ارجوكم تحلولى المشكلة دى عشان انا قربت ابطل سواقة

[shazly_ziko]

انا اسف يا جماعة انا عضو جديد لاسرتكم الجميلة دى وكان ليا استفسار معين عن الجنوط ومشاكلها انا مركب جنوط عادية ومعرفش اى معلومة عن الجنوط خالص وكنت حابب اغير بس صديق ليا قاللى اوعى تغير لجنوط كبيرة ورفيعة عشان ده غلط على العفشة و ثبات العربية على الطريق ياتري الكلام ده صحيح ولا ايه وياريت لو حد عنده معلومة عن مشكلتى ياريت يقوللى عشان انا كنت عاوز اركب قبل العيد وعاوز اعرف ايهما افضل زينون ولا حاجة غيره وشكرا ليكم جدا واسف لانى طولت عليكم

[Injection]

على حسب معلوماتى أهم حاجة فى الجنط 3 حاجات:-

1- مساحة سطح الأطار اللى هتلامس الأرض بعد تركيب الجنط, وكل أما تزيد المساحة ديه الثبات بيزيد, وكل ماتقل عن الأصلية الثبات بيقل.

والثبات بيزيد على حساب تسارع العربية, يعنى لو العربية موتورها ضعيف حبتين مساحة كبيرة هتزود ثباتها بس هتأثر على "سحبها", وكمان مساحة الأطار الكبيرة هتحسسك بالشارع بكل تضاريسه على عكس القديم.

2- وزن الجنط: وزن الجنط بيمثل عبء على الموتور, لأن لو وزن الجنط الجديد أزيد من الأصلى ده بيأثر على سحب العربية وبيتعب الموتور لأنه بيضطر يحرك وزن زيادة, فلازم تحاول تجيب جنط مماثل لوزن الجنط الأصلى أو أقل منه (لو أقل هيجسن السحب وهيقلل وزن العربية ككل)

3- مساحة الأطار اللى باينة من الجنط, مش فاكر أسمها بالظبط, بس عموما حجم الجنط بيأثر على عفشة العربية, وكمان لو الجنط أكبر من اللازم والأطار حجمه صغير ممكن الجنط ينثنى من أى حفرة من حفر الشوارع بتاعتنا.

وديه ألة حاسبة علشان تقارن حجم الجنط والأطار الجديد بالقديم:-
http://www.1010tires.com/tiresizecalculator.asp

[abo-salama]

انجكشن ده بطل خلص الحكاية فى سطرين

[ahmed_menaiem]

مفيش حاجه تتقال اكتر من اللى injection قاله و شكراا