عقارت الاسكندرية (موضوع متجدد) اى سؤال ؟؟؟

[I.ABUBAKR]

شكرا علي الموضوع

واول كام سؤال عندي

1-هل فعلا اسعار الشقق اصبحت الان اقل من سنه فاتت
2-ولو قلت- فعلا قلت بنسبه تقريبا كام %
3- ليه في مباني كتير شغاله (وهل فعلا معظمها بدون ترخيص) رغم ان سوق البيع نايم
4- موضوع تسجيل الشقق ازاي معلوماتي ان الشقق مبتتسجلش من فتره

وجزاك الله خيرا

[walidelmorsi]

عايز شقة فى منطقة سموحة اخبار الاسعار اية

[alymonir]

أعتقد إن الأسعار مولعة في سموحة
تقل جيبك أويييييييي

[walidelmorsi]

شكرا مش عايز

[fares tany]

المشاركة الأصلية كتبت بواسطة eacho22 شكرا علي الموضوع واول كام سؤال عندي 1-هل فعلا اسعار الشقق اصبحت الان اقل من سنه فاتت 2-ولو قلت- فعلا قلت بنسبه تقريبا كام % 3- ليه في مباني كتير شغاله (وهل فعلا معظمها بدون ترخيص) رغم ان سوق البيع نايم 4- موضوع تسجيل الشقق ازاي معلوماتي ان الشقق مبتتسجلش من فتره وجزاك الله خيرا

1: اسعار الشقق لم ترخص و لن ترخص خاصة البناء ما قبل الثورة و لكن اللى بيبنى جديد بلغة السوق (بيحرق اسعار) لانه مخالف و عايز يخلص الشقق اللى عنده قبل ما الاحياء و الادارات الهندسية تصحى من النوم و لذلك اسعارها اقل من مثيلاتها ما قبل الثورة و كمان مش عايز يقسط علشان يلحق يلم فلوسه بسرعة
2:المبانى فى اسكندرية حالياً خاصة فى الشوارع الجانبية بدون ترخيص او على الاقل بيكون ترخيص ارضى و دورين او تلاتة و العمارة بتكون 15 دور مثلاً و المهم هنا الاساسات لازم تكون شفت الاساسات قبل ما يبنى او مهندس متخصص يشوف الاعمدة و الخرسانة قبل ما تشترى.
3: تسجيل الشقة يعتمد على تسجيل الارض و العقار و التسجيل شغال لو عايز تسجل بس امرنى
تحياتى