجه عومان السياره علي السرعات العاليه بسبب علوها من الخلف تالت حاجه سخونيه الموجوده في تبلوه وصالون العربيه رابع حاجه اماكن الكلاكس وازرار زجاج الكهربائي غير شكلها الامامي غير متناسق مع شكلها الخلفي واخيرا صاجها الضعيف جدا بمجرد لو شخص سند علي احد الرفارف بتطبق وع فكره العيوب ديه من ملاك العربيه نفسها وديه مواصفات فنيه للعربيه يعني غير عيوب الصناعه يعني موجوده ي اي عربيه غير طبعا غلو تمن قطع غيارها وعدم توافرها وصعوبه الميكانيكا للعربيات الفرنساوي عموما واللوجان خصوصا وخاصه شغل الكهربا مع صعوبه اعاده بيع ومع ذلك يوجد لها مميزات كالسعر وكسياره اقتصاديه للاسره المتوسطه فياريت من مالكي العربيه وخصوصا الزيرو منها عدم التسرع في ابداء رايهم ع العربيه وخصوصا انها لسه زيرو ولسه مشفش وشها الوحش ولكي تقيم سياره لابد ان تبقي في السوق علي الاقل 5 سنوات وتقيمها بعد كده واهم حاجه في العربيه تكون معمره وشكرا

[sherifabden]

المشاركة الأصلية كتبت بواسطة jojojojojo مع احترامي لراي حضرتك بس كلام حضرتك غير واقعي ازاي حضرتك تقارن عربيه 8 صمام 90 حصان بسيراتو ونيسان صني او حتي افيو ياريت اللي يقارن العربيه باي عربيه تانيه يقارن بامكانيات ومواصفات واهم حاجه تكون المقارنه بعربيه في نفس الفئه السعريه وللوجان فعلا مع احترامي لملكها بها عيوب اولها ان الموتور 8 صمام فقط 90 حصان يعني تشغيل التكيف بيؤثر علي السحب جدا تاني حاجه عومان السياره علي السرعات العاليه بسبب علوها من الخلف تالت حاجه سخونيه الموجوده في تبلوه وصالون العربيه رابع حاجه اماكن الكلاكس وازرار زجاج الكهربائي غير شكلها الامامي غير متناسق مع شكلها الخلفي واخيرا صاجها الضعيف جدا بمجرد لو شخص سند علي احد الرفارف بتطبق وع فكره العيوب ديه من ملاك العربيه نفسها وديه مواصفات فنيه للعربيه يعني غير عيوب الصناعه يعني موجوده ي اي عربيه غير طبعا غلو تمن قطع غيارها وعدم توافرها وصعوبه الميكانيكا للعربيات الفرنساوي عموما واللوجان خصوصا وخاصه شغل الكهربا مع صعوبه اعاده بيع ومع ذلك يوجد لها مميزات كالسعر وكسياره اقتصاديه للاسره المتوسطه فياريت من مالكي العربيه وخصوصا الزيرو منها عدم التسرع في ابداء رايهم ع العربيه وخصوصا انها لسه زيرو ولسه مشفش وشها الوحش ولكي تقيم سياره لابد ان تبقي في السوق علي الاقل 5 سنوات وتقيمها بعد كده واهم حاجه في العربيه تكون معمره وشكرا

مع اني معنديش لوجان بس هرد على حضرتك دلوقتي انتا بتقول ان موتورها 8 صمام و90 حصان لو انتا مش عايزها بالماتور دا هات اللوجان الاوتو اللي هيا ماتورها 16 صمام و110 حصان بخصوص موضوع العومان في فيديوهين عملهم واحد كان بيجري بسرعة 180 كم في مصر اسكندرية الصحرواي وكان بياخد غرز جامدة والعربية كانت زي الفل بخصوص موضوع السخونية دا موجود في المانيوال بسبب عدم وجود طبقة عازلة للحرارة على الكبوت انما الاوتوماتيك فيها طبقة عازله على الكبوت علشان كده العيب دا مختفي في الاوتو بخصوص اماكن الازرار والكلاكسات الحكاية بالتعود يعني مع الوقت هتتعود على الموضوع دا والحكاية هتبقا زي الفل وبخصوص موضوع الصاج الضعيف انا اتحداك انك تطلع عربية صاجها قوي في الفئة دي وفي اي فئة تانية وعموما الصاج الضعيف دا ميزة علشان بيخلي وزن العربية خفيف ودا بيخليها موفرة في البنزين وتسارعها افضل وهي اصلا صاجها مش ضعيف للدرجة امال لو شفت الالنترا او الاكسنت هتعمل ايه ؟؟ بخصوص موضوع قطع الغيار انا هقولك ان قطع غيارها بدات في الانتشار بشكل كبير وهيا فعلا قطع غيارها غالية جوه التوكيل لكن مش غالية للدرجة وثانيا مين قال ان ميكانيكا اللوجان صعبة ؟؟ ياراجل حرام عليك العربية بسيطة جدا ومفيهاش اي تعقيد او اي حاجة امال لو شفت عربيات البي ام دبليو اللي فيها 2 نيربو وحساس على الكامة او مواتير الفولكس او السوبارو هتعمل ايه ؟؟ موتور اللوجان بسييييط جدا وغير معقد بالمرة بخصوص موضوع اعادة البيع هيا فعلا ممكن تكون صعبة في الموضوع دا لكن سعر اعادة البيع نفسه بيبقا كويس وقريب من الفيرنا واللانوس وعلى فكرة كل الكلام دا انا قلته بعد ما سالت ملاك العربية دي مش فتي ولا حاجة ...