محتار جدا و محتاج النصيحة من الخبراء

[sherifabden]

المشاركة الأصلية كتبت بواسطة sherifabden ياباشا انتا هتصدق واحد ولا تصدق فيديو ؟؟؟؟ وبخصوص العفشة جرب سيراتو او النترا بجنط عادي او 15 سبور وشوف العفشة عاملة ازاي ودي حكاية عليها اجماع من ملاك السيراتو اما بخصوص حكاية الايكو ازاي ملهوش لازمة ؟؟؟ ياراجل دا انتا لو شغلت نظام الايكو معدل الاستهلاك بينزل جااااامد ودا انه جربته بخصوص حكاية الفانوس اللي بيعبي بخار دا عيب فردي وبصراحة انا عمري ما شفت الحكاية دي اما بخصوص عيب الطرق 90% كلامك صح في الحكاية دي بخصوص بقا موضوع الباور فعلا باور الكوري عموما خفيف جدا ومحتاج واحد يتعود عليه واذا كنت انا نفسي لسا سايق الاكسنت امبارح والحكاية كان فل وشوف الموضوع دا انا عامله http://www.masrmotors.com/vb/showthread.php?t=94046 وحضرتك لو اتعودت على الحكاية دي العملية هتبقا فل وعلى فكرة باور الاكسنت اخف من باور الالنترا ودا عن تجربة شخصية ليا اما بخصوص التكييف انا قولت اني جربت تكييف العربية وكان ممتاز جدا اما بخصوص عيب التوكيل انا اتفق معاك في هذا العيب بس انا ملاحظ انه عربيات الهيونداي منتشرة جدا رغم التوكيل واصلا الالنترا قطع غيارها منتشرة الايام دي وثانيا ايه لازمة حقوق المستهلك ؟؟ ومستني منك الكلام عن السيراتو بس بسرعة

وثانيا ياعم عبده تبقا تقول العيوب العامة اللي بيشتكي منها كل ملاك العربية سواء الالنترا او السيراتو علشان لو انتا بتقول عيوب فردية سمعتها هطلعلك عيوب بالهبل للبومة ومستني ردك عن افضل سيارة في مصر KIA CERATO

[Ahmed Mowafy]

يا ريت تعليقك يا 3bdo على السيراتو علشان احسم قراري

بعد يا sherifabden لو هجيب سيراتو اجيب انهي فئة علشان ابعد عن الجنط الـ 17 و البصمة
دون فقد اي كماليات اخرى زي ايرباج و ebs و فتحة السقف ....الخ

[mohamed hossam elemam]

بص سيبك من كل الي الناس الوه انت تزود فلوسك شويه لحد ما بيقي معاك 158 الف وحتلك اوكتافيا منوال عربيه ملهاش حل بجد ولو مش هتقدر تجمع فلوسها ممكن تفست الباقي والاوكتافياعاليه عن الارض وبي كده تناصب شورعنا والوكتافيا اظن انها عربيه لا يعلي عليها ولا انا غلطان وتقبي موروري : Wkiss5:

[Marlborooo]

صباح الفل يا جدعان

بص يا سيدي السيراتوا عيوبها عفشة ناشفة بتعوم علي 140 ، سحبها رخخخخخخخخخم

والشكل الجديد بتاعها هينزل 2013 واحلي من الشكل القديم 1000 مرة

الانسر البومة عربية حلوة ومفهاش اي مشاكل بس خسارة تتشري زيرو عربية نزلة من 2004

يعني هتركبها زيك زي اللي شاريها من من8 سنين مللللللل وبتعوم برده علي السرعة العالية


نيجي للانترا والفلوانس

الانترا افضل في الوسع والشكل الداخلي ومريييييحة في سواقتها
وسحبها ممتاز جدا

وفيه ميزة كمان قطع غيارها رخيصة
وكمان موجود ليها قطع غيار خارج التوكيل استيراد وجديد
وسعر اعادة البيع حلو

عيبها ارتفعها قليل وجسمها طويل فبتحك شوية

وبرده الثبات مش ممتاز بس افضل من السيراتوا طبعا

الفلونس عربية الامان بتاعها ممممممممتاز جدااااا
بس البيبان بتاعتها الصاج طبقتين يعني لو اتخبط عشان يتسمكر لازم تقطع الصاج التاني اللي داخل الباب
ثباتها حلو ، سحبها مش حلو وبالذات في الاول
قطع غيارها غالية وفي التوكيل فقط لاغير
سعر اعادة البيع مش حلو

من الاخر خليك في الالنترا او الفلونس

بس لو بتفكر في الفلونس اسأل في التوكيل علي اسعار قطع الغيار وشوف مناسبة ليك ولا لا

وطبعا اوعيييييييي تشتري فلونس خليجي عشان الماتور والفتيس مختلفين ومش هتلاقيلها قطع غيار وتصليحها مشكلة

[YahiaAshraf]

بص يا باشا

الالنترا انا استبعدها
لسبب :-

شكلها الغبى الجديد ( كل واحد و ذوقه )
واطيه جدا
صاج ورق
فرامل مش كويسه
*******************

الفلوانس بلاش لسبب
نتشة الفتيس بتاعتها مش حلوه
و سعر اعادة البيع بيقل جامد جدا
********************

انا بقى اشرحلك السيراتو
عربيه عمليه و قوية
و صاجها اقوى من الالنترا
و كويس

واسعه جدا من جوه
اداء كويس
الهاى لاين منها اعلى فئه عامل ب 138 الف
اللى هو بينزل بالجنط ال 17
و انا منصحش بالجنط ده لان هتلاقى اداء العفشه وحش جدا

خليك فى الجنط ال 15 او ال 16

او ممكن تشترى الهاى لاين و تستبدل الجنوط بتاعتها
بجنوط سيراتو اصلى 15 او 16


هو انا سمعت خبر بس مش متاكد منه

هو ان السيراتو الهاى لاين
بعد مشاكل الجنط ال 17
بقت بتنزل بال جنط ال 16

بس مش متاكد الصراحه

بس فيها بصمة و ده مشكله علشان السرقه

على العموم الفئه اللى قبل الهاى لاين على طول
عامله 128 الف
*****************
و ده رابط فيه مقارنه بين السيراتو
الهاى لاين
و الفئه اللى قبل الهاى لاين على طول
http://www.contactcars.com/compare_newcars.asp?ids=2820

****************

خلاصة الامر
انا ارشحلك السيراتو

تحياتى