عربيه اسمها سيمكا عاوز رايكم بالله عليكم

[عصام جلاب]

السلام عليكم احبابى
الحمد لله العفشجى وفق للعربية عفشة بيجو 305
لأن البيجو فرنسية زى السيمكا واصبحت العربية
بموتور 128 والعفشة بيجو وبكدة لغينا السيمكا خالص وبدأنا العمل وانشاء الله هستلمها يوم الجمعة
15-7ادعولى وسلامى للاستاذ ايمن جلال وحشتنى ياراجل

[aymangalal]

المشاركة الأصلية كتبت بواسطة عصام جلاب السلام عليكم احبابى الحمد لله العفشجى وفق للعربية عفشة بيجو 305 لأن البيجو فرنسية زى السيمكا واصبحت العربية بموتور 128 والعفشة بيجو وبكدة لغينا السيمكا خالص وبدأنا العمل وانشاء الله هستلمها يوم الجمعة 15-7ادعولى وسلامى للاستاذ ايمن جلال وحشتنى ياراجل

الف مبروك يا باشا على الشغل الجامد ده ... ولا يأس مع سيمكا
ان شاء الله مع الوقت هاتحس انك فصّلت العربية على ايدك يللا بقى يا بطل حاول تتعلم كل حاجه وتعرف كل صغيرة وكبيرة فى عربيتك وان شاء لله لما ربنا يوسع عليك بأحدث واعلى الموديلات هاتفضل اول عربية (هى اجمل ذكرى ) لانك بدأت معاها
واحنا متابعين معاك ... وافينا بأخر التطورات بقى

[عمرو سيف]

ألف مبروك يااستاذ عصام على العربية وربنا يبارك فيها معلش جات متأخرة شوية , وبشكر كل الأعضاء اللي نصحوا الأستاذ عصام ود بيدل دايما على الحب والإحترام الموجود بين الأعضاء وأخص بالشكر الأستاذ / أيمن لإنه عالج الموضوع بمواقعية وبسعة صدر وايضا الشيخ طارق ملك الإستيراد

[hisham750]

اولا الف مبروك يا عصام علي العربية والحمد لله انك لاقت قطع غيار للعربية وربنا يديلك خيرها وكفيك شرها

ثانيا انا معجب جدا بردود كل الناس المحترمة الي ردت علي الموضوع وقالت رأيها بصراحة وده شىء ممتاز بيفدنا كلنا

ثالثا كل العربيات المستعملة بنغلب فيها فالاول لحد منعرف خبيها واسرارها حتي لو كانت مشهورة ومليا الدنيا لانها بالنسبة لينا جديدة علينا وخصوصا انها اول عربية في حياتك اهم حاجة صاحب العربية يعني خليها صحبتك وحالو تحس بيها هتفرق معاك كتير

ربنا يوفقك ان شاء الله وان شاء الله نتابعك كلنا لحد لما تبقي استاذ

[ابوشروق]

الف مبروك
بس أسمع نصيحة الشيخ طارق
مش معقول لسه هتتعلم السواقه تقوم تعقد نفسك من العربيات
عارف انت لو جبت 128 تعبانه ب 6000 او 7000 هتتعلم عليها كويس وحاجتها عند البقال وبلاش الا ربع
وبيبان عليها أى حاجه تتعمل فيها
وربنا يوفقك