تقرير تركيب الغاز الطبيعى للوجان 2011 .......

[KhaledSobhy]

السلام عليكم ورحمة الله وبركاته ........كل عام وانتم بخير .....هذه هى اول مشاركة لى فى هذا المنتدى الرائع والذى يحتوى على اعضاء فى قمة الخبرة واللذين استفدت منهم كثيرا انا اسمى خالد ولى تجارب ومواقف كثيرة بالسيارة لوجان لدرجة انى حفظت كل شىء فيهااى استفسار منكم انا تحت امركمنظرا للسفر يوميا قررت احول السيارة للعمل بالغاز الطبيعى ( مع عدم ذكر اسماء شركات )1- المميزات :-1- توفير واضح جدا بمعنى لو افترضنا المسافة المقطوعة 100 كم هتكون استهلكت 10 لتر بنزين 92 = 20 جنيه لكن بالغاز الطبيعى =3.5 جنيه2- العيوب :-1- سحب السيارة بالغاز الطبيعى اقل من البنزين بمعنى ان لو افترضنا انك بتوصل بالبنزين من الصفر لسرعة 100 كم/س فى خلال 13 ثانية هتوصلهم بالغاز الطبيعى خلال 16 او 17 ثانية الفرق مش كبير بس لما تسوقها هتحس بيها وخاصة مع تشغيل التكييف2- السرعة القصوى بالغاز الطبيعى اقل يعنى اقصى سرعة فى اللوجان بالغاز الطبيعى 150 كم/س لكن بالبنزين انا كنت بجيب الـ 180 كم/س3- اسطوانة الغاز الطبيعى الت يتم تركيبها بالشنطة الخلفية تقلل من حجم الشنطة وتهبط ارتفاع السيارة لكن بصراحة دول مش واضحين قوى مع اللوجان لأن الشنطة اصلا واسعة والسيارة بجد عالية عن الارض ولم تهبط الا قليل جدا3- بعض الملاحظات وطريقة التشغيل :-1- عند ادارة المحرك تدور السيارة تلقائيا بنزين ويتم تحويلها للعمل بالغاز الطبيعى من خلال الضغط على زرار يتم تركيبه فى التابلوه2- عند فراغ اسطوانة الغاز الطبيعى تتحول السيارة تلقائيا للعمل بالبنزين4- بعض النصائح لكى تحافظ على محرك السيارة :-1- فى الصباح عند ادارة المحرك ستعمل تلقائيا بالبنزين اتركها للعمل بالبنزين حتى تصل الحرارة الى 4 شرطات وهى الحرارة الطبيعية للوجان وبعديها حولها للعمل بالغاز الطبيعى لكن لو مستعجل خليها تمشى بنزين وفى الطريق لما توصل للحرارة الطبيعية اضغط على الزرار الخاص بالتحويل لكى تعمل بالغاز الطبيعى2- فى الطريق لو ماشى بالغاز الطبيعى اجعل موتور السيارة هادىء بمعنى ان تكون نقلات الفتيس هادئة يعنى عندما يكون عداد الـ RPM ما بين الـ 3 و الـ 3.5 انقل على النقلة التالية يعنى من الاخر ما تقرصش على الموتور لكن لو بتحب تقرص على الموتور وبتدخل بالعربية افراح وكده حولها للعمل بالبنزين من خلال الزرار الخاص بالتحويل ما بين البنزين والغاز الطبيعى3- قبل ما تركن العربية بالليل فى الجراج حولها للعمل بالبنزين قبل ما تبطلها لمدة 10 ثوانى4- اهم شىء الصيانة الدورية فى التوكيل كل 5000 كم وتغيير كل مايلزم تغييره فى الصيانةواخيرا :التوكيل هيخرج السيارة من الضمان لكن تقدر تعمل الصيانة الدورية فى التوكيل عادى جداواى استفسارات اخرى انا تحت امركم ..... وشكرا

[M.TONSY]

مبروك
اخوك فيرناوى ومحول غاز من سنة ونصف وما شاء الله ممتاز بمعنى الكلمة
لكن انا عندى زرار التحويل بيحول بنزين فقط عندما اريد او عندمل ينفذ الغاز واذا اردت التحويل للغاز لازم ادوس بنزين لغاية RPM يوصل 3 فيتم التحويل
وفعلا اهم نصيحة انت قولتها للحفاظ على كفاءة المحرك انك تسخن بنزين وتبطل بنزين

[YahiaAshraf]

موضوع متميز
جزاك الله كل خير على هذا المجهود
: Wkiss5:

[KhaledSobhy]

المشاركة الأصلية كتبت بواسطة M.TONSY مبروك اخوك فيرناوى ومحول غاز من سنة ونصف وما شاء الله ممتاز بمعنى الكلمة لكن انا عندى زرار التحويل بيحول بنزين فقط عندما اريد او عندمل ينفذ الغاز واذا اردت التحويل للغاز لازم ادوس بنزين لغاية RPM يوصل 3 فيتم التحويل وفعلا اهم نصيحة انت قولتها للحفاظ على كفاءة المحرك انك تسخن بنزين وتبطل بنزين

اولا اهلا وسهلا بيك وكل عام وانت بخير انا عندى الزرار كده برده بس بيحول لما الـ RPM يوصل 2

[KhaledSobhy]

المشاركة الأصلية كتبت بواسطة yahiaashraf موضوع متميز جزاك الله كل خير على هذا المجهود : Wkiss5:

بارك الله فيك وكل عام وانت بالصحة والعافية