|
#1
09-10-2012, 04:48 PM
|
||||
|
||||
مراجعتى للاكسيل هاتش باك 1300 سى سى بعد مشى حوالى 2000 كيلو مميزات وعيوب
السلام عليكم ورحمة الله وبركاته
الاكسيل الهاتش باك اللى معايا دلوقت عملت فى حدود 2000 كيلو وطبعا يعتبر ظهرت اغلب مميزاتها وعيوبها ليا وانا حبيت انى اشاركم المميزات والعيوب علشان اللى ناوى يشترى الاكسيل يشوف المراجعه ويقرر على اساسها اولا المميزات 1:شكل الهاتش باك مميزجدا خصوصا مع الجنوط اسبور بالذات مخلية العربيه ثابته كويس جدااا وده لان الجنوط الاسبور من النوع اللى خارج سنه بره الرفارف فبيدى ثبات كويس جدا فى المنحنيات وشكل شيك جدا. 2:اسعار قطع الغيار رخيصه جدااااااا ومحستش الى الان باى فرق بينها وبين ال 128 نهائيا بخصوص الاسعار ومتوفره عند كل المحلات 3:الصيانه بتاعتها بسيطه جدا ومفيهاش لعبكه لان العربيه عباره عن كربراتير ومفيهاش كمبيوتر ولا العك ده كلو وممكن اى حد عندو خبره بسيطه بالسيارات يشتغل فيها بدون مشاكل وبدون صعوبات 4:الماتور على اد ما انه 1300 سى سى الا انه وقت ما بتحتاج تشد بيه بتشد وبيبقى راسك براس اللانسر والهيونداى و اللانوس وكل الحاجات ديه بس خلى بالك الماتور نشيط بس لغاية سرعة 120 بعد كدا الماتور سرعان ما بيفقد قوته وبيبقى بطه بلدى وبيبقى التسارع بطىء جدا بعد ال 120 اما قبل ال 120 فبيكون ممتاز 5:القعده من الداخل مريحه الى حد ما بس مش قوى يعنى نقدر نقول متوسطه 6:العربيه شغالة عادى جدا ببنزين 80 بس بتبقى محتاجه تظبط رجلك على دواسة البنزين ليس اكثر من ذلك 7:العربيه اعتمادية جدااااا وقليلة الاعطال لابعد حد تتخيلوه يعنى اللى عاوز يسافر بيها هتستحمل سفر ومشاوير وكل حاجه بس اهم حاجه ميكونش الحاجات الاساسية بيظه زى مثالا مراوح التبريد او دائرة الاشعال او الزيت قديم 8:قطع الغيار على اد ما هى رخيصه بس معمرة جداااا مقارنة بالفيات وتعتبر هى هى الاسعار او ارخص كمان يعنى ارخص وتعيش اكتر نيجى بقى للعيوب 1:العربيه واطيه جدا على الارض ولو حملت 4 فلا مفر من اى مطب حتى لو كان صغير هتحك هتحك مفيش مفر 2:العفشه طرية اكثر من اللازم وبتاخد وتدى بسهولة يعنى مش محجرة او ناشفه كده وتقاوم الطريق لا تلاقيك مثالا لو ماشى على طريق بسرعه وفيه ارتفاعات وانخفاضات بسيطه تلاقى العربيه بتتنطط معاك 3:الكربراتير الاتنين باب الباب التانى ساعات بيعلق منك فتلاقى السلانسيه زاد شوية وده بيحصل لما بتكون طول عمرك ماشى فى زحمة وكدا فضغطك على دواسة البنزين بسيط فبالتالى اللى بتستخدمه الباب الاول فقط فى الكربراتير اما لما بتجرى فى طريق سريع وبتدوس جامد على دواسه البنزين والعربيه بتبقى محتاجه بنزين اكتر فبالتالى باب الكربراتير التانى بيفتح فبيعلق بقى لانه مشتغلش بقالة فتره وطبعا حلها انك تروح عند الميكانيكى ويزيتلك الباب التانى وخلص الموضوع 4:التكيف بتاعها وحش جدااااا وضعيف جداااااااا وعامل بالظبط زى ما تبقى عطشان وتشرب من البحر المالح هو كده بالظبط يعنى تبقى حران وتيجى تشغله متبقاش عارف كده سقعه ولا سخن فبالتالى مالوش لازمه وكمان بيخلى العربيه بطه بلدى لما تشغله بيخليها تقيلة جداااااااااااااااا ومتعرفش تشد بيها نهائيا وحل التكيف انك تشيل دايرة التكيف بتاعها كلها وترميها وتجيب دايرة تكيف كامله جديده زى مثالا ساندن يبانى او تجيب دايرة تيوتا مستعمله وتكون الدايرة اللى هتجيبها بتشتغل على فريون 134 مش فريون 12 القديم 5:الصالون بتاعها خصوصا التابلوه من اردىء انواع البلاستيك اللى عرفتوا البشرية لدرجه انه بيشقق من الشمس 7:بالنسبه للهاتش باك فخلى بالك الاكصدام الخلفى بالرفارف الخلفية حافظ عليهم كويس جدا لانهم غاليين وصعب تلاقيهم السيدان عادى الاكصدام الخلفى والرفارف موجوده بس الهاتش باك موجوده عادىجدا وبكده تنتهى مراجعتى للعربيه الاكسيل الهاتش باك وانا شايف من وجهة نظى ان اغلب عيوبها يمكن حلها مثالا لو العربيه واطيه ركب علايات لو التكيف وحش غيره بواحد من الجداد لو باب الكربراتير التانى علق فهتروح تزيته عند المكانيكى وانت واقف ومش هيكلفك حاجه يعنى نقدر نقول عيوبها مش جوهرية وغير مؤثرة نهائيا فى العربيه لان العربيه اعتمادية جداااا وفعلا فى رائى الخاص تعتبر افضل عربيه فى فئة 25 الى 30الف افضل من الفيات اللى قطع غيارها مضروبة ومش بتعيش نهائيا وانا فى راى الخاص اديها تقييم 8 من 10 بس فيه حاجه عندى انا بقى مش عارف ديه حلها ايه وهى ان عداد السرعة شغالة كويس وبيقرا السرعه كويسه بس المشكلة فى عداد الكيلو متر هو اللى بيلف بسرعه يعنى ممكن فى مشوار ميعديش 20 كيلو يقرا 300 او 400 كيلو ومش عارف لغاية دلوقت العيب من ايه بالظبط هل من العداد ولا من التروس اللى فى الفتيس طيب لو من العداد او التروس ليه عداد السرعه شغال مظبوط وعداد الكيلو متر بيجرى بسرعه مع العلم عداد الكيلو متر وعداد الزيت بيقروا مع بعض بسرعه
__________________
|
|
#2
09-10-2012, 05:19 PM
|
||||
|
||||
|
رد: مراجعتى للاكسيل هاتش باك 1300 سى سى بعد مشى حوالى 2000 كيلو مميزات وعيوب
ماشاء الله عربية كويسة
تظبيط الكربراتير مع الصيانة الدورية امر عادى واهم حاجة تكون عمه الهواء محكومة تمام وخرطوم بخرة الزيت الخفيف اللى بيزيت البوابات بتاعت الكربراتير علايات السوست ولا هتحل ولا هتربط لو السوست رايحة الأفضل تركب سوست استيراد او جديدة بتاعت عربيات تانية بس تكون محملة مثال: كان عندى فى الورشة مازدا 23 ركبتلها سوست امامى كريستالة وسوست خلفى لادا وطلعنا جربناها عدمناها مطبات والنتيجة ماشاء الله زى الفل  بالنسبة للتكييف ممكن تغير لفريون 134 بس لازم واحد متخصص تكييف ونتا عارف واحد اكتر من ممتاز انا شوفت المواضيع بس كاوتش الابواب وعزل الإزاز ومن عند التبلوه مهم جدااا كمان ان التكييف بيأثر على السحب لو بسبب الكهربا يبقى لازم كتاوت خارجى وبطارية 80 امبير وطقم بوجيهات 2 او 3 شمعة والعربية تبقى مظبوطة على الميزان
|
|
#3
09-10-2012, 05:33 PM
|
||||
|
||||
رد: مراجعتى للاكسيل هاتش باك 1300 سى سى بعد مشى حوالى 2000 كيلو مميزات وعيوب
فعلا عندى خرطوم الى بيوصل بخرة الزيت متشال جيت اركبه الميكانيكى قالى بلاش علشان بيلم تراب جوه الكربراتير و بيخليه يتسد فبلاش احسن فعلشان كده مركبنهوش
اما بالنسبه للسوست فوالله فعلا انا خبرتى ضايعه بخصوص موضوع العفشه نهائيا وفعلا لازم اشوف عفشجى تانى اما بالنسبه للتكيف ففعلا الراجل بتاع التكيف اللى بتعامل معاه هو اصلا يعتبر اكثر من اخ فعلا واتمنى تدعوله بالشفاء لانه تعبان جدااا اليومين دوول ومش بينزل الورشه فعلا احنا غيرنا الفريون لفريون 134 وحطينا زيت فى دورة الفريون وبصراحه التكيف كويس بليل بس بالنهار والشمس بتضيع مفعول التكيف يعنى انا فعلا شايف لو اتركبت ستاير الوضع هيتغير 180 درجه نهائيا بمعنى الكلمه يعنى تقدروا تقولوا فعلا المشكلة مشكله عزل ليس اكثر بس فى نفس الوقت تكيف الاكسيل مش زى تكيف الفيرنا واللانوس نهائيا فيه فرق طبعا وده احقاقا للحق اما بالنسبه للكهرباء ففعلا متركب كتاوت خارجى و البوجيهات بوش اصلى 3 شمعه وبرضوا بصراحه التكيف مبيبقاش تاثيرة باين على السرعات العالية بس بيبقى تأثيرة باين على السرعات المنخفضه فقط بس فى الجرى مبيبقاش له اى تأثير نهائيا يعنى فعلا انا عاوز اجرب اركب ستاير كبس ان شاء الله واشوف وفعلا حاسس ان هيبقى الفرق كبير لان بليل فعلا بيبقى ساقع جدااااااااااا بس الصبح والشمس بتدخل بتسخن كل حاجه
__________________
|
|
#4
10-10-2012, 05:08 PM
|
|||
|
|||
|
رد: مراجعتى للاكسيل هاتش باك 1300 سى سى بعد مشى حوالى 2000 كيلو مميزات وعيوب
كلام مظبوط
حضرتك وصفت العربية بالظبط بس بصراحة العربية بجد تعتبر احسن حاجة فى الفئة السعرية دى من عيوب ومميزات انا عن نفسى قبل ما اشتريها كنت اكتر عربية بكرهها فى حياتى هى الاكسل لانى كنت راكب لانوس بس بعد ما جبتها وعرفتها هى بالنسبالى مفيش فرق كبير بينها وبين اللانوس بل بالعكس هى احسن شوية العربية مكيفة وركبتلها الباور بتاعها وقى كله تمام ومش بفكر اغيرها قبل 5 سنين على الاقل بس في حاجة قارفانى فى عيشتى فيها ومش عارف اعمل ايه العربية خاربة بيتى بنزين مع انها 1300 وكل ما اروح لحد يفتى وخلاص مش عارف اجيب كاربرتير استيراد واريح دماغى ولا ايه ولو كده يا ترى بتاع ال1500 هو هو بتاع ال1300 ولا فى اختلاف تحياتى التعديل الأخير تم بواسطة amoor89 ; 10-10-2012 الساعة 05:15 PM
|
|
#5
10-10-2012, 05:31 PM
|
||||
|
||||
رد: مراجعتى للاكسيل هاتش باك 1300 سى سى بعد مشى حوالى 2000 كيلو مميزات وعيوب
كلام جميل اوى انا مقتنع بيه بس هقولك على حاجة بالنسبة لخرطوم البخرة اللى الميكانيكى بيقولك بيلم تراب فى الكربراتير الخرطوم ده بيجيب بخرة زيت خفيفة من جوا الموتور يعنى ولا تراب ولا يحزنون الفكرة كلها لو الموتور خفيف وفلتر الهوا وحش والعمة منفسة بتشفط زيت وتراب لكن لو كل حاجة مظبوطة خواجة ولا الدموع هتلاقى العربية معاك زى الفل ثانيا فى فلتر بيركب قبل ماتدخل الخرطوم على العمة عشان مهم اوووووووى بخرة الزيت الخفيفة للموتور والكربراتير والصبابات وده عن تجربة عزل التبلوه انت بقى ظبطة بمعرفتك كذلك عزل الأبواب لكن ماتقارنش تكييف الفيرنا اللى على اده بتكييف الإكسيل (الله أكبر ماشاء الله لاقوة الا بالله ) ستاير الكبس اللى بتركب على الإزاز واحد صاحبى مركبا ومريحاه جدا مع التكييف الطقم ب 40 جنيه من التوفيقية موجودة لو عاوزها بكره إن شاء الله هتلاقيها ولو عديت على لجنة شرطة وسالك (اه ده يابيه ) هتقوله ده مش فاميه دى ستاير من ام 40 جنيه وتروح فاكك اللى فى الباب اللى وراك وترميهاله على الكنبة هيقولك اتفضل ( الموقف ده حصل قدامى مرتين ماتقلقش) التكييف فى معظم العربيات الكورى على البطىء بيبقى محمل لكن عادى أهم حاجة تبقى مرتاح وكده كده مش مستعجلين لما تبقى مستعجل افتح الأزاز واقفل التكييف العفشة بقى انا ممكن أفيدك اوى هاتهالى الورشة عندى فى عين شمس كلمنى على الرقم ده قبل ماتيجى وانا بإذن الله هظبطلك الدنيا رقمى اهو :01112082775 وهتنسى العفشة خاااااااالص من حساباتك
|
 |
|
|
