|
#296
13-08-2010, 03:32 AM
|
||||
|
||||
رد: أدب الرحلات
ولازلنا مع الاسعاف
(هذه الحكاية لاانصح بيها ابدا لانها مصيبة كبيرة بس ربنا ستر) فى يوم راجع بعربيتى بالليل بعد يوم مرهق من العمل والسفر وخلاص قربت على البيت وقبل القصرالجمهورى فوجئت بسواق تاكسى بيحايل كل الناس اللى ماشيين بعربياتهم ومنهم سواقين تاكسى زيه فوقفت فى ايه قال الست دى روحت بيها مستشفى المطرية وقالو دى عايزة مش عارف ايه موجود فى مستشفى عين شمس التخصصى وانا ممعاييش رخص وعربيتى قديمة ومكسرة زى م انت شايف وببص لقيت واحدة ضخمة نايمة قتيلة جوه العربية فكرت شوية بسرعة وشكيت فى الموضوع لكن قلت ياواد خليها على الله وسألتهم فى حد من قرايبها هنا ؟؟؟؟؟؟؟؟؟؟؟؟؟ ولقيت اكتر من 15 واحد بلا مبالغة اتلمو حواليا وشالوها ودخلوها بالعافيةلانها تقيلة جداااااااااا على الكنبة اللى ورا ولقيت كلهم نطو جوه العربية ومتفهمش شالتهم ازاى وجريت على مستشفى عين شمس التخصصى امام جامعة عين شمس بالعباسية ودخلت على الباب وانا مدى كلاكس طويل وعااااالى والامن فتح الباب بسرعة وشاورو ان الاستقبال يمين فى شمال وجابو تروللى بسرعة ودخلو بيها على الانعاش والدكتور قال عايزينك فى كلمتين (طبعا انا فاهم ) قلت / عينى هركن واجيلك اركن فى البارك هركن قصاد المستشفى علشان مضايقش حد اوكى وخرجت علشان اركن وطيرااااااااااااااااااااا ااااااااااااااان على البيت ولاشافش وشى التعديل الأخير تم بواسطة خالدخليفة ; 13-08-2010 الساعة 04:20 AM 
|
|
#297
13-08-2010, 04:14 AM
|
||||
|
||||
|
رد: أدب الرحلات
ولازال قطارنا مستأنف المسير
وده من المواقف العجيبة جدا يوم حادثة قطار قليوب كنت مسافر الى اسيوط والغريب ان الحادثة فى الوجه البحرى ومع ذلك ارتباك رهيييييييييب فى عموم السكة الحديد وانا راجع بالليل ركبت قطار 2 بالليل من اسيوط وهو قطار مراكز يقف جميع المراكز اولا قام متاخر حوالى ساعة الا ربع وطبع ركن كذا مرة لقطارات كتير متأخرة المهم وصلنا المنيا ولقيتهم بيركنوه على رصيف فرعى قلت بزهق / قطار جديد تانى هنركن له وفوجئت ان اللى جه العادى السريع اللى بييجى من سوهاج روحت ناطط من المركون بتاعنا انا وييجى نص القطار اللى كنا فيه وجرينا على السريع وقعدنافيه وفوجئنا بقطار المراكز اللى كنا فيه هو اللى مشى ايه الحركات دى مفروض السريع هو اللى يمشى وكلنا قلنا وايه يعنى هيمشوه شوية وهيركنوه لينا بعد كده وفوجئنا بالاسبانى داخل محطة المنيا وبتاعنا مركون طبعا كده الاسبانى هو اللى هيمشى والكل هيركن له روحت جريت على الاسبانى وحدى طبعا لان تذكرته غالية وانا جوه الاسبانى فوجئت ان القطار العادى السريع هو اللى مشى والاسبانى استنى ايه الخيانة دى قلت وايه يعنى كلهم هيتركنو فى السكة للاسبانى وفوجئت اننا كلنا مشينا ورا بعض لحد القاهرة المراكز يقف فى محطة من بتوعه السريع يقف بره المحطة وراه لانه مش بيقفها والاسبانى وراهم المراكز يمشى وكلنا وراه لحد القاهرة وحسبى الله ونعم الوكيل فيك يامنصور المفروض فى نظام متعارف عليه انما كل واحد يتصرف بمزاجه ده كلام ؟؟ واخيرا وصلنا القاهرة بعد رحلة استمرت 9 ساعات ونص رغم ان مفروض الرحلة 5 ساعات وربع
|
|
#298
13-08-2010, 04:15 AM
|
||||
|
||||
رد: أدب الرحلات
ههههههههههه, الحكاية الأخيرة دى جامدة قوى, "عايزينك فى كلمتين" هههههههههه, بلد عايزة الحرق بصحيح, كان نفسى أعرف هيقولك أيه, ولا لو مكانش سابك تمشى.
__________________
|
|
#299
13-08-2010, 04:25 AM
|
||||
|
||||
|
رد: أدب الرحلات
هو طبعا الواحد لازم يكون عنده حنكة (حداقة / حدق)فى تصرفه المهم انقاذ الناس لكن انا لاانصح ابدا بموقف عين شمس التخصصى ده ابدا
ثم هو هيفتح محضر ويستدعى الشرطة المشكلة انك متضمنش تصرف اقارب المريضة ممكن يمسكو فيك ويتهموك ودى شفتها بعينى واحد بعد م نقل واحد المستشفى اتهموه ان هو اللى خابطه وطلبو فلوس علشان يتنازلو ولذلك دى كانت مخاطرة منى وخصوصا واحنا جوه العربية سالتهم هيا مالها فقالو زعلت( هيا اللى زعلت مش انا حد زعلها يعنى) طبعا ده رد عبيط وبيستهبلو وانا قلقت وهما معايا بعد الرد ده لكن ربنا ستر التعديل الأخير تم بواسطة خالدخليفة ; 13-08-2010 الساعة 05:02 AM
|
|
#300
13-08-2010, 05:46 AM
|
||||
|
||||
|
رد: أدب الرحلات
وقطارنا لسه ماشى
ركبت الميكروباس من دمياط وكان راكب جنبى واحدة زى القمر ومعاها ابنها شاب ماشاء الله رايحة تشترى له عفش من دمياط لكن لو شفتهم تقول اخوات لان شكلها صغير جدا وانا مهتميتش بيها وكانت راكبة جنبى فقلت لابنها خلى ماما تقعد جنب الشباك وانت تعالى جنبى فقام وجه قعد جنبى و دى كانت فرصة الكلام الوحيدة بيننا اانا وهو مش هيا ووقفت بينا العربية فى كافتيريا فى كفر شكر (قبل القاهرة ب60 كيلو) ونزلنا كلنا اللى دخل الحمام واللى طلب شاى وانا قعدت وحدى بعييد اراقب الطريق السريع ولقيت ابنها جاى بيقول لى ماما عايزاك خير فقال خير ولما روحت لاحظت انه مشى دخل الحمام وفوجئت بيها بتقول لى انها وحيدة وانها عايزة راجل وانها معجبة بيا وانا بينى وبينكو اتلخبطت انا متعود فى السفر على الجرى والمهاترات لكن رومانسية وحركات اول مرة اشوفها وطبعا سبتها تقول كل اللى هيا عايزاه وفى الأخر طلعت ورقه عليها رقم موبايلها واضح انه كان مكتوب جاهز وانا أسقط (بضم الالف وكسر القاف )فى يدى واخدت رقم التليفون ومشيت هستناك تطلبنى حاضر ووصلنا مصر بالسلامة ونزلت واول حاجة عملتها بعد م نزلت قطعت الورقة وروحت بيتنا ياساتر اعوذ بالله متتصوروش الورقة دى كانت حمل تقيل اد ايه
|
 |
|
|
.
