ارجوووكم :اعمل ايه مع موتور العربيه اغيره ولا فيه امل يتصلح ؟

[eslam magico]

السلام عليكم
ازيكم يا خبراء و يا باشمهندسين ويا احلى فانز لمصر موتورز
باختصار شديد :عربيتى سكودا فيفوريت ٩٤ الصيف اللى فات في ايام الحر الشديد كان فيه تسريب من خرطوم ميه الموتور فسخن منى ولاقيت دخنه بيضه فتحت غطاء اربه المياة واحدة واحدة لاقيتها ناشفه وبتهب هوا سخن جدا سبتها دققتين وبعدين زودتها ميه من الازازة لحد ما هدت ،بعدها غطاء المكنه لاقيت عليه طحينه بمدة كام يوم بعد حوار السخونه الميكانيكى قالى جوان فعملته بس وهو بيفك المسامير قطم اتنين جه خراط وفكها المهم بعدها باسبوعين الوضع مفيش فيه تحسن والطحينه رجعت عملت عند واحد تانى جوان ومعاه طقم شنبر بعدها بشهر رجعت الطحينه روحت لميكانيكى تانت غير جوان والوضع زى ماهو ومن وقتها ماشى علىها وغيرت مسامير وش السلندر وحطينا سيلكون حرارى مفيش فايدة بس اخر مرة بعد تغيير المسامير ووضع السيلكون الحرارى الميكانيكى قالى غير الزيت وماغيرتش بقالى شهر ونص ،بس الدنيا معايه حلوة من ناحيه مايه و زيت مفيش نقصان ومفيش عادم ريحته وحشه ولا دخنه بس بيطلع ميه مع العادم من الشكمان وكل اسبوعين بيجى علي بيجوهين زيت انضفهم وخلاص ،،،،،،،من الاخر يا رجاله اعمل ايه لان لفيت كتر وزهقت وصرفت حد ما فلوس كان ممكن اجيب بيها شورت بلوك بس نفسي يكون فيه امل لتصليح المكنه وترجع زى الفل

آسف علي الاطاله .....لكن متعشم فيكم ان شاء الله

[eslam magico]

مفيش اى رد يا جماعه ،انا قولت اكتر حد هيفيدنى مصرموتورز بدل جشع الصنايعيه

[AbOnOrA]

معلش يا اسلام رمضان مخلى الناس مش مركزة فى حاجة خالص ومشكلتك كمان مش سهلة

بص يا باشا اولا سخونية المكنة فى اغلب الحالات مبتعديش بالساهل ولازم لما يتعملها جوان تقعد عن الميكانيكي يومين تلاته يدورها ويشوف بتسخن ولا لاء والزيت والمية عاملين ايه فى المكنة وانت المفروض متستلمش ولا تحاسب الا على الاساس ده

انا نفسى عملت الجوان ده فى عربيه واحدة 3 مرات بسبب الحوار ده بس انا هي مره اخدتها منه لقيت كدة رجعتها وقولتله مش هاخدها الا لما تتظبط وخليته عاد الشغل لحد ما ظبتت

نيجي بقى للنقطة التانية وهي ان غالبا العربية مبتظبطتش 100% فتلاقى اثار زيت او نقصان ميه او الصوت يبقى اعلى او الزيت ينقص انا شايف ان ساعات ممكن نقصان زيت بسيط او ميه تتعايش بيه .. انا شخصياً بعمل كدة

وتبقى عامل فى حسابك اجلا ام عاجلا يا هتبيع العربية على عيبها واعتقد ده اريح يا تجيب شورت بلوك او حتى موتور كامل وبرضو فيها احتمالات انها متظبتش وقرف الصنايعية

فنصحيتي ليك لو تقدر تتعايش بيها كدة لحد ما تبيعها يبقى احسن وربنا يكرمك باللي احسن منها

[eslam magico]

متشكر ليك يا ابو نورا معلش ردى جه متأخر يأست ان مفيش حد هيرد عليا لكن الحمدلله انك رديت عليا ،عموما انا مش عارف ليه بحس ان الموتور كويس ومظلوم من هبل الصنايعي اللى بيشتغل فيه ،انا لسه مغير زيت من كام ساعه نازل عشرة على عشرة ولا مطحن ولا حاجه مفيش غير غطا الزيت هى اللى بيعرق طحينه فقط ،اللى استجد ان فيه بوجيه رقم واحد بيجى عليه زيت والعربيه بدأت تنتش معايه وكل ما اغيرة مفيش اسبوع ويرجع تانى دة كل من ايه يا ابو اسلام متأسف وكل عام وانت بخير