|
#126
30-07-2010, 08:19 PM
|
|||
|
|||
رد: أدب الرحلات
ربنا ما يحرمنا من تجاربك ديه يا عم خالد والله انا مش عارف انتا لو فكرت يوم متدخلش علي المنتدي انا ممكن ايه اللي يحصلي عارف ايه اللي ممكن يحصلي ! ! ! ! ! ! ! ! ! ! هـــــــــــــــــــنــــ ــــــــــــام طبعا هو هلاقي حد اوجعله دماغه فين غيرك انتا يا عم خالد تصبح علي خير 
|
|
#127
30-07-2010, 08:27 PM
|
||||
|
||||
رد: أدب الرحلات
__________________
 الله يرحمه ويتغمد روحه الجنة....ويحشره مع الصالحين,,,,ويجزيه الفردوس الأعــلى,, إننا لله وإنا إليه راجعون... إن القلب ليحزن والعين لتدمع,,,وإنا لفراق أمثاله لمحزونون....  ان مرت الأيام ولم ترونـــــــي. فهذه مواضيعي فتـذكرونـــــــي. وان غبت يوما ولم تجدونــــــي. ففي قلبي حبكـم فـلاتنسونـــــــي. وان طال غيابـي عنكــــــــــــــم. دون عـودة اكون وقتهـا بحـاجــة للدعـاء فادعـولــــــــــــــــــ ي
|
|
#128
30-07-2010, 11:53 PM
|
|||
|
|||
رد: أدب الرحلات
ده محبه يا عم خالد ولو مبحبكش مش هصدعك وجيبلك الضغط زي ما نا عامل كدا ههههههههههههههههههههه
|
|
#130
31-07-2010, 01:02 AM
|
||||
|
||||
|
رد: أدب الرحلات
نقول كمان
يوم الشبورة الرهيبة من كام شهر كنت جاى من مدينة الحمام ورايح اسكندرية علشان اعدى على مكتبنا هناك ولقيت المطر نزل سيووووول رهيبة واتصلو بيا الشركاء وقالو حاول تخرم من الدولى لان المطر هنا فظيع والسواقة هنا صعبة طبعا مكانوش يعرفو انى كنت بينى وبين العجمى حوالى 30 كيلو وطبعا بينى وبين الطريق الدولى 50 كيلو وقلت ف عقل بالى كمل ربما تلاقى الصحراوى مقفول تتحبس للصبح والدولى فى الشتا مقطوع لا حد رايح ولا حد جاى يعنى هتنقى اى كمين وتقعد معاهم وهما عندهم انفلونزا منك وتلاقى اى حد اختر ع لك موضوع صحيح الدقن اللى كانت مسببة ليهم مشاكل كتير خفت خاااااااااالص لكن هتقعد وسيطهم ازاى المهم كملت لاسكندرية ووصلت اسكندرية لقيت بحااااااااااااااااار فى الشوارع وفعلا دخلت على الصحراوى لقيته مغلق كما توقعت وطلعت على الزراعى وانا ماشى بصيت لقيت ولا ميكروباس ولا اتوبيس ماشى فى الشارع والناس واقفة غرقانة من المطر وببص فى الساعة لقيتها لسه 10 بالليل كنت وقتها فى منطقة مرغم (اللى من خارج اسكندرية /مرغم تبعد عن اسكندرية 20 كيلو وليها علامة مميزة /شركات البترول على الشمال وانت رايح /وريحة مجارى مميزة جدا لازم تقفل شباك العربية ) المهم قعدت انادى زى بتوع الميكروباس محرم بيه / محرم بيه والناس ياعينى بقت تجرى تتصارع على العربية لدرجة فى 2 كانو هيكسرو الباب ودخلتهم قعدتهم فوق بعض وعند كوبرى محرم بيه نزلو كلهم ودخلت على الزراعى ولقيت نفس الملحوظة ولا ميكروباس والناس أمم فى الشوارع ووقفت جنب كمية كتيرة منهم واقفين وبقيت انادى بأسلوب الميكروباس كفرالدوار / ابوحمص /دمنهور / ايتاى البارود / كفر الزيات / بركة السبع /قويسنا /بنها / القاهرة ولقيت طوفان جاى جرى بس بعد الحنـتـفة والحسوكة وحشر البنى آدمين علشان اكبر عدد يروح بيتهم خليتها تشيل 8 غيرى وبقت الناس تنزل وتركب لحد موصلنا ايتاى البارودى ولقيت 3 عايزين يروحو طنطا وانا مش هدخلها همشى االطريق الدائرى انزل بركة السبع انكسفت منهم وقلت ياواد دخلهم طنطا والسكة كلها مش شايف مسافة تزيد عن متر ادام العربية وكله قاعد جنبى قاطع النفس مش فاهمين انا سايق ازاى لكن انا كنت ماشى على المتر اللى ادامى بالاضافة الى انى ماسك الجزيرة اللى جنبى وماشى موازى ليها وبعيد عنها بمتر علشان لو فى حاجة طالعة او بنى أدم واقف او حاجة المهم دخلنا عى نفق كفر الزيات والطريق رايح جاى بلا جزيرة والشبورة تقلت وبقت فوق الكبوت وعصرت نافوخى وافتكرت الخريطة ومشيت على الخريطة اللى فى دماغى وربنا ستر وساعتها واحد سألنى انت ماشى ازاى فقلت له/ انا حافظ الشارع المهم دخلنا الطريق السريع بتاع طنطا ومشينا فيه وحدث مالم كنت أريده نظرا لان القطار عشرة قديمة فانا عندى عادة زى الزفت ساعة م اسمع صوت القطار او مزلقان القطار ابص فى الساعة بتاعة العربية وانسى الطريق لثوانى علشان افتكر ده قطار رقم كام ومتأخر والا لا وكده وقد كان معدى جنب مزلقان شبرا النملة (بلد تبعد عن طنطا 9 كيلو متر) وسمعت جرس المزلقان وانشغلت وكان النااتج انى غفلت ثوانى ولقيت شارع دخلته وفوجئت بتريللا جاى عكس اتجاه ووراها عربية جامبو وتريللا تانية وعربيتين ملاكى فقلت لا ده طريق سريع مينفعش كل دول يبقو عكس الا لو الطريق فيه حادثة لاقدر الله فركنت بره الشارع خااااالص ونزلت انا والناس وفوجئت انى انا اللى دخلت عكس على الطريق اللى راجع على اسكندرية وطبعا بمساعدة الناس وقفنا الشارع ورجعت على الطريق السليم وصلت اهل طنطا بلدهم من جوه مش على الشارع لانى عارف ان مفيش مواصلات وخرجت وبقيت انادى زى الميكروباس بركة السبع /قويسنا / بنها /القاهرة وطبعا الناس كانت بتجرى على العربية زى ميكون جالها طوق النجاة وانا كنت بقدر الامكان بحاول اخد اكبر عدد ممكن لحد موصلت القاهرة بالسلامة ودخلت الزيتون بعد رحلة شاقة استمرت سبع ساعات ونص طرائف الرحلة دى 1ــــ كل اللى يشوفنى بنادى الاقيهم وهما نازلين بيلمو الأجرة ياخواننا دى عربيتى مش سواق عليها والكلام ده ابتغاء وجه الله يقعدو يدعو دعوات اجدع واحسن عندى من مصنع نيسان بحاله 2__ دى ست فلاحة ظريفة كان ابن اختها ييجى يوصلها مصر كل يوم من بنها بعربيته السوزوكى الفان (طبعا مش ببلاش ) فى اليوم ده زوغ منها وكان معاها مشنة خضار كبييييرة ومعاها مشنة تانية اصغر شوية المهم بعد م ركبت وقعدت ورحرحت واخدت حقها خاااالص اتصلت بابن اختها هزأته على الموبايل ومسحت بكرامته البلاط المهم احنا مستنيينها تخلص لانها فاردة رجليها ال2 على الآخر وكانها هتركب وحدها فييييين على مخلصت طريحة التهزيق حطينا المشنتين فى شنطة العربية بالعافية لان الشنطة فيها انبوبة الغاز لانى محولها غاز ولازم اقفل الشنطة لان غالبا فى واحد بيركب فوقها وقعدنا وقعدت جنبها واحدة بتشتغل عاملة نظافة فى محافظة القاهرة وفوجئت بيها رئيسة على مجموعة من الشباب لانها قديمة عنهم والاعجب قالت ان عندى منهم مجموعة خريجين جامعة ومبيرضوش يمسكو المقشة ويكنسو فى الشارع طيب اتعينتو ليه (منطق برضه) 3_ دخلت كمين المظلات اللى على الكورنيش لان فى منهم ناس نازلين التحرير ولقيت الظابط بيوقفنى لان فى واحد راكب على الكبوت وواحد على الشنطة و6 جوه العربية غيرى وقال ايه اللى انت عامله ده فقلت معلش كلهم عايزين ييجو اشغالهم ومفيش مواصلات وقبل م يرد لقيتهم كلهم معلش يابيه ربنا يخليك يابيه فضحك وسابنى 4 ---دخلت شارع رمسيس وتحت كوبرى احمد سعيد بكسر شمال على مصروالسودان لقيت كمين من مباحث المرور بيقول لى الرخص ليه ياعم قال مش رابط الحزام بصيت له كده بغيظ وقلت حزام ايه جاى من اسكندرية فى 7 ساعات ونص وانت جاى تقوللى الحزام ياراجل عيب بص زميله قال فعلا العربية غرقانة ميه وناسى المساحات شغالة قال طب نفتش العربية فقلت له بص انت هتدور على اى حاجة متسيبك من الكلام ده وتعالى لى دوغرى انا معايا ف جيبى 5 جنيه خدها وريحنى فقال خليهم 10 وبصراحة المخ الصعيدى ركب ومجهود السواقة الجبار والتركيز الرهيب وخصوصا ان فى مناطق كانت خطر جدااااا ومرضيتش انقل احساسى بالخطورة للى راكبين علشان ميتخضوش 5 -- وصلت البيت باعجوبة فعلا ودخلت لقيت والدى والمدام فى قمة القلق لانهم عارفين انى باجى من اسكندرية فى ساعة ونص ووالدى فتح تحقيق وطبعا بعد فتح التحقيق واللى استمر نص ساعة هزأنى لان حبايبى كتير فى اسكندرية وممكن ابات عند اى حد وانا مفيش اى دماغ للنقاش لكن بصراحة كانت رحلة لذيذة وخصوصا اللى كانو بيلمولى الاجرة كل م افتكرهم كنت اضحك جداااااا التعديل الأخير تم بواسطة خالدخليفة ; 31-07-2010 الساعة 01:26 AM
|
 |
|
|
