|
#1676
14-01-2011, 02:08 AM
|
||||
|
||||
رد: أدب الرحلات
شيل المداخلات لاننا هنخاطب اولا قراء المنتدى وثانيا القارىء اللى لايعرفنا ولاسمع عننا
فالمداخلات هتفسد متعة الحكايات واشكر ليك تعبك معايا مرة تانية
__________________
 انتقل الى رحمة الله .. ونسأل الله له الرحمة والغفران 
|
|
#1677
14-01-2011, 02:30 AM
|
||||
|
||||
رد: أدب الرحلات
لا شكر على واجب لانسان فى اخلاق حضرتك
__________________
--------------------------------------------------------
|
|
#1678
14-01-2011, 04:28 AM
|
||||
|
||||
|
رد: أدب الرحلات
الحـاج / محمد
قابلته فى القطار المتجه الى اسوان سنه تخطى الخمسين نحيف يبدو عليه اثار ثراء قديم حزين مش عارف ليه ؟؟؟ وساكت لايتحدث ابدا ثم مرت ساعة واثنين ولم ينطق بحرف ولم ينام بل دائما مايكون موجها نظره الى خارج القطار ثم جاء عامل البوفيه يجر عربة البوفيه أمامه وينادى حاجة ساقعة....نيسكافيه ..... ساندوتشات التفت الحاج محمد فجأة وخاطبه / هات لى شاى رد عليه عامل البوفيه / للاسف مش معايا شاى ........دلوقت يـيجى بتاع الشاى وانتهزت الفرصة وكلمته فمشوار اسوان طويل والوقت يمر بطيئا وخصوصا ان القراءة فى وقت اكون مرهـقـا فيه تدعونى الى النوم شكلك بتحب الشاى زى حالاتى .... صعايدة بقى .... وابتسمت ولم يرد وانا اتـفـرست .... أو اتكبست ....وسكتـت شوية وجاء عامل البوفيه الثانى / شاى .....شاى .....شاى يابتاع الشاى نعم هات لى شاى ثم فاجأنى وقال لى / تشرب معايا شاى؟؟؟ فرددت عليه بأدب وانا لازلت مكبوس / شكرا والله لايمكن ....هتشرب معايا اشكرك نظر لبتاع الشاى وقال / هات لنا 2 شاى شكرا ....مش عايز خلاص جبته... والراجل بـيـصبه اهو وتـناولنا الشاى سويا واثناء شرب الشاى قال / اعذرنى يابنى ....انا كنت عشرى أوى ( اجتماعى ) واحب اتعرف بالناس لكن كثرة التعامل مع الناس بحسن نية بهدلتـنـى ازاى ياحاج .... ثم انت اسم حضرتك أيه ؟؟؟.....انا ابنك خالد اهلا بيك ياخالد....انا الحاج محمد اهلا ياحاج اهلا بيك شوف ياخالد اتفضل ياحاج انا كنت ثرى جدا .....وعندى أموال لاتحصى ولاتعد وبعدين وطبعا ارتكبت ذنوب ومعاصى كتير ......واتجوزت 3 مع بعض ودايما كانت اللى تعجبنى والا قيها مستعصية عليا اتجوزها عرفى اسبوعين واسيبها .... غير الخمور والملاهى و.....و..... وبعدين ربنا اكرمنى بتوكيل اسمنت فى احدى المحافظات والبلية لعبت جاااااااااااااامد .....لدرجة انى من 15 سنة (حوالى سنة 1985 تقريبا ) كنت اصرف يوميا لايقل عن 1500 جنيه على ملذاتى وشهواتى غير مصروف بيتى ياستار يارب .....يعنى لايقل عن 2000 جنيه يوميا أه والله وبعدين ابدا اتعرفت على شلة من التجار وكانو اصحابى كلهم الروح بالروح وكنا نسهر يوميا للفجر وبعدين كنت ابقى راجع سكران طينة والفجر بيأذن وانام زى البهيمة للعصر كمل ياحاج وكان اخواتى اصحاب شركات مقاولات كبيرة لكن الشهادة لله كانو بيحافظو على فلوسهم مش بـيـهبـلو زى حالاتى وبعدين وفى يوم بدأ السوق ينضرب معايا والسيولة قلت عندى واضطريت اخد قروض من البنوك قاطعته وطبعا ربنا بهدلك بسبب القروض ضحك وقال / بسبب القروض بس ؟؟؟؟؟؟؟ وبسبب البلاوى السودة اللى عملتها ثم اكمل حديثه انا غلطت كتير أوى يابنى وانهمر فى البكاء كما الأطفال....... وارتفع صوته فى القطار اهدى ياحاج وصلى ع النبى بصوت مخنوق /عليه الصلاة والسلام ..... والله يابنى انا م استاهلش الحياة تانى ياحاج ربنا بـيتوب على عبده العاصى ثم تلوت عليه الأية القرآنية التى تقول (قل ياعبادى الذين أسرفو على انفسهم لاتقنطو من رحمة الله ان الله يغفر الذنوب جميعا انه هو الغفور الرحيم ) صدق الله العظيم والله يابنى ....انا حاسس ان ربنا مش هيغفر لى ابدا مين قال كده ؟؟؟؟؟؟؟اومال ربنا اسمه الغـفـور والغـفـاروالتواب والرحيم ازاى وهو مش هيغفر لك ؟؟؟؟ انا عملت معاصى كتــيرة اوى ثم انهمر فى البكاء مرة اخرى ......انها حرارة المعصية تحرقه ويحس بها كالجبل الجاثم (النائم) على صدره هدى اعصابك وكمل كلام ابدا وفى يوم فوجئت ان الفلوس بدأت تتسرسب من ايدى ومبقاش حيلتى حاجة وطبعا البنوك والتجار اللى ليهم فلوس رفعو عليا قضايا ....وسبت مكتبى وبيتى ومكانى واخدت مراتى وعيالى وسكنت فى محافظة تانية وقررت اشتغل اى حاجة وكان معايا قرشين اشتريت بيهم عربية سوزوكى ووقفت بيها فى الموقف وبقيت اشتغل اهو يوم يجينى 100 جنيه ويوم 50 ويوم مفيش واهى ماشية وبعدين فوجئت باصحابى اللى كانو كل يوم عندى ونسهر سوا ابتدو يتهربو منى ومنهم اللى هاجمنى ومنهم اللى استلف فلوس ولما طالبته هاجمنى وشتمنى......حتى اخواتى قاطعونى بس هما كانو مقاطعيينى بسبب تفاهتى وهيافتى وشوية الصياع اللى كنت مصاحبهم معقول ؟؟؟؟ اه والله ......المهم قلت ياواد خلينى فى شغلى الجديد والقرش اللى ييجى اعيش بيه وخلاص وحصل ايه بعد كده؟؟؟؟ فوجئت بواحد صاحبى فى يوم واقف فى الموقف بيدور على عربية تنقل له شوية حاجات وجريت عليه وقلت له /ازيك يافلان........وفوجئت انه سلم عليا بقـرف .... ولا كأنه يعرفنى ايه الجحود ده ؟؟؟ الاسوأ من كده انه بعد كام يوم من بعد م شافنى فوجئت بيه جانى واخترع خناقـة وروحنا القسم وهناك الظابط بيكلمنى روحت مزعق فيه فشتمنى فمسكته ضربته علقة محترمة مدهوشا / وسط القسم؟؟؟ أه والله ياخالد .... وطبعا اتلم عليا القسم كله وصاحبى معاهم ونزلو فيا ضرب مدهوشا / وصاحبك معاهم؟؟؟؟ أه والله ليه ؟؟؟ معرفش...... اتاريه كان عايز يحبسنى فاخترع حكاية الخناقة وروحنا القسم وكان متفق مع الظابط ...وطبعا ظهرت القضايا اللى انا هارب منها واتحبست 6 سنوات ونص متواصلة لا اله الا الله ......أيه الناس دى؟؟؟ المهم ......وانا فى السجن جاى يزورنى ورفضت زيارته .... ولما سألت عن السبب مراتى قالت انه حاسس بغلطه وجاى يعتذر ياسلاااااااااام مهو انا حسيت انه بيضحك عليها وانه جاى يشمت فيا وانا مسجون فرفضت زيارته وبعدين خرجت وانا زاهد فى الدنيا ومش عايز غير ان ربنا يغفر لى وانفجر باكيا مرة اخرى وهذه المرة لم يسكت واستغرق بكائه اكتر من نص ساعة حتى تمنيت ان يسكت وندمت انى كلمته وقلبت عليه المواجع لكنا دموع التوبة فـقـد قال رسول الله (صلى الله عليه وسلم ) عينان لاتمسهما النار ابدا عين بكت من خشية الله وعين باتت تحرس فى سبيل الله صدق رسول الله اللهم اغفر لنا وله ولكل المسلمين اللهم امين يارب العالمين
__________________
انتقل الى رحمة الله .. ونسأل الله له الرحمة والغفران التعديل الأخير تم بواسطة خالدخليفة ; 14-01-2011 الساعة 04:33 AM
|
|
#1679
14-01-2011, 01:00 PM
|
||||
|
||||
|
رد: أدب الرحلات
جمال والانتخابات
جمال مختفى من كام يوم .....صحيح انا مش عايز العربية بتاعته .....لكن دايما كان يكلمنى كل يوم ياترى حصل ايه؟؟؟؟ واتصلت بيه وردت عليا والدته ازيك ياحاجة اهلا يابنى ...انت خالد؟؟؟؟ ايوه ياحاجة .....جمال فين ؟؟؟؟ الموكوس مع بتوع الانتخابات بيعمل ايه ؟؟؟؟ معرفش يابنى والله طيب انا هجيله بالليل ..... هو بيرجع امتى؟؟؟؟؟ على 12 بالليل ياااااااااااه ليه كده انا عارفة؟؟؟؟؟؟ لما ييجى ابقى أســأله وفعلا ذهبت الى البيت الساعة 12 بالليل قابلته داخلا الى البيت ازيك ياجيمى اهلاااااااااااااا ....ازيك ياخلودة ....بالحضن ياراجل وبعد الاحضان والسلامات ....طلعنا البيت ايه يابنى مختفى ليه؟؟؟؟ مشغول شوية؟؟؟ فى أيه؟؟؟؟ الانتخابات ههههههههههههه وانت مالك ومال الانتخابات مالى ازاى ....مش لازم اكون ايجابى طبعا جمال ميعرفش يقول كلمة ايجابى دى لوحده .....اكيد سمعها من حد ضاحكا / جمال نعم متضحكش عليا وقول الحكاية بالظبط ضاحكا / حاضر شوف ياسيدى نعم الجماعة بتوع الانتخابات دول....عارفين ان محدش هيعبرهم بالجزمة القديمة تمام فبـيـعملو ايه؟؟؟؟؟؟؟ أيه ؟؟؟ (طبعا الاساليب دلوقت اختلفت عن سنة2000 ) بيجيبو اللى زى حالاتى يمشى وراهم فى كل حتة ازاى يعنى؟؟؟؟ يعنى الموءتمر بكذا وانت بتعمل ايه فى المؤتمر ؟؟؟ كل م يقول كلمتين ....نصقف ونولعها طول المؤتمر والجولة بكذا والجولة دى ازاى يعنى؟؟؟؟ يعنى نطلع معاه وهو ماشى فى كام شارع من شوارع الدايرة ونصقـف ونهـيـص حواليه وهو ماشى .... يعنى بالبلدى نحسسه كأنه صلاح الدين القليوبى مين صلاح الدين القليوبى بتاع فلسطين مستهزئا / بتاع فلسطين ازاى يعنى؟؟؟ بقول لك ايه ياخلودة انا جاى دماغى بايظة من الهتافات وايدى وارمة من التصقيف طول النهار اعمل معروف مش ناقص حصص التاريخ بتاعتك مبتسما / ماشى ياعم ..... وفكرت ف نفسى وقلت م تروح تتفرج بعد المكتب وتشوفهم بيعملو ايه ؟؟؟ وأفـقـت من تفكيرى على صوت جمال / يالا ياخلودة العشا جه مش هقددر آكل لازم تاكل ....هو انا مش قد المقام والاايه؟؟؟؟ ياعم م تكبرهاش..... هو احنا بيننا الكلام ده؟؟؟ والله... ل.... تاكل حااااااااااااضر وبدأنا الأكل.... واثناء الأكل فاتحته فى الموضوع جمال...... انا هاجى اشوفكم بتعملو ايه بكرة بعد المكتب هتكونو فين ؟؟؟ هنكون فى الحتة الفلانية ....بس بكرة مفيش فلوس لازم تيجى ادام الراجل وتشتغل كويس علشان اعرف اجيب لك قرشين حلوين هههههههههههه .......حاضر وكانت التجربة وحدها هيا اللى شدتنى لكى أعرف ما بداخل هذا العالم الغريب وفعلا خلصت شغلى وذهبت الى المكان الذى قال عليه جمال وهناك وجدت جمال وآخرين واقفين فى الشارع ومعاهم صور لشخص (لداعى لذكر اسمه لانه لازال عضو بمجلس الشعب حتى الأن ) وحين رآنى صاح بأعلى صوته / خلوووووودة ........تعالى هنا واتخذ لى مكانا متـقـدما....أمام الجميع وحين ظهر الرجل (المرشح )علينا بطلعته البهية صاح الجميع هيـيـيـيـيـيـيـيـيـيـيـيـ يـيــييـيـيـيــيـيـيـيـيـ يـيه..................وان طلقت الصفافير من كل مكان وانا واقف بتفرج وفوجئت ببوكس (لكمة / بونية ) فى ضهرى من ورا فاذا به جمال يضربنى ويقول / هيص ياعم اومال انا جايبك قدام ليه ؟؟؟؟ يالا علشان الراجل يشوفك ....يالا .....يالا .... وطبعا لم أفعل اى شىء وطول الوقت كان الرجل يختلس النظرات الي شخصى الكريم ولا اعرف لماذا ؟؟؟ شكلى مش من المهـيـصاتية (من الهيصة ) البدلة والكرافتة ووقـفـتى بدون عمل اى شىء معاهم ......فأنا اما مندس (على وزن الـقـلة المندسة /مدسوس /مزقوق ) من منافسه او صحفى يتابع مايحدث ونظرت الى جمال....وياللعجب تصقـيـف وصفـافـير ....وأشعار من اختراعه......وهو طويل وشكله لوحده تحفة ثم ذهبنا الى سرادق كان مقاما فى الشارع وأمسك الراجل الميكروفون .....ووجدت جمال أخدنى من ذراعى بالقوة وجرى بى الى الأمام فى أول السرادق بضيق / أيـيـيـيـيه ياجمال انت بتشدنى كده ليه ؟ علشان الراجل يشوفك وهيعمل بـيا ايه ؟؟؟ والله هتدعيلى بعد كده وجلسنا فى اول الصف وكلما نطق الرجل كلمتين قام جمال وأعوانه وهات يا تـصقـيـف (تصفيق) ثم يزغدنى فى جنبى ويقول / قوم اعمل حاجة ..... اومال انا لازقك قصاده ليه ؟؟؟؟؟؟ واضحك وأسكت ثم تنطلق الأشعار بعد كل تصفيق ولاحظت ان هناك مايسترو لهذا الكلام فهو يشاور لجمال مرة ولشخص اخر مرة ولثالث مرة لكى يقوم احدهم ويقول قصيدة مختلفة عن الأخر ثم بعد انتهاء المؤتمر الانتخابى يذهب الجميع مع الرجل (المرشح ) الى مكتبه ويتم توزيع الفلوس عليهم وطبعا لم أدخل وانتظرت جمال فى الشارع تحت المكتب وبعد قليل فوجئت بيه جاى جرى خلودة .....خلودة ايه فى ايه الباشا سألنى عليك ...وقال لى انزل هاته عايزنى ليه ؟؟؟؟؟ ثم انا مش بتاع الكلام ده ....مستورة والحمد لله وانت عارف معرفش ....ياعم اهو قرشين جايـيـن .....هنقول لأ ليه ؟؟؟ وأخدنى من أيدى بالقـوة الى مكتب الراجل سلام عليكم وعليكم السلام .....اتفضل ثم نظر الى كل من حوله ....وقال /سيـبـونا شوية وحدنا جمال متسائلا / وانا كمان امشى ؟؟؟؟؟؟ ايوه فنظر لى نظرة حسد ومهرجا وقال / ايوه ياعم ....ماشية معاك .... ايوه ياسيدى....ابقى افتكرنا اسكت ياجمال وتحدث الرجل معى وتعجبت من كلامه انت صحفى من جريدة أيه ؟؟؟؟ انا مش صحفى طيب ....مين باعتك ؟؟؟؟ اكيد انت تبع فلان (منافسه ) ولا أعرفه لم يعجبه هذا الكلام ونادى بعصبية يافلان .....ياعلان ووجدت جــبـليـن كبار .....دخلو المكتب قال احدهم بصوت غليظ / أؤمر ياباشا فتِشوه بعصبـيـة / حيلك ..حيلك ...يفتشونى ده أيه ؟؟؟ صوت جمال من خارج الغرفة ماشية معاك ياعم خااااااااالد ......اوعدنا زيك يارب كدت ان اضحك رغم الموقف العصيب وقلت / محدش هيفـتشنى ....احنا فين هنا ؟؟؟؟وانا أحملك مسئولية تصرفك ده الرجل / اهو الجملة الأخيرة دى هيا اللى هتخلينى افـتـشـك ....لان شكلك بتــقرأ وبتاع جرايد ياعم انا مليش علاقة بالصحافة .....انا راجل جاى اتفرج باستهزاء / تـتفرج ؟؟؟؟؟؟؟؟ هههههههههههه .....حلوة دى ........فتشوه وامسكنى احدهم بقوة كاد ان يكسر ضلوعى لكنه ثـبـتـنى مكانى بحيث لا استطيع الحركة تماااااااااااما وبدأ الأخر فى تفـتـيـشى صوت جمال من الخارج هنيالك ياعم خاااااااااالد ......ياريتنى مكانك وكدت ان اضحك مرة أخرى .......لكن كنت اتعجب .....جمال بيهيص كده فى المكتب بلا مراعاة لاى بروتوكول ويبدو ان الرجل قرأ مافى رأسى فسأ لنى اثناء تـفتيشى تعرف جمال ده منين ؟؟؟ احنا أصحاب ...وهو معاه تاكسى بنطلع نسافر بيه نوزع البضاعة بتاعتنا فى المحافظات بضاعة ايه؟ العطور واخرجو بطاقتى من جيبى ......كانت البطاقة الورقية التى تشبه الدفتر (العائلية) نظر فيها وقال / انت محامى سابقا .....لكن لسه مغيرتش المهنة ؟؟؟؟ حاليا صاحب شركة عطور بعصبية / انت هتشتغلنى ياله ......قول مين باعتك ورايا احسن والله أ...... صوت جمال من خارج الغرفة أيوه كده ياحا ج خالد .......ماشية معاك ياعم وقلت له / م تسأل اللى قاعد يهيص بره ده بدل م انت مش مصدقنى والله عندك حق.........هاتو جمال ودخل جمال مبتسما ومبسوووووط / قشطة ياحاج خاااااااا....... ووقـف الكلام فى حلقه بعد ان رأى منظرى فقال / فى أيه ياباشا......... عمل لك أيه ؟؟؟ قول بس وانا اجيب لك حقك فى بالى / بتـبـيـعنى ياجمال.....طيب لما نطلع بره الرجل / محدش يـقـدر يعمل لى حاجة .....تعرف الراجل ده منين ؟؟؟؟ معرفوش ياباشا ههههههههههههه .....متخافش ياله ....انا عارفك مش هعمل لك حاجة قول بس مين الجدع ده؟؟؟؟ ده صاحب شركة عطور .....وعنده مصنع صغير فى أكتوبر ضاحكا / يعنى من صغار المستـثـمرين جمال / أيوه ياباشا موجها كلامه لى /خلاص نجيـبـلك قرض بمليون جنيه من بنك كذا........ كلهم حبايبى.... وتسدد براحة راحة راحتك .....ولو معرفتش تسدد (غمز لى بعينه فيها ) نبقى نجدول لك المبلغ من تانى وتسدد براحة راحة راحتك كفاية انك تبعى انا / شكرا يابـيـه مفيش شكرا .......مفيش حاجة ببلاش .....انت عينك بـيـنـط منها الذكاء والحماس .....انت تحلق دقنك دى علشان انا حزب وطنى ومنـتـحسبش على الأخوان وهتمسك الدعاية كلها من اول ابناء الدايرة والدفع من تحت اللحاف (قالها كده ) لحد المشجعين امثال الواد صاحبك ده جمال ضاحكا / ههههههههههههههه حلوة ياباشا واكمل حديثه / وتجهز ورقك فى خلال اسبوع بالكتير .....وبعدها بأسبوع هيكون معاك مليون جنيه .....لكن قسما بالله العظيم لو م كملت الحملة معايا .....هـفرمك واعرف احبسك بالمليون جنيه ازاى ؟؟؟؟؟ وبعد الانتخابات هيـبـقى فى شغل كبـير بيننا انا / ماشى خلاص من بكرة تيجى تحضر معانا هنا فى المكتب من 12الضهر علشان ترتيبات اليوم ماشى وخرجنا انا وجمال من مكتبه جمال ضاحكا / اوعى تنسانى ياعم خالد ....الراجل ده بينجح من يـيجى 12 سنة هنا فى الدايرة وواصل اوى ...وهيفتح لك مغارة على بابا ..... وقعد يغنى ويرقص فى الشارع / ياسادة كان يامكان ....فى سالف الازمان .....شاب من الشجعان.....اسمه على بابا .....اسمه على بابا ...........ههههههههههههه ثم صفق بـيديه ياحلو ياعم خاااااااالد ثم وجدنى ساكت وغير مبسوط / مالك ياخلودة انت عايزنى اسرقك ياجمال ؟؟؟؟ هتسرقنى ازاى؟؟؟؟؟ لما آخد مليون جنيه من البنك ومدفعش واماطل واجدول مش دى سرقة لفلوس الشعب ياعم ايه كلام الجرايد بتاعك ده .....دى فرصة ذهبـيـه......دى مليووووووووووووووووون جنيــيـييــيـييــيـيه (قالها طويلة كده ) لا ياعم يفتح الله .......فلوس حرام بالربا ......وكمان مش هدفعها ؟؟؟ مش هيا ربا؟؟؟؟؟ يبقى متدفعهاش..........ههههههه هه اسكت ياجمال ومشينا .....وأبلغ الرجل رفضى فى اليوم التالى وقال الرجل / صاحبك ده قـفل ..........وهيعيش طول عمره تعبان فى البلد دى بتفكيره ده .....بلدنا دى عايزة اللى يلحق ينفضها قبل التانى (لازال عضوا بالمجلس حتى الأن ) ولم يرد جمال اعلم ان كثيرين يمكن ان يعتبرونى مغـفـل او مجنون بعد الكام سطر الاخيرة لكنى لا أقبل ان يدخل بيتى قرش حرام وطبعا صاحبنا نجح وجمال أخد مبلغ محترم وضب بيه العربـيـة ولم يقبل ان يـبـيـعها لانه كان يعشق ماركة الداتسون (نيسان حاليا )
__________________
انتقل الى رحمة الله .. ونسأل الله له الرحمة والغفران
|
|
#1680
14-01-2011, 02:44 PM
|
|||
|
|||
رد: أدب الرحلات
ربنا يرحمنا برحمته قصه تقطع القلب
ههههههههههههههههههههههههه هههههههههههههههههههههه والله جمال ده مشكلة انا حاسس انه من كوكب تاني 
|
 |
|
|
