إستفسار عن تعديلات/شد الشاهين

[Xive]

السلام عليكم,
أنا بحاول أعمل تعديلات في العربية بس مش عارف التكاليف الكلية تقريبا هتبقي كام
فقررت أرتب الحاجات المطلوبة و ممكن حد يساعدني في تحديد سعرها في السوق دلوقتي:

العربية شاهين موديل 94 1600cc مقفلة العداد و ماشية 40,000 كم تقريبا علي التقفيلة يعني 140,000 كم

سبب الشد: العربية مبتعديش ال 120 كم/س + محتاج أركب تكييف بس الموتور مش حيستحمل بالحالة ده + سنتر لوك + جنوط سبور + عفشة و فرش

التعديلات ( من الأكبر للأصغر ) أو من ( الأهم للأقل أهمية ):

- موتور ( جديد أو عمرة ) هل السعر متقارب ؟ (مع العلم إن الموتور متعملوش عمرة قبل كده)
- تربيط عفشة و ظبط زاويا عجل و إذا كانت محتاجه مساعدين أو إصلاحات أخري ( متوسط السعر تقريبا يعني )
- تركيب تكييف: إيه أحسن نوع أو الماركات المشهورة
- فرش + تجليد تابلوه + دواسات + سنترلوك (متوسط السعر تقريبا )
- 5 جنوط سبور + 5 كوتشات : إيه أنسب مقاس للجنط و الكاوتش عشان ميضرش العفشة
- إكصدام أمامي و خلفي يكون قريب من الأرض (سبور)
و هل هاضطر إني أظبط زاويا تاني لو ركبت الجنوط بعد تظبيط العفشة ؟

ده أهم الحاجات الباقي حاجات صغيرة لا تذكر.

ممكن حد يفيدني بألاسعار في السوق دلوقتي تقريبا عشان أعرف أحدد الميزانية وإذا كنت هضطر أستبعد تعديل أو إتنين, ولو حد شايف حاجة ممكن تكون بايظة أو عمرها الإفتراضي إنتهي ياريت يلفت نظري ليها.

شكراً مقدماً

[الهاك الصغير]

بالنسبة للتكييف هيبقي 3000 جنيه وفي عضو كان شارح الموضوع ده بالصور بس مش معايا اللينك ممكن تدور عليه
العفشه المساعد الواحد مونرو بيعمل 220 جنيه وممكن تغير اجزاء تانيه ب 60 جنيه
الجنط عندي 13 70 185 ده ممتاز في ثبات العربية بس بيتقل الدريكسيون لازم دايما تزود الكاوتش تخليه علي 40 علشان يبقي الدريكسيون كويس ومعرفش هل في جنوط تانيه احسن او لا هي بتنزل ب 13 70 175 وده بيبقي رفيع
وبالنسبة للمحرك 1600 انا كنت بجيب بالدوجان 140 وممكن 150 مع ان المحرك كان بادء يبقي خفيف كنت مركب بوجيهات ليها راسين

وبالنسبة للفرش أصلا الشاهين كراسيها مقرفه جدا ممكن تغير كراسي تيمبرا الكرسي ب 300 جنيه او حاجه لانسر بس المهم تكون نفس مقاس الققاعده

[Xive]

المشاركة الأصلية كتبت بواسطة الهاك الصغير الجنط عندي 13 70 185 ده ممتاز في ثبات العربية بس بيتقل الدريكسيون لازم دايما تزود الكاوتش تخليه علي 40 علشان يبقي الدريكسيون كويس ومعرفش هل في جنوط تانيه احسن او لا هي بتنزل ب 13 70 175 وده بيبقي رفيع

ممكن أعرف الأرقام بتمثل إيه بالظبط ؟ ال انا أعرفه إن :
13 : قطر الجنط
70 : عرض الكاوتش
185: ؟؟

و هل لو كبرت في قطر الجنط (مثلا 14) و قللت (سُمك) الكاوتش بحيث إن أنا أحافظ علي المقاس الكلي لأصل العجلة ده هيضر العفشة برضه أو هيتقل الدريكسيون أو هيقلل الثبات ؟

و إيه متوسط سعر الجنط الجديد تقريبا ؟

المشاركة الأصلية كتبت بواسطة الهاك الصغير وبالنسبة للمحرك 1600 انا كنت بجيب بالدوجان 140 وممكن 150 مع ان المحرك كان بادء يبقي خفيف كنت مركب بوجيهات ليها راسين

مهو ده ال مجنني :S .. الموتور عمره الإفتراضي 300,000 كم بعد كده يتعمله عمرة بس العربية ماشية 140,000 و مبتعديش ال 120 .. إنشاء الله أنزل أسأل علي البوجيهات براسين.

المشاركة الأصلية كتبت بواسطة الهاك الصغير وبالنسبة للفرش أصلا الشاهين كراسيها مقرفه جدا ممكن تغير كراسي تيمبرا الكرسي ب 300 جنيه او حاجه لانسر بس المهم تكون نفس مقاس الققاعده

أنا كنت أقصد فرش جلد للكراسي الموجوده فيها!

إعذر أسئلتي الكتيرة بس أنا مهتم جدا بشد العربية والمنتدي هنا أكثر من رائع.
شكراً جداً لردك و إهتمامك بالموضوع.

[محمدصلاح القاضى]

[محمدصلاح القاضى]

المشاركة الأصلية كتبت بواسطة Xive ممكن أعرف الأرقام بتمثل إيه بالظبط ؟ ال انا أعرفه إن : 13 : قطر الجنط 70 : عرض الكاوتش لا دا ارتفاع الكاوتش من على الارض لحد حافه الجنط 185: ؟؟ دا عرض المداس بتاع الكاوتش و هل لو كبرت في قطر الجنط (مثلا 14) و قللت (سُمك) الكاوتش بحيث إن أنا أحافظ علي المقاس الكلي لأصل العجلة ده هيضر العفشة برضه أو هيتقل الدريكسيون أو هيقلل الثبات ؟ لا انت ممكن تركب جنط 14 على كاوتش 175 على 65 او 70 وهيكون تمام وزى الفل و إيه متوسط سعر الجنط الجديد تقريبا ؟ حسب النوع والشكل والمقاس مهو ده ال مجنني :S .. الموتور عمره الإفتراضي 300,000 كم بعد كده يتعمله عمرة بس العربية ماشية 140,000 و مبتعديش ال 120 .. إنشاء الله أنزل أسأل علي البوجيهات براسين. دا معناه انها عاوزه طقم سيرفرس جديد يعنى ابلاتين وكوندنسر ماركه نضفيه لو الاسبراتير اللى عندك عاده طقم بوجيهات ngk واحد شمعه او اتنين شمعه طقم سلوك بوجيهات انجليزى او ايطالى غطا اسبراتير جديد سير كاتينه وبلية شداد جداد لانهم دول من اهم الحاجات اللى ممكن تخلى العربيه طياره وفى نفس الوقت ماتكولش بنزين معاك بس محتاج واحد ميكانيكى فنان عشان يظبط التقسيمه صح وتفك الكربراتير وتنضفه وتغير اى حاجه مش مظبوطه فيه ويركب تانى مع تركيب جوان المانفوليد كويس عشان الهوا وبعد كدا نضف دورة المياه ولو الريداتير مسدود يتسلك واركب العربيه وانت هتحس انك فعلا راكب طياره بس كله محتاج ميكانيكى فاهم عشان الحاجات دى كلها روح الموتور يا تخليه يشد يا اما يرخى وما يسحبش أنا كنت أقصد فرش جلد للكراسي الموجوده فيها! ايوه فى جاهز وفى تفصيل إعذر أسئلتي الكتيرة بس أنا مهتم جدا بشد العربية والمنتدي هنا أكثر من رائع. شكراً جداً لردك و إهتمامك بالموضوع.

الرد فى الاقتباس
وانا تحت امر حضرتك فى اى استفسار