تسريب كهرباء ( قفله )

[sharooo]

المشاركة الأصلية كتبت بواسطة samirsaid1 المهم فية صديق قاللى ممكن يكون فيه قفلة وعامله تسريب وبتفضى البطارية لقيتها وجهة نظر لان البطارية قعدت أسبوع من غير ماتفضى ولاحاجة والعربية دارت بعديها بسهولة جدا السؤال أعرف إزاى ان فية تسريب أو قفلة ؟؟؟؟ ولو ممكن أكتشفها إزاى لإنى بقلق من شغل الصنايعية وتقطيع الكابلات اللى فى الضفيرة !!!!

السلام عليكم
لو عندك كهربائي شاطر بيكتشفها ببساطه باستخدام لمبه ومراجعه علبه الفيوزات بيها
بس خلي بالك عشان ممكن الموضوع يتطور وتلاقي الضفيره شاطت او مفتاح النور ساح.بعد الشر يعني
ده لو فعلا فيه في العربيه ماس او قفله

[samirsaid1]

المشاركة الأصلية كتبت بواسطة sherif fersh حضرتك تروح لكهربائى كويس يقدر يعرف إذا كان عندك تهريب أو لأ بطاريتى باظت بعد 3 شهور استخدام ( لسه فى الضمان ) و البائع رفض استبدالها و قال أن عندى تهريب رحت للكهربائى بتاعى ... كشف ... قال : مافيش عندك تهريب تانى يوم غيروا البطارية من غير و لا كلمة ( نى كنت على يقين أن عربيتى تمام ) و الله الموفق ‘

بس البطارية بتاعتى هى اللى جاية مع العربية

[samehlila]

بسم الله الرحمن الرحيم
ابسط اختبار لمعرفة وجود احمال علي السيارة و هي غير دائرة كالتالي
1 - هتخلع كابل من البطارية
2 - هتجيب لمبة صغيرة حوالي 5 وات او 10 وات زي المستخدمة في النور الصغير او نور الصالون
3 - هتركب فيها سلكبن في الاطراف
4 - هتوصل طرف بالبطارية و الطرف التاني بالكابل اللي خلعناه
5 - لو اللمبة نورت دة معناه ان فيه سحب و العربية مش شغاله بس استني شوية لو عربيتك حديثه هتنتظر ثواني لغاية مانور الصالون يطفي و ده من غير ماتلغي اللي عملناه علشان العربيات الحديثه نور الصالون بيبقي علي تايمر و بيعمل سحب ثواني و بيفصل بعدها
طيب فرضا اللمبة فضلت بعد دقيقة او دقيقتين برضه منورة انا قصدي متوهجه مش مسرية يبقي فيه حاجه كمان بتسحب و عموما اول حاجه هتشيك عليها نور الشنطه لو الشنطه فيها لمبة ممكن تكون مش بتفصل ( مش قلت لك ماتسيبش باب التلاجه مفتوح - زيها كده بالظبط ) هتتأكد ان لمبة الشنطه بتفصل لما بتقفل الشنطه ماتسألنيش ازاي حط واحد جوة الشنطه و اقفل عليه
تاني حاجه لمبة درج التابلوه دي برضه ممكن تكون عامله سحب
ثالث حاجه ام بي ثري الولاعه لو الولاعه شغالة مباشر و مش علي الكونتاكت
رابع حاجه جهاز الانذار اه فيه اجهزة انزار غبية حملها عالي
خامس حاجه وحدات رفع الزجاج و مكن الزجاج ممكن يكون فيه زجاج اي باب رافع للآخر و الزرار او وحدة الرفع بتعلق عايزة الزجاج يطلع من سقف العربية عادي بتحصل و مش هتاخد بالك بس دي هتعرفها لو حطيت ايدك علي الفرش ناحية ماكينة الزجاج هتحس بسخونتها
سادس حاجه سلك الذاكرة بتاع الكاسيت - ايوة اي كاسيت بيبقي فيه سلك اصفر بيوصل مباشر علشان المحطات المخزنة و آخر وضعيه كان مفتوح او مغلق و اعدادات السماعات و الفوليوم و الوقت ممكن يكون ذاكرة الكاسيت بتستهلك شوية
لو لقيت كل ده سليم و اللمبة برضه متوهجه يبقي حلال عليا عربيتك و كفاية عليك فيها 100 جنيه علشان انا زهقت
لو اللمبة فيها يعني شبه تسرية بس فده طبيعي و ساعتها يبقي البطارية بايظه
و بعد ازنك هعمل الكلام ده في موضوع منفصل علشان الناس تستفيد
و اي خدمة
م / سامح ليله

[medtahan]

المشاركة الأصلية كتبت بواسطة samehlila بسم الله الرحمن الرحيم ابسط اختبار لمعرفة وجود احمال علي السيارة و هي غير دائرة كالتالي 1 - هتخلع كابل من البطارية 2 - هتجيب لمبة صغيرة حوالي 5 وات او 10 وات زي المستخدمة في النور الصغير او نور الصالون 3 - هتركب فيها سلكبن في الاطراف 4 - هتوصل طرف بالبطارية و الطرف التاني بالكابل اللي خلعناه 5 - لو اللمبة نورت دة معناه ان فيه سحب و العربية مش شغاله بس استني شوية لو عربيتك حديثه هتنتظر ثواني لغاية مانور الصالون يطفي و ده من غير ماتلغي اللي عملناه علشان العربيات الحديثه نور الصالون بيبقي علي تايمر و بيعمل سحب ثواني و بيفصل بعدها طيب فرضا اللمبة فضلت بعد دقيقة او دقيقتين برضه منورة انا قصدي متوهجه مش مسرية يبقي فيه حاجه كمان بتسحب و عموما اول حاجه هتشيك عليها نور الشنطه لو الشنطه فيها لمبة ممكن تكون مش بتفصل ( مش قلت لك ماتسيبش باب التلاجه مفتوح - زيها كده بالظبط ) هتتأكد ان لمبة الشنطه بتفصل لما بتقفل الشنطه ماتسألنيش ازاي حط واحد جوة الشنطه و اقفل عليه تاني حاجه لمبة درج التابلوه دي برضه ممكن تكون عامله سحب ثالث حاجه ام بي ثري الولاعه لو الولاعه شغالة مباشر و مش علي الكونتاكت رابع حاجه جهاز الانذار اه فيه اجهزة انزار غبية حملها عالي خامس حاجه وحدات رفع الزجاج و مكن الزجاج ممكن يكون فيه زجاج اي باب رافع للآخر و الزرار او وحدة الرفع بتعلق عايزة الزجاج يطلع من سقف العربية عادي بتحصل و مش هتاخد بالك بس دي هتعرفها لو حطيت ايدك علي الفرش ناحية ماكينة الزجاج هتحس بسخونتها سادس حاجه سلك الذاكرة بتاع الكاسيت - ايوة اي كاسيت بيبقي فيه سلك اصفر بيوصل مباشر علشان المحطات المخزنة و آخر وضعيه كان مفتوح او مغلق و اعدادات السماعات و الفوليوم و الوقت ممكن يكون ذاكرة الكاسيت بتستهلك شوية لو لقيت كل ده سليم و اللمبة برضه متوهجه يبقي حلال عليا عربيتك و كفاية عليك فيها 100 جنيه علشان انا زهقت لو اللمبة فيها يعني شبه تسرية بس فده طبيعي و ساعتها يبقي البطارية بايظه و بعد ازنك هعمل الكلام ده في موضوع منفصل علشان الناس تستفيد و اي خدمة م / سامح ليله

كلام سليم وزى الفل و ممكن بدل اللمبة تستعمل الأفوميتر على التوالى فى وضع قياس الملى الأمبير

[Tooo_king]

كلام ممتاز الى حضرتك نصحت بيه وده فعلا الى عملو الكهربائي قدامى وفضلت اللمبة منورة وقال لى فى النهاية مفيش تسريب ده السحب بتاع كمبيوتر السيارة . ولما حس انى مش مقتنع قال لى تقدر تروخ تكشف عليها بالكمبيوتر .... الغريبة انا مفيش حاجة انا عملتها فى العربية الى جرى هو ان البرد ذاد بس ...