ما هو افضل نوع كاسيت بايونير بسرعه

[مصاص الدماء]

شباب مين احسن نوع كاسيت بايونير دلوقتى ياريت يا شباب حد يرد عليا بسرعه


انا ادامى

DEH-3250 ب 650 جنيه
DEH-4250 ب 920 جنيه
DEH-5250 ب 1080 جنية

فا ريت تقولولى مين احسن فيهم وياريت مراعاه فرق الفلوس عشان انا فى نظري كلهم زي بعض بفرق الفلاشة و طبعا هيا مش مهمه اوى فنا عايز اعرف اجيب مين فيهم اهم حاجه عندى نقاء الصوت و سهوله المعامله

و برضوا عايز اعرف ايه انضف سماعات اليومين دول ال PIONEER ولا KenWood كصوت و نقاء و بيز و تستحمل الشغل مش بتبوظ بسرعه

ياريت الرد السريع بعد ازنكم يا شباب

[Injection]

نقاء الصوت و الوات بتاع الكاسيت هيبقوا واحد تقريبا ليهم كلهم, الصوت كده كده هيطلع نقى, المهم الكاسيت بيطلع كام وات, وتقريبا كل الكاسيتات دى بتطلع فى حدود 60 وات rms للسماعة.
ودى مميزات كل كاسيت فيهم من موقع شركة بيونيير

deh-3250
http://www.pioneer.com.sg/storefront...&CatId=2,24,33
deh-4250
http://www.pioneer.com.sg/storefront...&CatId=2,24,33
deh-5250
http://www.pioneer.com.sg/storefront...&CatId=2,24,33

و رأيى أن أفضل أثنين هما الأول والتانى, الثالث غالى على الفاضى.
الثانى شكله حلو عن الأول وبيشغل usb و ميمورى و أكولايزر 5 باند بس سعره غالى.
الأول مابيشغلش ميمورى وفيه أكولايزر 3 باند بس.
أحسن قيمة للفلوس هى فى الكاسيت الأول, لأن معظم المميزات اللى فى الكاسيت التانى مش هتفيدك فى مصر ومش هتستخدمها(مميزات متعلقة بال i phone و i pod).
والعضو لول (أيوه أسمه لول) كان جاب كاسيت بايونيير فيه حاجة أسمها dsp ودى بتخليك تتحكم فى الصوت اللى خارج من كل سماعة وتضخمه وتعمل نظام محيطى جوه وبره العربية, لو النظام بتاعك كامل وفيه صب أو بازوكا, هو بيشكر فيه الكاسيت ده قوى وممكن أجيبلك الموضوع بتاعه لو حبيت والكاسيت ده فى حدود 1000 جنيه.

[مصاص الدماء]

بص يا باشا انا عندى 4 سماعات و صب كينوود 1200 و جي ام 600 سيمفونى
سماعتين 400 وات بايونير و لسه مقررتش اجيب سماعتين ايه عليهم كينوود ولا بايونير و دا حوار تانى محيرنى..

تانى حاجه لو انتا عارف نوع افضل فى البايونير قولى على رقمه بس يكون فى امكانيات حلوه
وموضوع ان الاخير غالى بس لو جينا نبص باه انا لو ناوي اقارن بين الاخير و اللى قبله يبقي اكيد الاخير على الاقل جرافيكس و اشتغالات من دى و فرق تافهه باه منا كدا كدا لابس مبلغ و قدره بس برضوا عيب الاولانى انه بيحكمك انك تمشي الاغنيه ورا اغنيه يعني مش ينفع تتفسح فى اليو اسب بي براحتك فنا هتجنن باه و انا اهم حاجه عندى اليو اس بي صراحه فا انتا لو تعرف كاسيت تانى فيه امكانيات احسن و سعره فى الحنين تبقي خدمتنى خدمه العمر

[Injection]

السماعات الكينوود بتطلع بيز أقوى من البايونيير لكن البايونيير بتتفوق عليها بالميد راينج والتريبل.
يعنى الكينوود كويسة فى الأصوات الواطية والبايونيير فى الأصوات المتوسطة والحادة.
الأثنين بيستحملوا الشغل وبيعيشوا الا لو أفتريت عليهم بأمبليفير قوى وعليت الصوت على الأخر لغاية أما الصوت يبدأ يقطع, وده بيبوظ أى سماعة.
ولو قررت تجيب أبعد عن الصينى وخليك فى الأندونيسى أو الفيتنامى, وأشترى بناء على ال rms بتاع السماعة مش الوات.

[مصاص الدماء]

السماعات اللى ادامى البايونير تايلاندى و الكينوود اندونيسي
انا بفكر فى الكنوود ال500 وات بسمع انها هتعمل شغل جامد مع السماعتين ال 400 البايونير اللى عندى؟
و فى موضوع الكاسيت دا باه محيرنى مووووووت