ركبت بلية عجل امامى للاكسيل وصوته طلع بعد 100 كيلو مشى فقط اعمل ايه؟؟

[طارق عبد السلام]

المشاركة الأصلية كتبت بواسطة sayed2077 الف شكر ليك يا استاذ طارق على ردك السريع وفعلا بكره هروح للميكانيكى تبعى ونشوف الموضوع ده ايه حله زى ما حضرتك قولتلى بالظبط واتمنى ميكونوش غاليين اووى السره بتاعت البلى ده طيب ايه حكاية C3 اللى حضرتك قولتلى عليها ديه لانى مش فاهمها الى الان

c3------ ده رمز للبلى السرعات العاليه
يعنى s k f ماركه بلى محترمه ومن الشركات الاولى والعريقه فى العالم
ورمز سى 3 ده لتحمل السرعات العاليه جدا يعنى بضمن لك ان شاء الله بليه مالهاش حل ولولقيت أس كى أف بدون رمز السى 3 مفيش ادنى مشكله بردوا البليه فائقه الاحترام ولو جضرتك من القاهره هتروح شارع معروف (شامبليون) وهناك تجار رولمان بلى المحترمين
وللعلم كمان بعض ميكانيكى السيارات بيحطوا أى شحم للبليه وبيفضلوا الشحم الاسو التقيل المطاط وده غلط بردوا لان فيه شحم مخصص للبلى وشحم مخصص للتروس
وهناك شحم متعدد الاغراض وده ينفع بردوا للبلى فأنا ارشح لك عند شراء البليه تشترى من نفس التاجر شحم بلى بكده تبقى انت عملت المطلوب وزياده كمان
وهناك طريقه تعلمتها فى المانيا لتركيب البلى بالتسخين ولا تقولى مكبس ولا تقول شحط البليه بتركب بدون اى اجهاد عليها

[mhamdy75]

المشاركة الأصلية كتبت بواسطة sayed2077 كنت بتسن السكاكين للخروف ولا ايه

يخرب بيت الفيديو كول

ههههههههههههههه

[محمد زكي]

المشاركة الأصلية كتبت بواسطة tarek/ c3------ ده رمز للبلى السرعات العاليه يعنى s k f ماركه بلى محترمه ومن الشركات الاولى والعريقه فى العالم ورمز سى 3 ده لتحمل السرعات العاليه جدا يعنى بضمن لك ان شاء الله بليه مالهاش حل ولولقيت أس كى أف بدون رمز السى 3 مفيش ادنى مشكله بردوا البليه فائقه الاحترام ولو جضرتك من القاهره هتروح شارع معروف (شامبليون) وهناك تجار رولمان بلى المحترمين وللعلم كمان بعض ميكانيكى السيارات بيحطوا أى شحم للبليه وبيفضلوا الشحم الاسو التقيل المطاط وده غلط بردوا لان فيه شحم مخصص للبلى وشحم مخصص للتروس وهناك شحم متعدد الاغراض وده ينفع بردوا للبلى فأنا ارشح لك عند شراء البليه تشترى من نفس التاجر شحم بلى بكده تبقى انت عملت المطلوب وزياده كمان وهناك طريقه تعلمتها فى المانيا لتركيب البلى بالتسخين ولا تقولى مكبس ولا تقول شحط البليه بتركب بدون اى اجهاد عليها

ايه موضوع التسخين ده وهل المكانيكيه عندنا لو قللنلهم عليه عرفينو وممكن الاقي ال skf في الحرفين بردو للريو بتعتي ولا ايه يعني ممكن ااقلو الموديل ولا لازم الرقم لان انا نعرفش الرقم الصراحه ويرات لو حضرتك تعرف سعرو في حدود كام تقلنا

[ahany]

زى ما الاخوة الاعضاء اشارو افضل نوع بلى هو s k f بلى يابانى محترم جدا واقرب واحد قريب ليك محل اسمة الهانى فى ش احمد زكى
انا لسة جايب بلية من عندة وجوز مساعدين خلفى ماركة k y b يابانى
وكل عام وانتم بخير

[طارق عبد السلام]

المشاركة الأصلية كتبت بواسطة محمد زكي ايه موضوع التسخين ده وهل المكانيكيه عندنا لو قللنلهم عليه عرفينو وممكن الاقي ال skf في الحرفين بردو للريو بتعتي ولا ايه يعني ممكن ااقلو الموديل ولا لازم الرقم لان انا نعرفش الرقم الصراحه ويرات لو حضرتك تعرف سعرو في حدود كام تقلنا

لا حضرتك لما بتفك البليه برقمها أو بتاخدها على بعضها لو الرقم ممسوح
وبتشتريها من محلات الرولمان بلى لان بائع قطع الغيار مايعرف عنها شىء هو بيبيع الكورى بس
يعنى حضرتك هتشتريها برقمها مش بماركه العربيه لان بائع البلى مايعرفش غير الرقم فقط
أما موضوع التسخين ده هبسطه جدا لحضرتك يعنى لو عايز تركب بليه فى الاكس بتاعها
حضرتك عارف السخان الكهرباء هتشغله وتضع البليه عليه وده للبلى الغير مغطى يعنى اللى مفيهوش شحم وده بلى 2z ,(البلى ده مش موضوعنا)
بليه العربيه بليه مكشوفه هنحطها على السخان وبعد خمس دقائق ستسخن وبكده حصل لها التمدد بالحراره هناخد البليه واحنا طبعا لابسين جوانتى حرارى وطبعا اغلب الورش مش موجود بها الجوانتى ده هيمسكها ببنزه وهيحطها فى الاكس بدون اى دق ولا شحط ولا مكبس هى هتجرى فى مكانها ويتركها لتبرد وبكده هيحدث لها الانكماش بالبروده وهترجع لمقاسها الطبيعى وهتكلبش فى الاكس بتاعها وبكده تفادينا خطوره الشحط بالدق أو المكبس
ودى طريقه تركيب رااااااااااااائعه