الللحقووووونيييييي العربية كده باظت؟؟ مش عارفة اعمل ايه!!! مساعدتكم بسرعة يا ناااس

[zizo50001]

يعنى بص على سير الكاتينة و بص على الطرمبة و اذا العربية جابت جوان ولا عمل اية

[SuMo]

محمد عبد الله فى صقر قريش ممتاز و عن تجربه و كمان بعديه بشويه فادى

[mr_astra]

يا طلمبة بنزين
يا اما بوبينة

[Mai.Mohamed.Farid]

اولا انا متشكرة على كل ردودكم الكريمة، الدنيا لسة بخير والله!

انا هقولكم على اخر الاخبار و طبعا هحتاج مشورتكم
انا جبت ميكانيكي متخصص اوبل اانهاردة و كشف على العربية، اولا هي طلعت كسر في عامود الكامة (قدر الله وما شاء
فعل، الحمد لله) البوبينة وطلمبة البنزين سليمة مفهاش حاجة بس للاسف الكامة مقطومة من النص بالظبط كده
السيور كمان سليمة لكن على العموم هغيرها برضه زيادة تأكيد

سؤالي هنا بقى ومعلش استحملوني:
1- هو انا لازم اغير الجوان كمان؟ وهل ده يعتبر نص عمرة للموتور والكلام اللي يخض ده؟
2- الميكانيكي قال انه تمن الكامة بال head هيكون 450 و المصنعية هتكون 100 ده غير طبعا فلوس العربية اللي هتقطرها لحد عنده ... وهل ده سعر مناسب ولا ﻷ؟ وقالي كمان انها هتاخد 3 ساعات منه
3- انا سمعت انه بسبب ان عربيتي كامة واحدة مانيوال 1600 انه مش هيضطر انه يفتح قوي و يبص على الصبابات و الحاجات دي .. هو الكلام ده صح ولا ايه؟

انا جنب بيتي ميكانيكي قالي مش هنحتاج نقطرها ( لانه بعد بيتي ب كام عمارة) وهعملك الكامة بالجوان ب 250 .. انا قلقت شوية، هو الميكانيكي الاولاني مغلي عليا ولا التاني مش فاهم
انا عارفة انه تغييرها مش حاجة هينة ولازم حد فاهم (الميكانيكي الاولاني موجود ف صقر قريش وانا ساكنة ف المعادي و مركز متخصص للاوبل بس لكن عمري ما اتعاملت معاهم - والتاني جنب البيت و بابا اتعامل معاه قبل كده بس مقلقني لا يكون مش فاهم اوبل كويس)
اعمل ايه؟ ولو انتو ف مكاني هتعملوا ايه؟ مع العلم انه انا مش فارق معايا اوفر فلوس و المهم عندي العربية ترجع تاني سليمة.

شكرا مقدما

[miam0502788391]

المشاركة الأصلية كتبت بواسطة Mai.Mohamed.Farid اولا انا متشكرة على كل ردودكم الكريمة، الدنيا لسة بخير والله! انا هقولكم على اخر الاخبار و طبعا هحتاج مشورتكم انا جبت ميكانيكي متخصص اوبل اانهاردة و كشف على العربية، اولا هي طلعت كسر في عامود الكامة (قدر الله وما شاء فعل، الحمد لله) البوبينة وطلمبة البنزين سليمة مفهاش حاجة بس للاسف الكامة مقطومة من النص بالظبط كده عمود الكامة اتكسر كسر !!!! وعربية اوبل المانى كمان !! أكيد فى حاجة مش مضبوطة السيور كمان سليمة لكن على العموم هغيرها برضه زيادة تأكيد سؤالي هنا بقى ومعلش استحملوني: 1- هو انا لازم اغير الجوان كمان؟ وهل ده يعتبر نص عمرة للموتور والكلام اللي يخض ده؟ طالما وش السلندر اتفك يبقى لازم يتغير الجوان وده لا يعتبر نص عمرة ولا حاجة نص عمرة يعنى طقم شنير جديد 2- الميكانيكي قال انه تمن الكامة بال head هيكون 450 و المصنعية هتكون 100 ده غير طبعا فلوس العربية اللي هتقطرها لحد عنده ... وهل ده سعر مناسب ولا ﻷ؟ وقالي كمان انها هتاخد 3 ساعات منه المصنعية معقولة 100 جنيه مش غالى ولا حاجة كأجرة ايده تمن الكامة ممكن تشتريها استيراد او لو فى منها جديد ولو الميكانيكى هو اللى هييجيب الكامة يبقى لازم تكونى عارفة سعرها فى السوق الأول 3- انا سمعت انه بسبب ان عربيتي كامة واحدة مانيوال 1600 انه مش هيضطر انه يفتح قوي و يبص على الصبابات و الحاجات دي .. هو الكلام ده صح ولا ايه؟ طالما سير الكاتينة سليم فى الغالب الصبابات بتكون سليمة لكن موضوع كسر الكامة لازم يخليه يبص كويس على الصبابات انا جنب بيتي ميكانيكي قالي مش هنحتاج نقطرها ( لانه بعد بيتي ب كام عمارة) وهعملك الكامة بالجوان ب 250 .. انا قلقت شوية، هو الميكانيكي الاولاني مغلي عليا ولا التاني مش فاهم انا عارفة انه تغييرها مش حاجة هينة ولازم حد فاهم (الميكانيكي الاولاني موجود ف صقر قريش وانا ساكنة ف المعادي و مركز متخصص للاوبل بس لكن عمري ما اتعاملت معاهم - والتاني جنب البيت و بابا اتعامل معاه قبل كده بس مقلقني لا يكون مش فاهم اوبل كويس) لو الميكانيكى التانى بيفهم كويس (مش شرط يكون بيعرف فى الاوبل ) ممكن يعمل الشغلانة دى لأنه هيفك الوش ويفك عمود الكامة المكسور ويركب الجديد ويبص على الصبابات والدليل بتاعها ويارت لو ينضف الوش من جوه ويعمل روديه للصبابات ويغير كاوتش الصبابات بالمرة وبعدين هيركب الوش بعد ما يكون ثبت الجوان عليه ويحرق كويس على المسامير ويركب سير الكاتينة بس ياخد باله من التقسيمه كويس وبعد اسبوع ولا 10 ايام هتروحى له تانى علشان يحرق على الوش مرة اخرى يظيط التاكيهات اعمل ايه؟ ولو انتو ف مكاني هتعملوا ايه؟ مع العلم انه انا مش فارق معايا اوفر فلوس و المهم عندي العربية ترجع تاني سليمة. شكرا مقدما

طالما مش مهم الفلوس يبقى خليكى فى الاولانى خصوصا ان مصنعيته معقولة اللى هيزيد عليكى اجرة الونش او العربية اللى هتشد عربية حضرتك لعنده