كارثة بكل المقاييس....!

[نبيل عبدالرحمن]

الواحد لازم ياخد باله من مواعيد الصيانة خاصة سير الكاتينه له عدد كيلومترات محدد لازم يتغير فيها
بس الحمد لله ربنا سترها معاك
وعلى فكرة إسلوبك الدقيق فى سرد الحكاية عجبنى أوى

[khalid awad]

أسلام عليكم
كل عام و أنتم بخير
شكرا لصاحب الموضوع على النصيحه
والسؤال عربيت حضرتك موديل 2005 عامله 32 ألف ك بس إذاى؟؟
وكمان إن كان ده صح مش بردو السير المفروض في الطبيعى يتغير على 40 ولكن إذا الواحد ال40 ها يعملها في أكثر من 3 سنين فلازم يتغير على 3 سنين حتى لو ماعملش 40 ألف إيه رأيكم في الكلام ده ؟؟
كل عام و أنتم بخير

[aymanay32]

اولا كل سنة و انت طيب
ثانيا انا اشك انه اتعمل عليك شغل فى موضوع سير الكاتينة المقطوع
ثالثا مشكلتك تقريبا حلها كان من الاول تروح تشترى بوبينة و ابلاتين و كوندنسر و تركبهم و تخلى الميكانيكى يعلى لك الكهرباء بتاعة الاسبراتير شوية
و لو تقدر تركب البوبينة الالكترونى يكون احسن و الافضل تغير مكانها من قدام المروحة الى الجهه اليسرى خلف الكربراتير

[mahmoud8]

المشاركة الأصلية كتبت بواسطة khalid awad أسلام عليكم كل عام و أنتم بخير شكرا لصاحب الموضوع على النصيحه والسؤال عربيت حضرتك موديل 2005 عامله 32 ألف ك بس إذاى؟؟ وكمان إن كان ده صح مش بردو السير المفروض في الطبيعى يتغير على 40 ولكن إذا الواحد ال40 ها يعملها في أكثر من 3 سنين فلازم يتغير على 3 سنين حتى لو ماعملش 40 ألف إيه رأيكم في الكلام ده ؟؟ كل عام و أنتم بخير

بعد السلام عليكم ....
اولا احب اسجل شكري لكل الاساتذة اللي شرفوني بالرد ع الموضوع ..
ثانيا...انا عربيتي 2005 وعاملة 32 الف ك ....
خد المفاجاة ....(((لما استلمتها كانت 27 الف بس ...وانا طحنت الخمسة الباقيين)...والسبب انها كانت مرفوعة ..او مش شغالة لان صاحبتها مكنتش مهتمة بحوار العربيات ده اصلا...
بالنسبة لحوار السير ...انا اصلا مكنتش عارف مكانه فين ...!!!!!!!كنت فاكره اللي بره ده ...الراجل ضحك وقال لا يا بيه ده جوة الموتور ... وبعد اما فكه لقيت انه عبارة عن تروس ...!ولقيت ان فيه حوال 6 تروس متاكلين تماما ...!
بالنسبة لحوار الاربعين وكدة ..انا الحقيقة معنديش فكرة عنه خالص ...
هذا والله اعلم....

[mahmoud8]

المشاركة الأصلية كتبت بواسطة aymanay32 اولا كل سنة و انت طيب ثانيا انا اشك انه اتعمل عليك شغل فى موضوع سير الكاتينة المقطوع ثالثا مشكلتك تقريبا حلها كان من الاول تروح تشترى بوبينة و ابلاتين و كوندنسر و تركبهم و تخلى الميكانيكى يعلى لك الكهرباء بتاعة الاسبراتير شوية و لو تقدر تركب البوبينة الالكترونى يكون احسن و الافضل تغير مكانها من قدام المروحة الى الجهه اليسرى خلف الكربراتير

الف شكر للاستاذ ايمن لرده ع الموضوع ...
السير يا استاذ ايمن كان فيه تروس متاكلة...حوالي 6....!
بس معرفش ليه حاسس ان الموبينة هي السبب ف كل البلاوي دي ...لان بحس انها سخنة بشكل ملحوظ....!!
وهل ينفع انها تتغير ؟؟وبكام ؟؟ومنين ؟؟ وهل ده ياثر ع الموتور ..؟وبالنسبة للموبينة الالكتروني : هل ينفع تركب عندي ؟؟ اقصد يعني عن تجربة حضرتك .؟ولا معرفة عامة؟؟
بالنسبة لنقل مكان الموبينة الحالي: انا معرفش اذا كان ينفع اولا...بس كلامك صح علي فكرة لانها بصراحة ف قدام المروحة وش..!!

حاجة اخيرة بجملة الطلبات بقي....دلوقتي بالاحظ ان الحرارة بدات تزيد عن نص العداد بشكل واضح...!! مع ان الجو دلوقتي مش حر اوي زي اول الصيف مثلا...! ومع العلم ان من حوال شهر واحد من صحابي اصدر فتوي اني لازم اروح البنزينة واعمل غسيل الردياتير..رحت زي الشاطر والراجل عنده جهاز كدة ...وشال الخرطوم اللي داخل ف الردياتير وحط اللي جاي من الجهاز...وعلي فكرة المية كانت عادية والله مش فيها صدا كتير...!وقالي احسن حاجة تحط مية خضرا ...وبصراحة مكنش معايا اموال...قلت انا اخدتها كدة وهسيبها كدة ... قالي براحتك يا استاذ....
شكر اخير للاستاذ aymanay32....انت عارف بقي انا اخوك الصغير والاطفال احباب الله...