|
#1
09-05-2011, 05:49 PM
|
|||
|
|||
الفرق بين والولد والبنت في ركوب الميكروباص
اول حاجة : (وانتا بتوقف الميكروباص وياسلام... لو مفيش مكان ) ......... البنت ... يادوب تبص بس بصة استعطاف لأي بأف قاعد هايقوم ينط يعد في ضهر السواق عشان تعدى سيادتك انما بقا الولد.... شوفلك اي حتة اترزع فيها او ان...شالله تتشعلق مانتا اساسا مالكش أهل يخافو عليك ......................... .......................
ثانى حاجة (وانتا طالع كتير مننا ممكن يخبط راسه في الباب) البنت ........... هاتلاقي اللي بيقولك خير حصلك حاجة ؟؟؟ من كل الركاب وممكن طبعا تلاقي اللي ممكن يقوم يضرب السواق مش الباب ده تبعه انما بقا الولد ... اسمع بقا اللي يضحك عليك واللي يقولك ايه اتعميت ؟؟ .. يا لطخ تستاهل شوف كنت بتبص فين والكلام دا طبعا ......................... ....................... تالت حاجة : (وانتا بقا بتقفل الباب وطبعا السواق بيقولك اقفله بالراحه كأنه هايتكسر في اديك) طبعا لو كنتي بنت وبتقفلي بالراحه خالص وممكن الباب مايتقفلش يقولو شوفو الرقة حتى الباب مش هاين عليها تخبطه بالجامد وياعيني عليك لو كنت ولد والباب ماتقفلش .. ايه ياعم النايتي مش قادر تقفل الباب اتفو على دا جيل ولو قفلت الباب بالجامد بقا لو كنتي بنت طبعا هايقولو معلش اكيد متعصبة شوية ربنا يعينها على اللي هيا فيه انما لو كنت ولد : ايه الطور دا خلاص ياعم عرفنا انك فاندام بس بالراحه ع الباب ......................... ....................... رابع حاجة : (طبعا ممكن يجيلك تليفون وانتا قاعد في الميكروباص ) لو انتي بنت وانتي بتقولي الو ياسلااااام الله يا جماعه على صوتها شوفو الرقة يابخته المحظوظ اللي بيكلمك ولو معاها موبايل معفن ياسلام ع التواضع انما بقا لو كنت ولد اللهي يجيلك ضربة انتا واللي بيرنلك دلوقتي وطي ياعم صووت ام صوتك صرعتنا والله عرفنا انك معاك زفت موبايل ولو الموبايل معفن .. وكمان بتتعايق بموبايل معفن امال لو كان موبايل عدل شوية كنت عملت ايه ......................... ....................... خامس حاجة : (لو انتا بقا طالع والسواق مشغل اغنية بيئة ومعلي الصوت بقا وانتا عايز تتكلم في الموبايل) طبعا لو انتي بنت القانون بيديكي الحق الكامل انك تقوليله وطي الكاسيت او اطفيه ( قانون ساكسونيا طبعا) انما لو ولد هاتلاقي السواق من غير ما يرد عليك يادوب يبصلك بصة بقرف ويلف وشه تاني ويعلي الصوت كمان ويفضل يبرطم بقا انتا هاتشترينا بأم النص جنيه اللي هاتدفعه ......................... ....................... سادس حاجة : (طبعا بقا انتا وصلت الحمد لله بعد القهر والتفرقه العنصرية اللي اتعرضت ليه طول الطريق عايز تنزل بتقول للسواق على جنب وطبعا لايمكن هايسمعك ماهو مشغل الاغاني ومعلي الصوت على اخره) طبعا لو انتا ولد هاتقول مرة واتنين وعشرة وينزلك بعد الحتة اللي انتا عايز تنزل عندها بشارعين تلاته وطبعا هايقولك ماسمعتكش مانتا اللي صوتك واطي زي البنات انما بقا البنت يادوب كل اللي هاتعمله انها توشوش على جنب وكأنها بتكلم نفسها هاتلاقي بقيت الاربعتاشر نفر اللي قاعدين في الميكروباص بصوت واحد بيقولو للسواق على جنب ..... انتا اطرش ؟<!-- / message --><!-- sig --> 
|
|
#3
09-05-2011, 06:17 PM
|
||||
|
||||
رد: الفرق بين والولد والبنت في ركوب الميكروباص
هههههههههههههههههههههه
جامدة يا كورسير ........ ربنا يخلى العربيات  :craz yW14:
__________________
That is My Renault
|
|
#4
09-05-2011, 06:20 PM
|
||||
|
||||
|
رد: الفرق بين والولد والبنت في ركوب الميكروباص
هههههههههههههههههههههه
انت بتجيب الكلام دة منين متقوليش واقع الحياة بس نص الكلام دة حقيقة (انا بخاف يا عم) و اخيرا الله ينور عليك و استمر ضحكتني وانا مضايق
__________________
 رمضان كريم
|
 |
|
|
