اكسيل 96

[مايكل ذكرى]

خليك فى الاكسيل السيدان احن لان كمان سعرها كويس

[eng/walaaeldeen]

المشاركة الأصلية كتبت بواسطة qubttan والله يا اخ مشمش انا تعبت انا كنت عامل ميزانيه اقصاها 25000 بدأت بالبحث عن مازدا 323 بتكييف اصدقاء قالولى ما تشوف اكسيل وحتبقى قريبه فى التمن شفت اكسيل هاتشباك ب 25 و 27 الاصدقاء قالوا بلاش هاتشباك دور على السيدان لقيت سيدان 1300 ب 32000 قالولى متدور على اكسيل 1500 احسن لقيت اللى بسالكم عليها دى ووصلت الميزانية الى 33000 مش عارف اعمل ايه شكلى فى الاخر حوصل لمرسيدس او بى ام دبليو وعلى فكره دى اول عربية حركبها فى حياتى ولسه بتعلم السواقه انت لو مكانى حتعمل ايه ؟؟؟؟؟؟

السلام عليكم
كان عندي قبل اللانوس على طول اكسيل 1500 مو96 وكانت سياره جميله جدا وما دام اول عربيه وهتتعلم عليها خليك في الاكسيل عربيه ابعادها ملمومه
والله المستعان

[mr_astra]

المشاركة الأصلية كتبت بواسطة qubttan الله يكرمكم جميعا انا اخدت بنصيحتكم ودورت على 1500 لقيت عربية حالتها حلوه موديل 97 تكييف يعمل وباور وسنتر وزجاج كهرباء وكل حاجه شغاله فببريكه جوه رشة بره من 3 شهور وحالة الدهان نظيفه ولسه عمره من 4 شهور هو بيكلم فى 35000 فى رايكم العربية دى تخلص على كام من غير ظلم لى ولا له وجزاكم الله خيرا

لو بالحالة اللى بتقول عليها يبقى 33 زى الفل

[qubttan]

للاسف صاحبها ماسك على 34 ونص وروحت السوق يوم الجمعة لقيت اسعار عجيبه وعربيات غريبه وكلهم تقريبا تجاروظهرت ادامى عربية فيات 131 موديل 81 اللى شافها شكر فيها جدا وان حالتها فوق الممتازة .. ايه رايكم ابدا بيها لغاية لما اتعلم وافهم شوية فى العربيات ولا حتزهقنى وتكرهنى فى السواقه
معلش انا تعبتكم معايا بس عشمى فيكم كبير