عايز رأيكم فى الاقتراح ده

[ahmed-casper]

الف شكر انت بجد افدتنى كتير و انا عارف انى تعبتك معايا

[hima elgmal]

الحمد لله انا استفدت جدا من الموضوع والف شكرلinjection باشا على المجهود الكبير والف شكر لصاحب هذا الموضوع المفيد وشكرا

[ahmed-casper]

انا محرج اسألك تانى واللهى بس السؤال ده من واحد صاحبى معاه عربيه زيرو يرضه بس هو مش عايز يحفر مكان لسماعات (دماغه كده و مصمم) و فنفس الوقت عايز صوت كويس و بيسأل ينفع يجيب ٤ سماعات اعلى حاجه مقاس صغير للأبواب و عليهم جى ام ولا لأ ؟ انت تنصح بأيه يا باشا و بالنسبه كام وات و كام قناه؟

[Injection]

المشاركة الأصلية كتبت بواسطة ahmed-casper انا محرج اسألك تانى واللهى بس السؤال ده من واحد صاحبى معاه عربيه زيرو يرضه بس هو مش عايز يحفر مكان لسماعات (دماغه كده و مصمم) و فنفس الوقت عايز صوت كويس و بيسأل ينفع يجيب ٤ سماعات اعلى حاجه مقاس صغير للأبواب و عليهم جى ام ولا لأ ؟ انت تنصح بأيه يا باشا و بالنسبه كام وات و كام قناه؟

ياباشا أسأل براحتك ولا يهمك.

دلوقتى ياباشا أنا مش عارف عربيته نازلة بسماعات ورا وقدام ولا لأ, وحجمهم قد أيه.

بس عموما, السماعات المدورة مش سماعات أبواب بس, اللانوس بتنزل بسماعات مدورة قدام وورا, واللى بيغير بيعمل حاجة من 3 حاجات:-

1- بيجيب سماعات مدورة ويركبها فى دقيقتين مكان القديمة وخلاص.

2- بيجيب سماعات بيضاوى ويقص فى الكوبستة وفى صاج العربية علشان يركبها وبتاخد وقت وتعديل على العربية.

3- بيجيب سماعات بيضاوى ويركبها على قواعد, أكيد حضرتك شفت عربيات السماعات بتاعتها مش متركبة على الرف, لكن متركبة على صندوق صغير كده معليها عن الرف, وده حل مناسب لصاحبك لو عايز سماعات بيضاوى.

وبما أنى معرفش حاجة عن النظام اللى عنده, لا مقاس السماعات ولا مكانها ولا هو عايز يجيب سماعات شكلها أيه هتضطر أتكلم عامة.

لو هو هيبجيب جى أم, وهيركب أربع سماعات, طبيعى هيجيب جى أم 4 قنوات, الوات بقى حسب فلوسه وحسب اللى هيشتريه الأول.

بس الجى أم مهما كان هيكون فى حدود 400 وات, أو 350, لأن السماعات مش هتحتاج أكثر من كده.

والسماعات ممكن يجيبها أقل من الجى أم بشوية, أو أعلى بشوية (لو لقى), والماركات بايونيير سماعات وجى أمات كينوود.

والموضوع مش صعب ياباشا, هو يشوف هو عايز سماعات قد أيه ويجيب جى أم على قدها, أو العكس, الجى أم ثم السماعات.

المهم لو مش عايز يعدل على العربية يجيب سماعاته نفس المقاس القديم اللى راكب عنده.

[ahmed-casper]

هى سماعاته زى اللى عندى ٤ مدوره صغيره فى الابواب .. هو فى سماعات حجمها كده ٤٠٠ وات ولا لازم بيضاوى؟ و لو مفيش ايه اعلى قدره لسماعات بالحجم ده؟