أنا قررت أجيب سوزوكى ألتو و ربنا يستر

[norina]

المشاركة الأصلية كتبت بواسطة mahranahm المفروض انك كنتى جيبت سيتروين ولا غيرت رأيك ولو عيرى رأيك ليه قولنا عشان نستفيد انت خليتها تلعب فى دماغى السييروين

انا فعلا كنت خلاص حأجيب ستروين وفعلا روحت اتفرجت على واحده واجمعت كل البيانات اللى ممكن تنفعنى لما اشترى تاعربيه
بس الغريبه ان نفس الميكانيكى اللى قالولى عليه فى اسكندريه بيفهم فى الستروين واخدته معايا نشوف العربيه قاللى بصراحه ان الستروين ماركه متعبه فى التصليح وحتدوخنى فى قطع الغيار عشان مش حالاقيها وان احسنلى اجيب ماركه تانيه
وتقريبا كل ماكنت اقول لحد انى حأشترى سيتروين ينصحنى بلاش عشان مافيش كتير بيفهموا فى تصليحها فالصراحه خفت اجيب العربيه واتبهدل بيها خصوصا ان خبرتى فى العربيات تقريبا صفر
وعشان انا ميزانيتى ماتجبش حاجه اعلى من كد قررت اشترى جديد تقسيط عشان المقالب
وشكرا طبعا على متابعه حضرتك

[maka]

المشاركة الأصلية كتبت بواسطة norina يعنى حضرتك رأيك بجد اجيب a113 انا كمان عجبانى شكلها وامكانيتها بس الناس بتتعفرت لما تسمع صينى وكل مااسأل حد يقوللى دى ورق

طاب تتعفرت ليه و الصينى بالفعل اثبت وجوده و العربيات بقى عليها طلب و كمان ال a113 اكتر عربية انتشارا فى فئتها هى و البيكانتو بس فيه فرق سعر

و كمان تعالى نحسبها بين الالتو و a113 زيرو للاتنين

الالتو قطع غيار نادرة و بالتالى غالية ........... 113 قطع غيار منتشرة و مرطرطة و بالتالى سعرها مهاود

الالتو مش مطلوبة فبعها هيكون صعب ..........113 منتشرة و عليها طلب فبعها هيكون سهل

الالتو ضيقة شوية عن ال 113

و انا لو مكانك هاخد a 113 زيرو او لانوس مستعمل و اعرف عضوة هنا معرفة غير شخصية معها ال 113 ممكن تفيدك اكتر منى بمميزاتها و عيوبها

و ربنا يوفقك باذن الله

[maka]

المشاركة الأصلية كتبت بواسطة norina انا فعلا كنت خلاص حأجيب ستروين وفعلا روحت اتفرجت على واحده واجمعت كل البيانات اللى ممكن تنفعنى لما اشترى تاعربيه بس الغريبه ان نفس الميكانيكى اللى قالولى عليه فى اسكندريه بيفهم فى الستروين واخدته معايا نشوف العربيه قاللى بصراحه ان الستروين ماركه متعبه فى التصليح وحتدوخنى فى قطع الغيار عشان مش حالاقيها وان احسنلى اجيب ماركه تانيه وتقريبا كل ماكنت اقول لحد انى حأشترى سيتروين ينصحنى بلاش عشان مافيش كتير بيفهموا فى تصليحها فالصراحه خفت اجيب العربيه واتبهدل بيها خصوصا ان خبرتى فى العربيات تقريبا صفر وعشان انا ميزانيتى ماتجبش حاجه اعلى من كد قررت اشترى جديد تقسيط عشان المقالب وشكرا طبعا على متابعه حضرتك

فعلا انا بسمع ان الستروين قطع غيارها غالية

[mahranahm]

المشاركة الأصلية كتبت بواسطة norina انا فعلا كنت خلاص حأجيب ستروين وفعلا روحت اتفرجت على واحده واجمعت كل البيانات اللى ممكن تنفعنى لما اشترى تاعربيه بس الغريبه ان نفس الميكانيكى اللى قالولى عليه فى اسكندريه بيفهم فى الستروين واخدته معايا نشوف العربيه قاللى بصراحه ان الستروين ماركه متعبه فى التصليح وحتدوخنى فى قطع الغيار عشان مش حالاقيها وان احسنلى اجيب ماركه تانيه وتقريبا كل ماكنت اقول لحد انى حأشترى سيتروين ينصحنى بلاش عشان مافيش كتير بيفهموا فى تصليحها فالصراحه خفت اجيب العربيه واتبهدل بيها خصوصا ان خبرتى فى العربيات تقريبا صفر وعشان انا ميزانيتى ماتجبش حاجه اعلى من كد قررت اشترى جديد تقسيط عشان المقالب وشكرا طبعا على متابعه حضرتك

طيب حضرتك بالنسبى للقسط لقيتى خط سير
اصل انا تقريبا بما انك بتتكلمى فى سيتروين نفس ميزانيتى

فاذا انتى لقيتى خط سير يا ريت لو تمدينى به يمكن استفاد واغير كلامى واعمل زيك
واهو يبقى فى ميزان حسناتك

[norina]

المشاركة الأصلية كتبت بواسطة maka طاب تتعفرت ليه و الصينى بالفعل اثبت وجوده و العربيات بقى عليها طلب و كمان ال a113 اكتر عربية انتشارا فى فئتها هى و البيكانتو بس فيه فرق سعر و كمان تعالى نحسبها بين الالتو و a113 زيرو للاتنين الالتو قطع غيار نادرة و بالتالى غالية ........... 113 قطع غيار منتشرة و مرطرطة و بالتالى سعرها مهاود الالتو مش مطلوبة فبعها هيكون صعب ..........113 منتشرة و عليها طلب فبعها هيكون سهل الالتو ضيقة شوية عن ال 113 و انا لو مكانك هاخد a 113 زيرو او لانوس مستعمل و اعرف عضوة هنا معرفة غير شخصية معها ال 113 ممكن تفيدك اكتر منى بمميزاتها و عيوبها و ربنا يوفقك باذن الله

بجد شكرا جزيلا ... انشالله حأجيبها وفعلا كفايه فرق السعر مقارنه بالامكانيات