ممكن اراء احلى شباب فى المنتدى على تعديل عربيتى

[jojojojojo]

المشاركة الأصلية كتبت بواسطة myson medo ممكن توضحلى موضوع الصدادات ده وياريت لو بالصور وقولى ليه العتب لازم يتكسى وشكرا

الصدادات ديه طقم بيبقي اربع حتت بيتحط اتنين علي الاكصدام اللي ورا واتنين علي اللي قدام لحمايه العربيه من الحكات والتريحات وبيبقي بحوالي 45 ج وهوه نوع واحد لجميع السيارات اما كسوه العتب هوه تقريبا اقصده الاستيكر اللي بيبقي ابيض او اسود بيتقسم حتيتين علي كل عتبه واعتقد انه ملوش وظيفه او اهميه الا انه بيدي شكل بس للعتب العربيه ويفضل مع اللون الاسود والنبيتي الاستيكر الابيض عشان يبان واللون الفيراني والفضي الاسمر انا ده اللي فاهمه ومنتظر برضه رد لو فيه حاجه غلط من صاحب المشاركه

[hyundai 2005]

المشاركة الأصلية كتبت بواسطة myson medo ممكن توضحلى موضوع الصدادات ده وياريت لو بالصور وقولى ليه العتب لازم يتكسى وشكرا

اقولك العتب من اكتر المناطق اللي البويه بتطلع منها خصوصا من الداخل وده نتيجه الركوب والنزول من العربيه خصوصا لو كان اللي بيركب كبير فالسن وهو راكب وهو نازل رجليه طبعا فيها تراب او رمل بتاخد العتبه جرب وسيبها 4 شهور حتلاقي العتبه مشوهه جدا وده تلاحظه وانت بتتفرج علي اي عربيه فابريكه عدي عليها اكتر من سنتين مش بتلاقي العتبه من الداخل علي الصاج ؟ والطلاء مالوش اي وجود خصوصا في السوك البارزه عشان كده العتب بتكسي او علي الاقل الحته اللي تحت الابواب الاربعه ولازم اللزق يدخل لجوه يغطي لحد العتبه الفبر
اما صدادات الاكصدام فهي للحمايه من الحكات والخبطات الخفيفه وبتركب علي الاطراف حدورلك علي صور ليها

[fadymedhat]

اعمل العتب مط اسود او كاربون هيكون شكله تحفة.....
فى كاربون نازل جديد نفس لون العربية ممكن تعمله على الاكصدامات...
ممكن تعمل فاميه لايت و تلزق استيكر صغير على الزجاج الخلفى.

[myson medo]

المشاركة الأصلية كتبت بواسطة hyundai 2005 اقولك العتب من اكتر المناطق اللي البويه بتطلع منها خصوصا من الداخل وده نتيجه الركوب والنزول من العربيه خصوصا لو كان اللي بيركب كبير فالسن وهو راكب وهو نازل رجليه طبعا فيها تراب او رمل بتاخد العتبه جرب وسيبها 4 شهور حتلاقي العتبه مشوهه جدا وده تلاحظه وانت بتتفرج علي اي عربيه فابريكه عدي عليها اكتر من سنتين مش بتلاقي العتبه من الداخل علي الصاج ؟ والطلاء مالوش اي وجود خصوصا في السوك البارزه عشان كده العتب بتكسي او علي الاقل الحته اللي تحت الابواب الاربعه ولازم اللزق يدخل لجوه يغطي لحد العتبه الفبر اما صدادات الاكصدام فهي للحمايه من الحكات والخبطات الخفيفه وبتركب علي الاطراف حدورلك علي صور ليها

بشكرك جدا على اهتمامك

[mohamed mahrane]

رأيى المتواضع ركب نواكل على المقابض وعلى المرايات وغطى الفوانيس الخلفيه بكاربون او فاميه او اسود مط مع تفريغ مكان الاشارات بالشكل طبعا اللى يناسب شكل العربيه وبردو مع الاخوة الزوملاء فى تغطية العتب عشان حمايه دوكو الفبريقه مع استيكر صغير بجانب مكان النمرة الخلفيه او بجانب الفوانيس الخلفيه مع شريط كاوتش على الاكصدامات وبردو غطى الكشافات الامامى وفرغ مكان الاضائه وكسوة لون بيج على الكراسى عشان يمشى مع التابلوه ومنصحكش بموضوع الاستيكر على العربيه من برة والف مبروك والله الموفق