بيجو 504.... سيارة تحترم نفسها فاحترمها الناس

[luckyman]

المشاركة الأصلية كتبت بواسطة ahmed el gendy هو فعلا ال 504 مجاش ولا هيجي زيها وبيجو عملت العربيه دي بمزاج عالي قوووووي بس للاسف الواضح ان وكيل بيجو ف مصر شطب علي سمعه بيجو ابدل ما استغل سمعتها ف السبعينات وفعلا عربيتين باحبهم جداااااااااا ومش هيتعمل زيهم ال 504 والتويوتا كرسيداااااا هي دي عربيات الزمن الجميل مش العربيات التيك اواااي اللي بنشوفها الايام دي

فعلا بس من ناحية اليابانى اتعملت احلى واجمد وانضف واروع سيارات وقول ما شئت فى غزل السيارات الحقبة دى وفعلا اليابانيين كانوا سبقين وقتهم
كان الكريسيدا والكروان من تويوتا ولوريل وسيدريك من نيسان كانت سيارات جباره سريعة اقتصادية معمرة سيدان بنكهة واداء افرب للرياضى انظمة تعليق متميزة جدا وسيارات ناعمة كانت شيك مضمون تبعها فى اى وقت بدون ما تخسر فيها كتير مطلوبة كنت تحس بطعم ومتعة الدفع الخلفى فعلا عربيات اتعمل عليها شغل كبير كانت معموله بضمير مكناش نعرف البلاستيك الكتير حتى لو كان متواجد كان بنوعية محترمة وتابلوهات العربيات وخامات الداخل كلها فخمة مفيش نوعية البلاستيك المجوف الصب الرخيص المتواجد فى معظم سيارات العصر الحالى ومتخافش على صاج ولا سقف ولا باب وتحس انك بتحط فلوسك فى المكان الصح وشكل مودل العربية كان بيعمر مش كل اربع سنين يتغير ودة كان بيحافظ على قيمة اعادة بيع السيارة اسف للاطاله وشكرا لك

[ahmed el gendy]

المشاركة الأصلية كتبت بواسطة luckyman فعلا بس من ناحية اليابانى اتعملت احلى واجمد وانضف واروع سيارات وقول ما شئت فى غزل السيارات الحقبة دى وفعلا اليابانيين كانوا سبقين وقتهم كان الكريسيدا والكروان من تويوتا ولوريل وسيدريك من نيسان كانت سيارات جباره سريعة اقتصادية معمرة سيدان بنكهة واداء افرب للرياضى انظمة تعليق متميزة جدا وسيارات ناعمة كانت شيك مضمون تبعها فى اى وقت بدون ما تخسر فيها كتير مطلوبة كنت تحس بطعم ومتعة الدفع الخلفى فعلا عربيات اتعمل عليها شغل كبير كانت معموله بضمير مكناش نعرف البلاستيك الكتير حتى لو كان متواجد كان بنوعية محترمة وتابلوهات العربيات وخامات الداخل كلها فخمة مفيش نوعية البلاستيك المجوف الصب الرخيص المتواجد فى معظم سيارات العصر الحالى ومتخافش على صاج ولا سقف ولا باب وتحس انك بتحط فلوسك فى المكان الصح وشكل مودل العربية كان بيعمر مش كل اربع سنين يتغير ودة كان بيحافظ على قيمة اعادة بيع السيارة اسف للاطاله وشكرا لك

انت قلت يا باشا كل اللي انا كان نفسي اقوله دا الكرسيدا دي كانت عند والدي وكنت باركبها كتير قووووي لحد فعلا ما نشأت بيني وبين العربيه دي قصه حب بمعني الكلمه والله العظيم ما حبيت حاجه ف الدنيا دي قد العربيه دي حتي كانوا بيتريقوا عليا ف البيت ما نجوزهالك وخلاص كنت باخاف عليها من الهوا الطاير وكان الحاج يكسر فيها ويخبطها ويقطع الكراسي وانا اللي كنت باعمل كل حاجه فيها مش باقولك قصه حب وكنت اعمل كل ده وانا مستمتع بجد كانت ايام


والخامات مالهاش حل انا بابص ع العربيات بتاعت دلوقتي استغرب بقي هي دي العربيه اللي ب 100 الف والله ما تسوي جنب الكرسيدا تلاته تعريفه بس نعمل ايه بقي كلنا نفسنا نركب تويوتا بس انت عارف الاسعار بقي

[الصقر_الجارح]

فعلا العربية دي محترمة جدا واثبتت كفاءتها في السوق..


والدي كان معاه بيجو 504 قعدت معاه 22 سنة

بس باعها السنة اللي فاتت وجاب حاجة حديثة شوية فيها تكيف عشان الدنيا بتبقى ولعة في الصيف وكان ندمان انو باعها وعايز يرجعها تاني هههههههههههه

(بيني وبينكم أنا اللي قعدت أزن عليه, أصل والدي راجل كبير والمفروض يجيب حاجة حديثو وفيها تكيف عشان تريحو, لكن القديم هيتعبو مش هيريحو)

تقبلو تحياتي.

[burg_alarab_eg]

شكرا على المعلومات
وهي فعلا سيارة توقف عندها الزمن ولها العديد من المميزات وتقبل كمية تعديلات لا يمكن تتخيلها لتصبح سيارة رياضية لأن العديد من الأساسيات موجودة فمن السهل أن تبني عليها.
شكر خاص لصاحب الموضوع
ومعلومات رائعة من الأعضاء الكرام
والله الموفق

[mohamed elshahat]