تسعير ابيزا 94

[Mido_Vip]

السلام عليكم ورحمة الله وبركاته

مطلوب تسعير ابيزا 94 عداد 95 الف 1300 CC فبريكا دواخل راشه خوارج

حالة العربيه حلوة بس محتاجه يتغيرلها طقم سيرفيس وهواية التكيف فى التبلوه مكسورة

ومحتاجه كاسيت وسمعات عشان االى فيها تعبانين هو ده كل الى محتاج تغير بس

والكماليات تكيف وسنتر وزجاج كهرباء + وحدات رفع وجنوط اسبور

ياترى السعر المناسب للعربيه ديه كام ؟

وشكرا مقدم

[FlaminGo]

باشا العربية دى بتعمل من 28 الى 31 بالتدريج حسب الحالة العامة والكماليات . وانت وشطارتك فى الفصال مع صاحبها عشان شوية الكماليات اللى حتشتريها
على العموم حاول تخلص على 29 وتوكل على الله

[waelms3]

تمام يا باشا هى متوسط سعرها من 28 الى 32 الف حسب الحالة وانت شطارتك مع البائع

[knightdelta]

اه زي ما الاعضاء قالوا و ربنا يوفقك

[myousry1]

قبل ما تشترى العربيه او اى عربيه ابيزا 94 اولا شغل التكيف لان التكيف بتعها طبعا مش اوريجينال غالبا بيكون ساندان و امشى بى العربيه فترة شوفها بتسخن ولا لا مع التكيف لان لو كدة تبقى محتاجه رداتير كبير و شيخ على العربيه من تحت و فوق و كل شىء و شوف نقلات الفتيس هل فى خشونه ؟ كل الاشياء ديه من وجه نظر الميكانيكى عاديه اما بى النسبه ليك مكلفه شوف العربيه بعد 120 فى تنتيش ولا لا العفشه و هل علبه الدركسيون فى عضه و لو لسا بدور قولى انا قدامى وحدة فابريكه لسا بشوكها كانت موقوفه بقلها 8 سنين و حاله المصنع تقريبا