البطارية الجافة ولا حمضية

[ahmed1981]

المشاركة الأصلية كتبت بواسطة محمود زيزوو فعلا يا بشمهندس طلعت حمضية وصوت الشخللة بان لمة شلتها وهزتها بس انا بوديها لبتوع بطاريات كلة بيقول جافة بس صوت الشخللة ضعيف

طبعاً لازم تكون حمضية
وأكيد لما تهزها المحلول الحمضي بداخلها سيهتز
لكن يطلق عليها في السوق جافة والإسم العلمي لها هو بطارية محكمة الغلق

وليس كل بطارية جافة يكون لها مبين شحن
وبالتالي وجوده من عدمه لا يعطي دليل على أنها عادية أو محكمة الغلق (جافة في تعبير بائعي البطاريات)

لكن هناك بطاريات مغشوشة يدعي البائعون أنها جافة
لكن مجرد ما ترفع اللزقة اللي فوق تلاقي الفتحات تحت موجودة عادي

[مركز الرائد]

لا توجد بطاريه جافه لأن من العوامل التى تودى الى تخزين الكهرباء لأبد من وجود وسط حامضى بين ورق الزنك لعدم احتراق الورق فجميع البطاريات لابد من جود حمض كبرتيك مخفف فيها حتى ولو مكتوب عليها جافه مثل AC dellco

[احمد على 1999]

مظبوط مسمى بطارية جافة معرفش جه منين هى اسمها mf اختصار ل maintenance free يعنى مبتحتجش صيانة
بس تبعا للمسمى المصرى فهى جافة انا اتاكدت من google بس فعلا مش باين لها عين بيان الشحن و فى رايى مش مهم

[NicEgypt]

كلاكيت 3 مرة .. بطاريتك جافة والصورة دى بتاعتى " ايموشن واحد بيعيط "
الجافة بيكون فيها مية باردو بس مش محتاجة صيانة زى الاساتذة تفضلوا وقالو .
وبالتالى هى جافة بس بـدون عين سحرية . فية بطاريات كتيرة ف السوق بدون عين سحرية عادي .
-------------------
اقولك بقى على مفاجأة ؟ فية بطاريات سائلة وفيها عين سحرية ! بس صيني جديدة دي صح ؟
لو حد عايز صور يقولي ارفعها .. لو حد مهتم

[MO]

دي جافة يا ريس
الحمضية هتلاقي من فوق 6 عيون بيتفتحو زي المسمار و بيتحط فيها مياه مقطرة