لمبة الباور في النوبيرا2

[سيف الدين سعيد]

لآ حرمنا الله من مشاركاتكم المفيده .

[احمد على 1999]

المشاركة الأصلية كتبت بواسطة سيف الدين سعيد لآ حرمنا الله من مشاركاتكم المفيده .

الله يباركلك يا استاذ سيف
كنت عملت تعديل لمشاركتى اكيد حضرتك ملحقتش تقراه و يا رب يصلح الحال

[سيف الدين سعيد]

تم قراءة التعديلات يا باشا وبجد تحليلات جيده ومحتمل فعلا يكون مجرد تلميس . تحياتى لحضرتك وكل عام وانت بالصحه والسلامه ..

[hamdyy010]

المشاركة الأصلية كتبت بواسطة احمد على 1999 طيب الحمد لله انا كده اتاكدت بعد ما قريت فى كتالوج دليل المالك عندى للانوس لانه شارح برضه الفتيس الاوتوماتيك و قايل صريح لمبة ال power طبيعى تنور فى الاول تقريبا 4 ثوانى و تطفى زيها زيى لمبة ال check الصفرا ان فايدة زرار ال power ان لو دست عليه لمبة power حتنور فى التابلوه مستمر ( ممكن تكون PWR كاختصار ) و ال tcm ( موديول التحكم فى الفتيس او كنترول الفتيس ) حياخر النقلات ل rpm اعلى من الاقتصادى عشان لزوم القيادة الرياضية و لما تدوس عليه تانى تقوم لمبة power تطفى و كنترول الفتيس يرجع تانى للوضع الاقتصادى اللى بينقل على rpm هادى توفيرا للوقود و اطالة عمر المكونات لو بقى اللمبة نورت لوحدها سواء متصل او متقطع او يومين اه و يومين تلاتة لأ يبقى كده فعلا فى مشكلة و الكود متسجل فى ال tcm محتاج يتقرا بسكان و من قرايتى لكتاب الصيانة قايلها صريح ان ال tcm بتسجل اكواد بالحرف قايل افحص ال tcm لاكواد الخطأ سواء الحالية او المسجلة و لو موجودة بيودينى لجدول مفصص كل كود برقمة و السبب المحتمل فكده الخطوة الى ناقصة لازم سكان عشان نعرف رقم الكود متابع معاكم و خير ان شاء الله حبيت اضيف حاجات من كتاب الصيانة يهمنى اعرف طراز الفتيس لانه لو 4T40 بعون الله الكتاب معايا ناقص يقولى بيتصنع ازاى بس الكتاب 297 صفحة فيفضل اعرف كود الخطأ عشان صعب دلوقتى اقرا الكتاب كله فى الكتاب جداول لكل الاكواد و كمان عنوان كل جدول مكتوب بتوصيف مظاهر الشكوى يعنى من الاخر لقيت جدول عنوانه صريح لو لقيت فومينج foaming فى الزيت يبقى الاحتمالات : زيت الفتيس تعبان الزيت دخل عليه ميه ( وارد لانه بيتبرد فى الرادياتير فلو فيه تسريب داخلى الاتنين يدخلوا على بعض ) الفتيس مليان بزيادة سدد فى مواسير التبريد الفلتر مسدود او مشروخ الفلتر بيسرب من الجوان بتاعه تلف جوان الغطا الجانبى الماتور بيسخن فوق الطبيعى ( مستبعد ) العربية محملة جامد ( مستبعد ) حساس التحكم فى مستوى الزيت تالف يا مش متثبت كويس جدول عنوانه loss of power وده اقرب توصيف للمشكلة و الاكواد المحتملة 751 خاص بسولونويد التحويل من الاول للتانى 756 خاص بسولونويد التحويل من التانى للثالث و اسبابهم المحتملة مستوى الزيت قليل سولونويد النقل من الاول للتانى فشل فى وضع off عند بداية التانى / و او سولونويد النقل من التانى للتالت فشل يحقق الوضع on كلاتش محول العزم ( كلاتش القربة ) TCC ال torque converter clutch يا بتعلق مفتوحة يا بتدردر dragging ( مش عارف تترجم ازاى ) القربة نفسها اللى هيا محول العزم يا متوسخة جامد يا باظت خالص ( و دى مستبعدها لانها لو بايظة العربية حتفضل على طول بايظة ) هو ان شاء الله تطلع حاجة بسيطة لان المشكلة مش مستمرة ممكن تطلع فى الاخر و الله اعلم رطوبة طالت الفيش فعمله bad contact بسبب غسيل الماتور بضغط عالى و توجيه الميه بدون عمد على الفيش فممكن كاجراء وقائى فك كل الفيش و رش wd40 بداخلها لعل و عسى

والله تسلم ايدك يا استاذ احمد ربنا يخليك لينا
يبقى اللي عليا دلوقتى اروح لحد واقولة يعمل سكان للفتيس مش كدة؟
وتسلم ايدك يا برنس

[احمد على 1999]

تمام كده يا استاذ حمدى
اللى بصراحة مش عارفه لانها مش واضحة فى الكتاب هل سكان كنترول الفتيس من نفس فيشة سكان كنترول الماتور ؟
ممكن برضه الاستاذ هانى يوضحلنا لما يروح للراجل اللى فى الحرفيين اللى اكدله ان عنده سكان للفتيس

و ان شاء الله متابع مع حضرتك و يا ريت اول ما تعرف رقم الكود قولى يمكن افيدك لو هو شبه الفتيس اللى عندى فى الكتاب