ذكرياتى مع السيارات فى هولندا

[bmkbmk]

المشاركة الأصلية كتبت بواسطة Dr. Bolbolan و بعدين يا أخ كمال انت و عم جنيدى ؟ مالكم و بتوع المنصوره اللى شبه بعض ؟؟ ptmnlo123per111 شايفنى ساحب بقره فى ايدى ولا بأقول هييييه هيييه " أبويا اتحرق ...هيه " ؟؟ ptmnlo123per195 Dr. Bolbolan ptmnlo123per1147 منصورى ابن منصورى ابن المنصوره

ههههههههههههههههههههههههه ههههههههههههههه
انا بقول برده معقول دكتور عبدالسلام لحد دلوقتى ماعلقش على النقطة دى
انا لسة واحد من اصحابى اللى من المنصورة مكلمنى فى التليفون من 5 دقايق والله وكان واحشنى جدا و بقالى مدة ماشفتوش
و طبعا اللى اقصده يا دكتور و اللى اكيد استاذ جنيدى يقصده برده فى أهل المنصورة
ان كلهم نفس طريقة الكلام و نفس بشاشة الوجه و التلقائية فى الحديث و طبعا الكثير من الذكاء و بعض الفذلكة ههههههههههههههه

و صباحك فل يا دكتور

[m.genedy]

المشاركة الأصلية كتبت بواسطة homosh بجد يا أستاذ جنيدي موضوع أكتر من رائع تقريبا مفيش حد من الاعضاء الا و متابعه ودي حاجه تحسبلك بصراحه من التشويق اللي بتعملوفينا وطريقه السرد لدرجه اني اول ما بدخل المكتب الصبح قبل ما اخد القهوه بفتح المنتدي أشوف إيه الجديد في الموضوع بتاع حضرتك ptmnlo123per171 بس واضح يا استاذ جنيدي ان في حاجتين حضرتك بتحترمهم جدا العربيه الأصيله ptmnlo123per122والست الجميله ptmnlo123per160 ههههههههه يا باشا مستنين الجديد علي نار وربنا ما يحرمنا منك ولا من مواضيعك المميزه

الف شكر لسيادتك على المتابعة
وملاحظتك فى محلها جدا
فعلا..مع اضافة بسيطة
هنا من الممكن ان تجد سيارة عادية مش اصيلة
لكن من الصعب جدا ان تجد امرأة غير جميلة.

المشاركة الأصلية كتبت بواسطة Dr. Bolbolan و بعدين يا أخ كمال انت و عم جنيدى ؟ مالكم و بتوع المنصوره اللى شبه بعض ؟؟ ptmnlo123per111 شايفنى ساحب بقره فى ايدى ولا بأقول هييييه هيييه " أبويا اتحرق ...هيه " ؟؟ ptmnlo123per195 Dr. Bolbolan ptmnlo123per1147 منصورى ابن منصورى ابن المنصوره

العفو يا دكتور عبد السلام
انا لم اقصد اى شىء يسىء لاهلنا فى المنصورة
على العكس تماما.ولو تلقى سيادتك نظرة مرة اخرى على الطريقة التى تعرفت بها على صديقى محمود لعرفت ما اقصد
هذا الرجل لم تكن بينى وبينة اى صداقة او معرفة -مجرد بنصلى فى جامع واحد وعندما علم من بعض الاخوة الذين يترددون على نفس الجامع -بأنى تعرضت لحادث وموجود فى المستشفى صمم ان يحضر لزيارتى ومن وقتها تكونت علاقة وصداقة حتى الان والحمدلله-وهو رجل بمعنى الكلمة وشخصية طيبة جدا وطيبتة بالفطرة وغير مصطنعة وماقصدتة من اسلوبة فى الكلام هو طريقة الالقاء فقط ارجوا المعذرة
ان كان حدث سوء تعبيرمني

المشاركة الأصلية كتبت بواسطة bmkbmk ههههههههههههههههههههههههه ههههههههههههههه انا بقول برده معقول دكتور عبدالسلام لحد دلوقتى ماعلقش على النقطة دى انا لسة واحد من اصحابى اللى من المنصورة مكلمنى فى التليفون من 5 دقايق والله وكان واحشنى جدا و بقالى مدة ماشفتوش و طبعا اللى اقصده يا دكتور و اللى اكيد استاذ جنيدى يقصده برده فى أهل المنصورة ان كلهم نفس طريقة الكلام و نفس بشاشة الوجه و التلقائية فى الحديث و طبعا الكثير من الذكاء و بعض الفذلكة ههههههههههههههه و صباحك فل يا دكتور

فعلا انا اقصد كدة
وكل الحب والاحترام
للمنصورة.

[m.genedy]

رد علي -الحاج احمد لالة - بطريقتة المشهور بها وهى ان يتحدث بسرعة غريبة ويلتفت فى كل اتجاة اثناء الحديث-رد علي قائلا -حبيبى محمد حبيبى فينك عاوز عربية اوك اوك عندى واحدة حلوة اوى ليك فولفو460gl-طبعا كل الكلام دة فى 3 ثوانى -
طيب يا حاج احمد بعد ما نخلص ماتش الكورة نتكلم- طبعا خلصنا فعلا الساعة ونصف كرة قدم- وقام كل واحد من السادة الحضور
بدفع مبلغ 5 ايورو لسداد قيمة تأجير الصالة...وذهبنا سويا انا مع الحاج احمد واتفقنا ان نمر على مقهى المصريين لتكملة حديثنا هناك -وبالفعل حدث -
دخلنا المقهى وجلسنا وحكيت بالتفصيل للحاج احمد ماحدث مع الستروين و-قاللى فعلا اطمئن السيارة دية هنا سهلة فى بيعها والهولنديين بيحبوها فعلا-قلت لة كلمنى عن الفولفو لانى عمرى ما ركبتها قبل كدة وبالطبع شكر فيها جدا-واتفق معي ان نذهب معا صباح اليوم التالى لمشاهدتها على الطبيعة.....وبالطبع اكملنا يومنا فى المقهى
مابين حديث عن -
سيارة ميدو الفيرارى

-التى قام الحاج احمد شخصيا بتصليحها بعد ان وقعت عليها شجرة جراء احدى العواصف وان التصليحات تكلفت 18 الف -لان التوكيل طلب وقتها 50 الف لكنة -اى الحاج احمد -عمل واجب مع ميدو

((طبعا كل عرب هولندا عرفوا بعد كدة انها اتكلفت 11 الف فقط -الا ميدو طبعا))وكان هذا الكلام يرددة الحاج احمد لاى حد يتكلم معاة وتقريبا كان بينسى انة حكاة قبل كدة وبالتالى بيعيدة وطبعا المتلقى لازم يتفاعل معاة ويسمع باهتمام وتركيز -
لو دة ماحصلش بيزعل الحاج احمد -
تانى يوم ذهبنا وشاهدت الفولفو كانت سيارة فعلا جامدة جدا وعلشان غلاوة الحاج احمد ح ادفع فقط 700 ايورو ووافقت ودفعت وكلى ثقة انى ح ابيع الستروين بسهولة - ولكن هذا لم يحدث
واخذت منى وقت طويل ولم يتصل بى احد يرغب فى شرائها-وفى نفس الوقت السيارة الفولفو لم تعجب اولادى(شكلها عواجيزى على حد قولهم)- وكانت احدى الحلول من صديقى وحبيبى -محمود عدوية -انى أأخذ السيارتين الستروين والفولفوا على اى جراج وادخلهم فى سيارة اخرى ولو هناك فروق ادفعها واخلص من المشوار دة..وبالفعل ذهبت مع -عدوية -على جراج هولندى-اسمة -toekomst-وكان جراج كبير ومشهور جدا عرضنا عليهم الامروطلبوا مننا ان نلقى نظرة على كل السيارات المعروضة وبعدان نختار -سوف يحددوا لنا الاسعار وبالفعل قمنا بأختيار سيارة ميتسوبيشى سبايس عائلية -
وكان رد المسئول عن الجراج انة سوف يقيم السيارتين الستروين والفولفو-بمبلغ 1150 ايورو(حسبتها انا ومحمود لقينا انها مناسبة جدا)
طيب عاوزين نعرف سعر -الميتسوبيشى بقى - كان ردة ان سعرها 2750 ايورو وبالتالى يجب علينا دفع الفرق لو اردنا الحصول على خدمات هذة السيارة- طبعا محمود لم يبقى هادئا وعمل المستحيل حتى هبط بالسعر الى 2250 وقتها قلت للرجل - انى سوف اترك له مقدمة -500 ايورو وغدا ان شاء الله سوف احضر الباقى-اخذت من الرجل ايصال بمبلغ ال500 ايورو -وتركت لة السيارة الستروين -وذهبنا انا وعدوية -وفجأة تذكر عدوية جراج اخر كانت تربطة علاقة قوية باصحابة وهم اشقاء عرب وبالتحديد من سوريا-وقاللى تعالى نعدى عليهم نشرب معاهم حاجة ونشوف اية الاخبار -وبالفعل ذهبنا وكان استقبالهم حار جدا وفعلا الشعب دة بيحب المصريين وبيحب طريقة كلامهم جدا
وتطرق الحديث الى اين كنا وماذا نفعل هنا وكان رد محمود الذى تطرقنا بعدة للحديث عن السيارة الميتسوبيشى السبايس العائلية وفجأة قال احدهم - نعم انا اعرف هذة السيارة وهى سيارة جيدة جدا وعائلية فعلا واحنا عندنا منها سيارتين هنا فى المعرض-نظرت لمحمود وهو كذلك وطلبنا ان نلقى عليهما نظرة وكانتا قمة فى الروعة وحالتهم ممتازة والعداد تقريبا زى السيارة اللى اخترناها من المعرض الهولندى-ولكن سعرها كان مفاجأة -حينما طلب التاجر السورى مبلغ 1650
ايورو-وقتها بحلقت لعدوية -بشوية حسرة على غيظ -(((وعاملى فيها بس ابو العريف وتاجر شاطر واسكت يامحمد وسيبنى انا اتفق)))
ازاى ياخونا 1650ايورو -وكان ردهم - الله هو كدة تؤبرنى خيي لشلوهذ الزلمة ماتصدجنى-
ياعم مصدقينك بس السعر دة لينا احنا علشان عدوية صاحبك ولا اية بالظبط -وكان ردة -اههاااا
انت يامصري عاوز تنزل من السعر -طيب شوف -السيارة هذة انا اشترتها ب1250ايورو وح اربح منكم 400 ايوروواهلا وسهلا فيكن !!!
يا نهارى دة احنا اتضحك علينا بقى-طبعا محمود كان بداء يطلع نار من ودنة(طبعا صورتة ح تتهز امامى)ولقيتة فجاة بيقوللى يالا بيننا--على فين ياعمي -قاللى لازم نرجع فلوسنا من الجراج الهولندى ودلوقتى حالا-عندما عرف السوريين اننا تعاملنا مع جراجtoekomst-حذرونا منهم
واخبرونا انة ليس بالسهولة ان نرجع عن الاتفاق--ولكن طبعا محمود كان لة وجهه نظر اخرى -خاصا وان محمود الله واكبر علية وزنة حوالى 200 ك جرام وطولة حوالى متر 90 يعنى حاجة تطمن وغير كدة وكدة فهو اجنبى يعنى شعرة اسود يعنى ح يتعملة الف حساب--
ودعنا السوريين وشكرناهم على حسن الاستقبال واتفقنا ان نعود اليهم بعد الانتهاء من حل المشكلة مع جراج toekomstوعدنا الى الجراج الهولندى وجدنا الرجل الذى ساعدنا اول مرة
واخبرناة اننا لا نريد اتمام الصفقة-ونريد استرداد سيارتنا الستروين وال 500 ايورو وكان ردة المبدائى-انة لا يفهم ما نقصدة وهنا ازاحنى محمود عدوية جانبا وراح رازع على المكتب بكف يدة ونظر للرجل قائلا - هات الفلوس حالا والسيارة الستروين والا فسوف تندم على اضاعتك لوقتنا--
طبعا انا فى الوقت دة كان ريقى خلاص نشف ولكن الرجل الهولندى -نظر مبتسما لمحمود عدوية ابتسامة رقيقة وقال لة -كما تحب - ولكن يجب ان تجلس اولا ونتحدث بهدوء-محمود نظر للرجل نظرة -امير الانتقام -وهم بالجلوس وهو ينظر لي انا نظرة -بتقول مش قلت لك سيبنى انا اتصرف-
يادوبك مافيش دقيقتين ووجدنا ثلاث دبابات بشرية يدخلون المكتب..طبعا تبدل الحال بعدها ووجدت نبرات صوت عدوية اصبحت اهداء كثيرا والاسلوب الرقيق من الرجل الهولندى ذهب مع الريح وامتنع عن الرجوع فى الاتفاق الا فى حالة واحدة فقط الا وهى ان اخسر ال500 ايورو المقدم -وهو ما حاول عدوية الاعتراض علية وهم واقفا ولاول مرة كنت اشوف محمود عدوية (قصير)

وهو واقف بجانب الثلاث دبابات بشرية والذين لم ينطقوا بكلمة واحدة فقط يتابعون الحديث--وقتها تحدث لي عدوية بالعربى وقاللى اعمل نفسك بتكلم اى حد واتصل باصحابنا فى المقهى المصريين وقول لهم اننا بنتخانق!!

يتبع

<!-- / message --><!-- sig -->

[homosh]

غريبه جدا؟؟!!
السوريين اللي في أوروبا محترمين ومؤدبين!!!!!!!ptmnlo123pe r1127
أمال هما ليه هنا في الخليج عاملين كده ؟؟ دول هنا علي النقيض تماما ولا إيه يا كيمو؟؟

[m.genedy]

بالطبع لم انصت لكلام -عدوية - خاصا وانة كان واضح علية التوتر وبداء يعرق رغم البرد()
ولو انا اتصلت وقلت اننا بنتخانق عقبال ما يجمعوا نفسهم وييجوا ح نكون اتروقنا وعليها نظرت لة وانا مكشر وقلت لة انت بقى تسكت خالص وسيبنى اتصرف -مانطقش بصراحة -اول مرة -يعملها-
قلت لة ادينى رقم تليفون الجماعة السوريين اصحابك اللى كنا عندهم -لقيتة ابتسم اخيرا وفى لحظة كان اعطانى رقمهم واتصلت بهم وبلغتهم ان محمود عدوية بيتضرب وياريت يلحقونا..وفى خلال 10 دقائق قضيناها مع المسئول عن المعرض فى محاولات فاشلة لاسترجاع فلوسنا-لكن طبعا باسلوب هادىء ومحترم مننا طبعا لا فى زعيق ولا خبط على المكتب بعدها-وجدنا--صديق عدوية السورى واسمة (موفق) وشقيقاة مش فاكر اسمائهم لكن كان فيهم واحد برضة دبابة بشرية-ومعاهم كل الناس اللى شغالين فى المعرض تقريبا موجودين فى المعرض الهولندى -طبعا وقتها ردت الروح فى جسد عدوية وقام وقف وفرد صدرة بطريقة مستفزة والغريب اننا وجدنا ان صاحب المعرض الهولندى قام ورحب -بموفق - السورى-سلامات فينك ماحدش بيشوفك كل دة وانا وعدوية بنترقب الموقف والثلاث دبابات البشرية واقفة على جنب واخوات -موفق- والشغيلة بتوعة واقفين برة-لكن بصراحة محمود عدوية عاجل موفق وسألة هو انت تعرفة -دة عمل معانا كذا وكذا وكذا -طبعا الهولندى يترقب الحوار ولا يفهم منة شيئا _وبعد انتهاء الحوار بين عدوية وموفق السورى -قام الهولندى وسأل موفق -انت تعرفه -

قالة طبعا دة من اصدقائى ولازم نوصل لحل فى هذة المشكلة---سمع موفق الحكاية مرة اخرى من الهولندى..الذى طلب ايضا من -موفق - ان يصرف من معة وكذلك فعل ايضا الهولندى وانصرفت الثلاث دبابات بشرية وعدوية ينظر لهم بكل ثقةوتوصلنا لحل ان ادفع فقط نصف المبلغ المتبقى والذى كان يقدر ب650-ويبقى كدة الرجل عمل معانا واجب علشان طلعنا معرفة -الرجل السورى-لكن دة مايمنعش ان فعلا موفق السورى -حذر الرجل الهولندى ان يقوم بعمل اى شىء احمق مع عدوية -لانة وحسب قولة -الرجل دة خطر - (عدوية يعنى)طبعا اللى يشوف عدوية فى الموقف دة تقريبا -خس 25 ك -ماعلينا- وافقناودفع موفق السورى المبلغ من عندة
وتركنا السيارة الثانية الفولفو واخذنا الميتسوبيشى وانصرفنا- ونحن نردد الشهادتين.
.
اول ماخرجنا لقيت عدوية بيكلمنى بعصبية وبيقوللى -لية كدة بس لية تتصل بموفق وتخللية يسيب شغلة ويعطل حياتة ((الله مانت عارف ياعدوية))ماعلينا عديها دية !!((طبعا هو بيقول كدة وكدة قدام موفق السورى خاصا انة كان فرحان اوى لما عرف انى ح اتصل بية وفرح اكتر لما شافة قدامة))
رديت علية وفهمتة انى لو كنت اتصلت بالناس فى القهوة كانوا ح ييجوا يلاقونا اتعجنا اصلا وبعدين انت ياعدوية مين قالك
تتنرفز على الناس وتهددها وتخبط على المكتب--قاللى انا كنت بخوفهم لكن طلعوا مابيخافوش وانا اللى خفت -يالا عدت على خير -بس الجراج دة بقى اللى اسمة toekomst انا مش ح اعتبة تانى ولا ح انفعهم ابدا ((على فكرة هذة كانت المرة الاولى لي ولعدوية ان ندخل هذا الجراج اصلا ))
قدرت فى الحقيقة موقف عدوية ولحظات الرعب اللى عشناها--ودة مايمنعش ان موفق السورى مسك عدوية تقطيع وضحك طول الوقت وانا بصراحة مش قادر امسك نفسى
بعدها ودعنا موفق وذهبنا فى طريقنا وكان يجلس بجانبى -عدوية - ومريح على الاخر ووصلنا عند منزلة وقبل ان ينزل من السيارة -قاللى -بقولك اية يا محمد
مش عاوزين اى حد من اصحابنا يعرفوا اى حاجة عن اللى حصل ()رديت علية وقلت لة عيب ياعدوية -سرك فى بير- وقتها انفجر فية -قاللى لا والنبى حوش ياجن حوش -بتكلمنى كأنك ضربتلك اتنين تلاتة خلاص ياعدوية اهداء وانا مش ح اجيب سيرة لحد تركتة على وعد ان نتقابل فى المساء لنذهب سويا الى المقهى المصرية -للبحث عن بعض الترفية -
المسافة بين بيتى وبيت عدوية مش كبيرة حوالى 2 كم بصراحة انا من ساعة ما مشيت من عندة لغاية ماوصلت البيت عندى وانا بضحك-عدوية صعب علية صحيح لانة حاسس ان صورتة اتهزت--لكن كل ما اتذكر ملامح وجهه افطس من الضحك وكل ما اتذكر الاختلاف الرهيب فى نبرات صوتة قبل وبعد افطس من الضحك--وصلت الى منزلى واخذت اولادى ليشاهدوا السيارة الجديدة-واخدنا لفة بيها او اخدنا زيرو على رأى اخواننا الاسكندرانية وطبعا اثناء اللفة كنت حكيت لاولادى اللى حصلماقدرتش ماحكيش بصراحة..
فى المساء وفى الموعد المحدد ذهبت الى عدوية كما هو الاتفاق وجدتة فى انتظارى -حالق دقنة ومروق-ونحن فى طريقنا الى المقهى المصرى

سألنى كيف هى السيارة وشكرت لة فيها جدا
وابلغتة انها نالت اعجاب اولادى--ذكرنى عدوية مرة اخرى ان لا نتحدث فيما حدث فى الجراج-وصلنا عند المقهى وبصعوبة وجدنا باركينج..برغم ان الباركينج مدفوع الاجر والساعة الواحدة انتظار قيمتها حوالى 3 ايورو وهذا النظام الملعون معمول بة فى معظم شوارع امستردام ولكن فى مناطق وسط البلد تكون التعريفة اعلى وتصل الى 6 ايورو فى الساعة وفى المناطق السكنية 3 ايورو فقط هذا كل يوم ماعدا يوم الاحد تكون مجانا ولكن باقى الاسبوع بداية من الساعة 9 صباحا وحتى 12 مساء لازم تدفع والا ... غرامة وممكن الونش ييجى كمان -المهم دفعنا ودخلنا المقهى ولسة يادوبك بنرمى السلام وفوجئنا بنوبة ضحك من كل اللى جالسين فى المقهى
يتبع