سحبوا مني سيارتي الزيرو بعد نصف ساعة من استلامها

[usasoso]

و تم ترحيلي علي نيابه مرور العتبة مقيدا بالكلبشات و لم تفك من يدي الا امام وكيل النيابه الذي امر بغرامه 600جنيه و هي الحد الادني و قالي لازم مكنتش تخرج من المعرض الا مرخص العربية او مركب نمر تجاريه او مؤقته ولما قلتله اني سالت وقولتله اللي قاللولي عليه قالي الكلام ده غلط و عدم علمي بالقانون لا يعفيني من العقوبة . وامر بالافراج عني بعد دفع الغرامه بس رجعو لبسوني الكلبشات مرة تانيه لحد ما ادفع الغرامة و يصدر قرار الافراج عني رسمي

[Moh.Osama]

قدر الله وماشاء فعل والحمد الله انه جت على اد كده ومنزلتش الحجز وافرح بالعربية واحتسب الوقت والفلوس عند الله والف مبروك على العربية ربنا يديك خيرها ويكفيك شرها رغم ان شرها جه قبل خيرها بس الحمد الله والموضوع ده هيبقى ذكرى وتضحك عليه بعد كده

[memodina1]

هيفضل تعليقى على المواضيع دى ثابت الا وهو
يبقى انت اكيد فى مصر

[نبيل عبدالرحمن]

أولاً ألف مبروك على العربية وربنا يبارك لك فيها ويديك خيرها ويبعد عنك شرها
ثانياً انت استلمت العربية يوم 11 يناير والحمد لله ان مشكلتها خلصت قبل قيام الثورة بأيام قليلة وإلا كان زمانك مش عارف ترخصها لغاية دلوقت فقل الحمد لله
ثالثاُ دا درس من حضرتك لنا جميعاً ما نخرجش من الصالة إلا باللوحات المؤقته أو التجارية ودى المعرض يديهالك وبدون مقابل حتى تمام الترخيص
وربنا يعوض عليك فى الفلوس اللى صرفتها والعطلة اللى أخرتك 3 أيان
رابعاً أنا مع كورسير إنك ماتسبش حقك مع الصالة ولازم يعوضولك المصاريف دى والتأخير ، ومعلش لبس الكلبشات دا عادى للشرفاء أمثال حضرتك

[moatazrhm]

الحقيقة انا اول مرة اسمع الكلام ده كل الناس و انا نفسى لما اشتريت عربية زيرو اخدت اقرار استلام ومشيت بالعربية بس و تانى يوم او بعدها بيوم بتاخد جواب المرور و جواب الافراج الجمركى لو العربية جايه من بره ، فازاى الكلام ده يحصل انا مش فاهم كل الناس لما بتروح تشترى عربيات زيرو ساعات بتاخدها و تمشى بيها كام يوم مش يوم او يومين ، دى اسمها مهزلة لو المعارض عارفه الكلام ده و بتستهبل و انت المفروض كنت تروح المعرض و تهزاهم و تطلب مقابله المدير و تقوله ان انت هترفع عليهم قضية .