مراجعتى للاكسيل هاتش باك 1300 سى سى بعد مشى حوالى 2000 كيلو مميزات وعيوب

[Hisham.Elgazzar]

المشاركة الأصلية كتبت بواسطة amoor89 كلام مظبوط حضرتك وصفت العربية بالظبط بس بصراحة العربية بجد تعتبر احسن حاجة فى الفئة السعرية دى من عيوب ومميزات انا عن نفسى قبل ما اشتريها كنت اكتر عربية بكرهها فى حياتى هى الاكسل لانى كنت راكب لانوس بس بعد ما جبتها وعرفتها هى بالنسبالى مفيش فرق كبير بينها وبين اللانوس بل بالعكس هى احسن شوية العربية مكيفة وركبتلها الباور بتاعها وقى كله تمام ومش بفكر اغيرها قبل 5 سنين على الاقل بس في حاجة قارفانى فى عيشتى فيها ومش عارف اعمل ايه العربية خاربة بيتى بنزين مع انها 1300 وكل ما اروح لحد يفتى وخلاص مش عارف اجيب كاربرتير استيراد واريح دماغى ولا ايه ولو كده يا ترى بتاع ال1500 هو هو بتاع ال1300 ولا فى اختلاف تحياتى

كلمنى هوصفلك واحد معجزة بتاع كربراتير فى حدايق القبة
وبرضو بإذن الله هتنسى الكربراتير من حساباتك

[sayed2077]

المشاركة الأصلية كتبت بواسطة Hisham.Elgazzar كلام جميل اوى انا مقتنع بيه بس هقولك على حاجة بالنسبة لخرطوم البخرة اللى الميكانيكى بيقولك بيلم تراب فى الكربراتير الخرطوم ده بيجيب بخرة زيت خفيفة من جوا الموتور يعنى ولا تراب ولا يحزنون الفكرة كلها لو الموتور خفيف وفلتر الهوا وحش والعمة منفسة بتشفط زيت وتراب لكن لو كل حاجة مظبوطة خواجة ولا الدموع هتلاقى العربية معاك زى الفل ثانيا فى فلتر بيركب قبل ماتدخل الخرطوم على العمة عشان مهم اوووووووى بخرة الزيت الخفيفة للموتور والكربراتير والصبابات وده عن تجربة عزل التبلوه انت بقى ظبطة بمعرفتك كذلك عزل الأبواب لكن ماتقارنش تكييف الفيرنا اللى على اده بتكييف الإكسيل (الله أكبر ماشاء الله لاقوة الا بالله ) ستاير الكبس اللى بتركب على الإزاز واحد صاحبى مركبا ومريحاه جدا مع التكييف الطقم ب 40 جنيه من التوفيقية موجودة لو عاوزها بكره إن شاء الله هتلاقيها ولو عديت على لجنة شرطة وسالك (اه ده يابيه ) هتقوله ده مش فاميه دى ستاير من ام 40 جنيه وتروح فاكك اللى فى الباب اللى وراك وترميهاله على الكنبة هيقولك اتفضل ( الموقف ده حصل قدامى مرتين ماتقلقش) التكييف فى معظم العربيات الكورى على البطىء بيبقى محمل لكن عادى أهم حاجة تبقى مرتاح وكده كده مش مستعجلين لما تبقى مستعجل افتح الأزاز واقفل التكييف العفشة بقى انا ممكن أفيدك اوى هاتهالى الورشة عندى فى عين شمس كلمنى على الرقم ده قبل ماتيجى وانا بإذن الله هظبطلك الدنيا رقمى اهو :01112082775 وهتنسى العفشة خاااااااالص من حساباتك

فعلا يا استاذ هشام فيه فرق بين تكيف اللانوس والفيرنا وتكيف الاكسيل بمراحل تكيف الاكسيل برضوا على اد كده تحس انه عنده شلل هههههههههههههههه

اما بالنسبه للعفشة فالف شكر ليك ياباشا ونردهالك فى الافراح ان شاء الله والحمد لله روحت عند عفشجى تانى كنت بتعامل معاه زمان شاف السوست وكل حاجه قالى العربيه سوستها حلوه ومفيش حاجه كل اللى عندك عاوز تركب علايات بس

وانا سجلت تليفون حضرتك واى حاجه هبقى اتصل بحضرتك ان شاء الله وربنا ييسر الامور يا استاذ هشام ومنتحرمش منك

[kiupid]

اسعار قطع الغيار دى
سقف + باب امامى شمال _ باب خلفى شمال

[YahiaAshraf]

تقيم متميز ووافى
تسلم ايدك يا باشا على المجهود

[sherifabden]

طب ايه اخبار الفرامل ؟؟؟