ايه رأيكم فى عمل فرش جلد لارضية العربية ؟ و ياترى يتكلف كام ؟

[mesho70]

المشاركة الأصلية كتبت بواسطة Limoway إيه يا جماعه الكلام ده (مع إحترامي للجميع) فرش لأرضية العربيه (جلد ومشمع) إنتم متخيلين إنكم جبتم أفكار لكماليات في العربيات أكتر من إلي شركات ضخمه زي بي إم دبليو ومرسيدس عاملالها فريق بحث كامل. لأ ونفذتوها كمان. أنا عمري ما شوفت بي إم ولا مرسيدس مفروشه أرضيه جلد ولا حتي مشمع. تفتكرو ليه؟ يمكن خايفين لا تمن العربيه يزيد فا محدش يقدر يشتريها بعد إضافة تمن المشمع لتمن العربية الأصلي يا جماعه كل المطلوب هو دواسات موكيت (وليست حتي جلد ولا كاوتش) لحماية أرضية السيارة من الأوساخ. ويمكن تحتاج كل كام سنه تغير الدواسة. وسيظل فرش الأرضية نظيف بدون أي أوساخ (وعن تجربه) حيث تمتص الدواسات الموكيت (من نوع جيد ومناسبة لأبعاد أرضية السيارة) كل الأوساخ من أتربة لطين لعصائر ..... الخ ويظل فرش أرضية السيارة نظيف لأطول فتره ممكنه. متعملوش زي الي بيجيب تلفزيون جديد فا يحط الريموت في كيس بلاستيك للحفاظ عليه. ويفضل عايش متعذب طول عمره مش شايف الزاير من الكيس. وإرسال الريموت ضعيف. وفي الاخر ينتهي العمر الإفتراضي للتلفزيون ويرمي التلفزيون والريموت بحالة المصنع. ولا الي مبيرضاش يشيل الاصق الشفاف من علي شاشة الموبايل وبيكون نصيبه زي بتاع التلفزيون. أو بيتسرق الموبيل والحرامي هو الي بيستفيد لإنو بيبيع الموبيل والشاشه بحالة المصنع. أي فرش علي أرضية السيارة من مواد غير ماصة (مشمع أو جلد) سيجعل الأتربة تتجمع علي أرضية السيارة وتصدر أصوات مشابهة لأصوات أرجل التلاميذ داخل فصل دراسي بالمرحلة الإبتدائية. ناهيك عن إذا سكب عصير مثلا علي أرضية السيارة. ستتجمع السوائل مكونة برك. مش بعيد بعد ما تركبوا مشمع تحتاجو تعملوا مزراب (زي بتاع السطوح) ويبقي كل عربيه فيها شكمان ومزراب. (فل أوبشن) الشئ الذي يعود بالنفع علي السيارة فعلا هو تغطية فرش المقاعد إذا كان من القماش بفرش جلدي. ومع ذلك أنا عربيتي فرشها قماش ومغطتهوش ولسه زي الفل. طبعا أكتر من مرة سكبت عليه عصائر بس العلم تطور والمنظفات تطورت وبقي في حاجه إسمها فوم لتنظيف الفرش زي الدراي كلين وشغال معايا زي الحلاوه. ما تشوهوش منظر سيارتكم الجديدة وإستمتعوا بها لأقصي حد. علشان ميستنفعش بيها الورثة أو الشخص إلي هيشتريها بعدكم وتطلعوا انتم من المولد بلا حمص ومينبكمش غير دفع الأقساط والديون.

والله كلان حضرتك وعرضك لوجة نظرك ممتاز
ولكن اسمحلى :-
فية قول مشهور " الحاجة ام الاختراع "
وانا فرش الجلد عملتة منذ اكثر منذ 9 سنوات بسيارتى القديمة اكسنت 2001 والسبب انى :-
- اعيش ( كما هو حال اغلب المصرين امثالى ) فى مناطق اغلب شوارعها مدقات ترابية او اصبحت كذلك بفعل عوامل التعرية الجوية
- اغلب شوارعنا فالشتاء وبمعادلة صغيرة ( تراب + مياة امطار او خلافة = طين فى وجود عامل مساعد هو اقدامنا واقدام اولادنا ) يبقى حضرتك تخيل شكل موكيت الارضية
- اقوم فالغالب بتنظيف سيارتى بنفسى واعانى من التراب على الموكيت
- كثيرا ً ما اسافر ومسافات طويلة ومع طول السفر يحلى الاكل والشرب والتسالى من لب فول سودانى وكراتية وشيبسى والاولاد ياكلون القليل والباقى تحت اقدامهم
- تنظيف الارضية الجلد يحتاج الى ( جارف صغير بفرشاة من اخوانا اصحاب الشىء لزوم الشىء ) مع قطعة قماش مبللة بالماء واحيانا صابون وتبقى الارضية فلة
- وانتظر تعقيب حضرتك

[Good09]

المشكلة فى ان الاطفال بيعملوا الواجب وزيادة فى العربية
فى مشكلة حصلت مع نسيبى انه كان شارى اكياس لبن و للاسف الكيس ماتعرفش وقع بنته فتحته
المهم على ماروح اللبن غرق موكيت العربية
جاب شوية ميه و خرقة و حاول يمسح الاثار
بعد يومين راحة عفونة شديدة وسببها اللبن مع الموكيت
الموضوع ماتحلش الا لما فك الموكيت ووداه المغسلى و نظافة كاملة لصاج العربية
و بعدين غرق العربية عطور و لما يفتكر الريحة بطنه بتنقلب
عشان كده بنسأل عن الفرش
و على العموم الفرش كده كده مش بيبان من الدواسات لكن المشكلة لو حدث كما سبق
و كمان سهولة النظافة لانى كمان من هواه تنظيف عربيتى بأعانى من الموكيت و فكرت اشترى مكنسة
فيتهيألى فرش جلد و يكون شكله كويس و مناسب هيأدى الغرض و زيادة

[EgyZizo]

عن تجربة ، الفرش الجلد فرق معايا كتير جداً جداً جداً ..
والفرش مش بيتساب عريان ، لكن برضه بيتحط فوقه دواسات ، فحكاية صوت الحصى بتاع التلاميذ مش هيحصل ، لأن الحذاء بيتعامل مع الدواسات مش مع الفرش.

[Limoway]

المشاركة الأصلية كتبت بواسطة mesho70 والله كلان حضرتك وعرضك لوجة نظرك ممتاز ولكن اسمحلى :- فية قول مشهور " الحاجة ام الاختراع " وانا فرش الجلد عملتة منذ اكثر منذ 9 سنوات بسيارتى القديمة اكسنت 2001 والسبب انى :- - اعيش ( كما هو حال اغلب المصرين امثالى ) فى مناطق اغلب شوارعها مدقات ترابية او اصبحت كذلك بفعل عوامل التعرية الجوية - اغلب شوارعنا فالشتاء وبمعادلة صغيرة ( تراب + مياة امطار او خلافة = طين فى وجود عامل مساعد هو اقدامنا واقدام اولادنا ) يبقى حضرتك تخيل شكل موكيت الارضية - اقوم فالغالب بتنظيف سيارتى بنفسى واعانى من التراب على الموكيت - كثيرا ً ما اسافر ومسافات طويلة ومع طول السفر يحلى الاكل والشرب والتسالى من لب فول سودانى وكراتية وشيبسى والاولاد ياكلون القليل والباقى تحت اقدامهم - تنظيف الارضية الجلد يحتاج الى ( جارف صغير بفرشاة من اخوانا اصحاب الشىء لزوم الشىء ) مع قطعة قماش مبللة بالماء واحيانا صابون وتبقى الارضية فلة - وانتظر تعقيب حضرتك

أنا عارف إن الظروف في مصر بتخلي العربيات تتبهدل بسرعه.
ولكن أنا مازلت عند رأي في الإستمتاع بالسلع (السيارات وغيرها) لأقصي حد ممكن.

أنا شخصيا أنظف سيارتي بنفسي
بإستخدام مكنسة كهربائية وفوم لتنظيف الأقمشة مع منظف للزجاج وصابون سائل.

وللحفاظ علي السيارة نظيفة لا أقوم بفتح النوافذ مطلقا. وأستخدم المكيف بالسيارة صيفا وشتاء. وأحاول منع الطعام داخل السيارة قدر المستطاع لأن السيارة وسيلة مواصلات وليست مطعما.

وكما ذكرت سابقا لم أفرش أرضية السيارة ولم أكسي المقاعد القماشية حتي بجلد.

وواجهت مسبقا واقعة سكب لبن داخل السيارة وفشار وبسكويت وطين بالإضافة للأتربة العادية.

وكله بيروح بالنظافة العادية.

طبعا حماية السيارة بالجلد والمشمع ليست شئ سيئ. أنا كل ما أرغب فيه هو التمتع بالأشياء لإن ماحدش ضامن عمره.

الشئ الضروري حمايته بالفعل هي حقيبة السيارة. وأنصح بالفرش الجلد للأرضية. لإنها فعلا عرضه مستمرة للأوساخ.

طبعا هذا رأي الشخصي مع إحترامي لأراء الجميع.

[مهند سالم]

المشاركة الأصلية كتبت بواسطة Limoway إيه يا جماعه الكلام ده (مع إحترامي للجميع) فرش لأرضية العربيه (جلد ومشمع) إنتم متخيلين إنكم جبتم أفكار لكماليات في العربيات أكتر من إلي شركات ضخمه زي بي إم دبليو ومرسيدس عاملالها فريق بحث كامل. لأ ونفذتوها كمان. أنا عمري ما شوفت بي إم ولا مرسيدس مفروشه أرضيه جلد ولا حتي مشمع. تفتكرو ليه؟ يمكن خايفين لا تمن العربيه يزيد فا محدش يقدر يشتريها بعد إضافة تمن المشمع لتمن العربية الأصلي يا جماعه كل المطلوب هو دواسات موكيت (وليست حتي جلد ولا كاوتش) لحماية أرضية السيارة من الأوساخ. ويمكن تحتاج كل كام سنه تغير الدواسة. وسيظل فرش الأرضية نظيف بدون أي أوساخ (وعن تجربه) حيث تمتص الدواسات الموكيت (من نوع جيد ومناسبة لأبعاد أرضية السيارة) كل الأوساخ من أتربة لطين لعصائر ..... الخ ويظل فرش أرضية السيارة نظيف لأطول فتره ممكنه. متعملوش زي الي بيجيب تلفزيون جديد فا يحط الريموت في كيس بلاستيك للحفاظ عليه. ويفضل عايش متعذب طول عمره مش شايف الزاير من الكيس. وإرسال الريموت ضعيف. وفي الاخر ينتهي العمر الإفتراضي للتلفزيون ويرمي التلفزيون والريموت بحالة المصنع. ولا الي مبيرضاش يشيل الاصق الشفاف من علي شاشة الموبايل وبيكون نصيبه زي بتاع التلفزيون. أو بيتسرق الموبيل والحرامي هو الي بيستفيد لإنو بيبيع الموبيل والشاشه بحالة المصنع. أي فرش علي أرضية السيارة من مواد غير ماصة (مشمع أو جلد) سيجعل الأتربة تتجمع علي أرضية السيارة وتصدر أصوات مشابهة لأصوات أرجل التلاميذ داخل فصل دراسي بالمرحلة الإبتدائية. ناهيك عن إذا سكب عصير مثلا علي أرضية السيارة. ستتجمع السوائل مكونة برك. مش بعيد بعد ما تركبوا مشمع تحتاجو تعملوا مزراب (زي بتاع السطوح) ويبقي كل عربيه فيها شكمان ومزراب. (فل أوبشن) الشئ الذي يعود بالنفع علي السيارة فعلا هو تغطية فرش المقاعد إذا كان من القماش بفرش جلدي. ومع ذلك أنا عربيتي فرشها قماش ومغطتهوش ولسه زي الفل. طبعا أكتر من مرة سكبت عليه عصائر بس العلم تطور والمنظفات تطورت وبقي في حاجه إسمها فوم لتنظيف الفرش زي الدراي كلين وشغال معايا زي الحلاوه. ما تشوهوش منظر سيارتكم الجديدة وإستمتعوا بها لأقصي حد. علشان ميستنفعش بيها الورثة أو الشخص إلي هيشتريها بعدكم وتطلعوا انتم من المولد بلا حمص ومينبكمش غير دفع الأقساط والديون.

طبعا مع احترامي الشديد لرأيك ، فأنا مش متفق معاك، فرش الجلد أو المشمع سهل جدا في التنظيف، سواء التنظيف بالماء أو الهواء، والبقع ما بتمسكش فيه، فهو اختيار عملي سهل طبعا أحسن ما حضرتك تفضل مانع الأكل والشرب، ومانع أي واحد يدخل العربية إلا لما ينظف الحذاء، أو تبطل تخرج في الشتا عشان لو مطرت الحذاء هيبقى متسخ ، فهيبهدل الفرش.
لو حضرتك بتتكلم عن الراحة والتمتع، يبقى أنهي أريح؟؟؟؟؟؟؟؟؟؟؟؟؟؟
وشكرا ليك