ارشيف الاستراحة 2011

[مهند النجار]

المشاركة الأصلية كتبت بواسطة aboelesaad الله عليك بجد بس ربنا يستر المره دي و ميتحللش كلامي غلط ههههههههههههههههههههههههه الوالد هو اول واحد حب يعلمني ولانه عمل حادثه ايام شبابه نتيجه قطه وضاع فيها العربيه تماما تولدت جواه عقده من اي تطورات السواقه و بقي حذر جدا فجه يعلمني يفضل يزعق وانا اكره ما عندي الصوت العالي او الزعيق عمال علي بطال فطلبت منه اي حد غيره يعلمني وقد كان رفض بقي يركب معايا تماما الا بعد ما اطلع الرخصه طلعتها و جه يوم الحساب قعد جمبي وعمل الاتي 1- ركب الحزام وبزعيق بالرغم اكون اساسا لبسه 2- ماسك بايديه الاتنين في الباب من عند الشباك 3- طول ما هو قاعد عمال يقول ركز فيا لسواقه و اهدي حبه ابقيم اشي علي الاول يقولي براحه شويه انا مش متسربع 4- ياسلام لو عديت اي عربيه بتبقي ليلتي سوووده 5- يقولي امسك الدركسيون عدل و انا لو مسكته بايدي الاتنين الدركسيون يفلت مني لاني اشول في السواقه عصب ايدي الشمال قوي جدا و التحكم فيه افضل بكتير ومبعرفش اسوق بايديا الاتنين فزعيق علي طول 6- يحرك رجليه معايا بحركه لا اراديه اكنه هو الي بيسوق هههههههههههههه 7- نكون خلاص هنوصل للمكان و لسه العربيه موقفتش الاقيه فتح الباب و هينزل اكني مقيده 8- اي تقاطع زعيق براحه اي لجنه اطفي النور ولو ينفع هيقول اطفي الموتور هههههههههه 9- دايما يعلق عليا في حوار اني مبغطهاش يقولي دفيها هههههههههههههههههه بس بعد ما كل الناس ماشكرت فيا فجت الثقه في سواقتي و بقي ينظر ليا بنظره مختلفه وشافني و انا بامرك في زفه اختي ومقليش بس يومها انا كنت مافورها فعلا عملت عمايل سوده الاغرب بقي اطمن عليا بعد الموقف ده و جه قالي كده بعد فتره قالي حسيتك فاهم انت بتعمل اي بالرغم اني رافض كل الرفض عمايلك دي بس اطمنتلك اهدي بقي و مش عايز لعب بالعربيه ارحمها حبه ومن يومها و بقي جمبي بينام كمان وبدوس و بقفل عداد و ارتاح و ارتحت وبجد تقبل تحياتي علي موضوعاتك

شكرا علي التفاعل ياباشا

بس غلي الاقل انت معاك رخصة انا معيش لسة 17.75

وحوار القطة دة حصل معايا قبل كدة

[m_elmasoudy]

بصراحة موضوع حلو وأسعدنى جدا يا أبو الإسعاد..... شكراً

[حسام البورسعيدى]

http://www.youtube.com/watch?v=q8ymv...eature=related

http://www.youtube.com/watch?v=l_cZc...eature=related

ده بقى اللى مسخرة ههههههههههه

http://www.youtube.com/watch?v=c3C6z...eature=related

[حسام البورسعيدى]

المشاركة الأصلية كتبت بواسطة mn200 وحوار القطة دة حصل معايا قبل كدة

انا بقى كل القطط اللى زهقت من حياتها وعاوزة تنتحر بترمى نفسها قدام عربيتى ههههههه

والله العظيم مره كنت ماشى على 60 تقريبا وشايف قطة قدام شوية على اليمين وواقفة .. ولحظة لما جيت جنببها راحت معديه الشارع .. قمت ضارب فرامل ع الاخر والحمد لله .. ربنا كتبلها عمر جديد ههههههههههه




بالنسبة للموضوع انا برضو والدى من النوع ده .. بس انا كنت بتجنب اسوق معاه خالص وانا صغير علشان اريح عقلى ...

انا اساسا اللى علمنى السواقة زوج خالتى اللى هو اصلا مبيعرفش يسوق ولا معاه رخصة ولا عمره ساق عربية

اه والله مش بهزر ...


هو بس بحكم شغله كان على طول بيركب عربيات نقل مع سواقين فكان عارف اسس السواقة (نقلات الفتيس والدبرياج وكده)

والعربية بتاعت ولاد خالتى بيجو 305 1978 ..

اول مره طلعت فيها بالعربية لفيت بيها حوالين المنطقة اللى هما ساكنين فيها كلها والله وزوج خالتى يومها جاله حالة زهول هههههههه

بس العربية كان بتبطل منى كتير فى الطلعة لأن مكنتها كانت خفيفة والارض كانت رمل مش اسفلت ..

وبقيت كل شوية اخد منهم العربية اسوقها واريح عقلى من دوشة ابويا ههههههههههه

واحلى حاجة ان ولاد خالتى مكنوش فارق معاهم العربية .. اصلهم كانوا جيبنها بـ 3500 جنية من حوالى 10 سنين (منطقة حرة مش ملاكى) ههههههههههههههههههه

بس كانت ايام جميلة والعربية دى ليها مواقف كتييييييييييييييييييير معايا ..

[mr mohamed]

فيديوهات جميلة يا حسام تسلم ايدك يابرنس