عاوز رأيكم (رينو لوجان ولا شيفروليه لانوس)

[POP EL GAMED]

المشاركة الأصلية كتبت بواسطة elmanahry الكلام ده يتكتب ويقراه الاف من الناس يركبون اللانوس ومجربينها د ه كلام لا يمت للواقع بصلة اللانوس هدية الالمان لكوريا وهدية ابو الفتوح لمصر واذا كنت تحك فى المطبات باللانوس ده لانك بتعدى المطب بسرعة اما كلام صاحبك الطويل عن اللانوس فاعتقد انه يقصر رقبته اولا عمر اللانوس فى مصر كام وعمر اللوجان كام من اجل ان يعرف صاحبك عمر قطع الغيار اللهم اذا كان يبيع قطع غيار مضروبة رايت فى مركز صيانة الدايو فى العباسية سيارات دايو لانوس عاملة 300 الف كيلو والمواتير بنفس شدتها ولم يقل لى اى من معارفى وهم كثر ويملكون اللانوس عن اى شئ ضدها او ضد قطع غيارها

بعد اذن حضرتك الموضوع مش كده انما اللانوس حقيقى بتحك فى اى مطب مش هندافع لا عن لانوس ولا لوجان انما نقول الحق انا عن نفسى ركبت لانوس كتير سواء قياده او راكب ومطبات كتير جدا لازم تتاخد بالعرض مش ببطء لا بالعرض وموضوع قطع الغيار مش المقصود بيه الموتور بس اى عربيه موتورها بيكون من اخر الحاجات اللى بتتغير فيها مش زى سير الكاتينه ولا طلمبه البنزين ولا المياه ولا الزيت وحاجات كتير مش موضوعنا اننا نتناقش فيها وبالنسبه لموضوع العمر الافتراضى لقطع الغيار الاوروبى عموما (طبعا مع عدم احتساب الفيات القديم مع كامل احترامى ليه)اطول من قطع الغيار الكورى(لانوس واصدقائها) وانا عن نفسى يا سديى الفاضل ليا اقارب برضه ومعاهم العربيه دى وناس كان معاهم العربيه دى وغيروها وكلهم بيقولوا انها واطيه وبتحك فى اى مطب وهى متحمله ارجو من حضرتك تحرى الدقه فى الموضوع ده لانه بالنسبه ليا شخصيا يعتبر هو المأخذ الوحيد على اللانوس وهو معروف فى مصر كلها

[POP EL GAMED]

المشاركة الأصلية كتبت بواسطة m.HaMeD ع فكره مانور ميجان 2000 مش 99 وممكن تكون كمان 2002 ع ماعتقد

المشاركة الأصلية كتبت بواسطة dola1985 معلش ياباشا : ماتور اللوجان ماتور ميجان موديل 99 و pop elgamed ممكن يصححلي لو غلطان انا بقول كده لاني مهتم باللوجان .. عايز اشتريها

المشاركة الأصلية كتبت بواسطة pro mada هي دي الخلاصه من الاخر و انا اعتقد ان محرك اللوجان الجديده هو محرك الميجان موديل 99 و لا ايه يا بوب ؟؟؟؟؟؟؟؟؟

يا رجاله موتور الميجان ال99 و98 بره مصر
وال2000 وال2001 وال2002 وال2003 وال2004
كل الميجان 1 فى مصر نزلت بموتور واحد 1600 انجيكشن 8 صباب 90 حصان يعنى هى هى نفس العربيه ونفس الموتور مش فارقه بقى قول اللى يعجبك موتور ميجان 98 موتور ميجان 2003 شوف تحب تقول ايه

لكن اللوجان نازله بفتيس جديد مش نفس فتيس الميجان

[elmanahry]

بوب الجامد علمونى فى فرنسا عام83 عندما كنت فى مدرسة لقيادة السيارات ان المطب الصناعى احسن طريقة لتعديته هو ان توقف السيارة تماما قبل المطب وتبدا من الجير الاول لتصعد على المطب ابتدا من السرعة صفر ثم ابدا فى صعوده وانا اوافقك على موضوع انك تاخد المطب بعد ذلك بزاويه ولكن المطبات الصناعية فى مصر بتكون مطب زراعى يعنى كده مفروشة على فدان فى العلو والمساحة ولكن بعد ان ركبت اللانوس سبع سنوات وركبت الكورولا وعديت مطب شوية سريع حكيت فى المطب ولا تنسى ان اللانسر هى الاخرى سيارة اقل ارتفعا عن الارض مثل اللانوس وبجوار حسناتها لم يكرها احد

[POP EL GAMED]

المشاركة الأصلية كتبت بواسطة elmanahry بوب الجامد علمونى فى فرنسا عام83 عندما كنت فى مدرسة لقيادة السيارات ان المطب الصناعى احسن طريقة لتعديته هو ان توقف السيارة تماما قبل المطب وتبدا من الجير الاول لتصعد على المطب ابتدا من السرعة صفر ثم ابدا فى صعوده وانا اوافقك على موضوع انك تاخد المطب بعد ذلك بزاويه ولكن المطبات الصناعية فى مصر بتكون مطب زراعى يعنى كده مفروشة على فدان فى العلو والمساحة ولكن بعد ان ركبت اللانوس سبع سنوات وركبت الكورولا وعديت مطب شوية سريع حكيت فى المطب ولا تنسى ان اللانسر هى الاخرى سيارة اقل ارتفعا عن الارض مثل اللانوس وبجوار حسناتها لم يكرها احد

يا سيدى الفاضل انا كمان اتعلمت لما ابقى ادخل على مطب واحس انه عالى اقف خالص قبله وابتدى اطلع بهدوء وموضوع اننا ندخل اللانوس فى مقارنه مع البومه ده مش منطقى لاننا لو هندخل البومه يبقى لازم ندخل السيفيك اللى هى برضه واطيه وبتحك فى المطبات انما كل عربيه بيبقى فيها عيوب بنقبلها عشان مميزاتها زى السيفيك الاداء المحترم جدا والكفائه وجوده التصنيع والتقفيل والوسع الداخلى انما اللانوس فى فئه السيارات الاقتصاديه يعنى مفيش حاجه جامده تخلينى استحمل موضوع ان العربيه واطيه غير قطع الغيار مثلا وموضوع انها بتحك على مطبات مفروشه ده شئ طبيعى لانها عربيه واطيه مش عاليه وحضرتك افتكر كده لو كنت عديت مطب بواحد بالكرولا واللانوس على نفس السرعه هتلاقى ان الكرولا محكتش

[د0تامر محمد]

عن تجربة مع اللانوس لثلاث سنوات
سيارة ممتازة مقارنة بثمنها وفئتها
قطع غيار رخيصة وتعد الأرخص فى فئتها والأكثر توافرا وتنوعا
صيانة سهلة جدا والميكانيكى اللى كان بيتعامل معها أقل من العادى
أعطال بسيطة جدا ومعروفة ومفيهاش مشكلة
إستهلاك معقول للبنزين وتتحمل السفر لمسافات طويلة
قد تكون اللوجان أعلى فنيا وأجمل شكلا وأفضل أدائا
لكن تبقى اللانوس سيارة إقتصادية وغير مكلفة ومجربة لسنوات طويلة