ظبط زوايا بالكمبيوتر

[screamseko]

لا مش لازم لانه مبيجيش جمب الكوبلن وهو بيظبط

[Felefel Ahmed]

السلام عليكم
الحمد لله علي انك اطمنت علي عربيتك وعلمت علي الصنيعي الضايع ده

ظبط الزوايا لازم يكون بصفة دوريه
ظبط زوايا عموما لازم توصل ل التالي
1) الأربع عجلات لازم يكونوا على ميه واحده (مستوى واحد) لو حدفه أو رجه ترجعله
2) ممكن تكون عجله خلفى أو أمامي معوجه 4 ملي - ده يخلى العربيه تحدف الحل تتعدل على زرجينه
3) الدركسيون يكون فى النص 100% مع النصف بتاع محور العجل
يعنى وأنت ماشى دوغري لازم الدركسيون يكون فى النص بالظبط
4) ممكن تكون العربيه مش بتحدف وولا أي حاجه بس لما تظبط زوايا تلاقى عجل الأمام مرحل مع بعض = العجل يتاكل والعربيه مفيهاش حاجه
الحل الوحيد ظبط زوايا
5) ممكن تكون العربيه مش بتحدف وأنت سايب الدركسيون (لازم تجربها مع كبسه بنزين) وديه أفضل طريقه للأختبار (سيب الدركسيون وكيك البنزين ) وركز مع الدركسيون وحركنه ومكان العربيه على الطريق
أي حركه يمين أو شمال تجري تظبط زوايا على طول علشان تحافظ علي الكاوتش
6) يفضل مع ظبط الزوايا انك تاخد وصل (لو بنزينه) أو ورقه مكتوبه لو ورشه , مع التأكيد على الصنيعي حتى لو عن طريق الهزار (لو فيها أي حاجه لاحظتها وأنا ماشى هرجعلك)

[MR speed]

المشاركة الأصلية كتبت بواسطة tonsy1979 روح لبريدجستون اللى فى ش مراد فى الجيزة الجهاز اللى عنده تحفة وب 50ج

انا برحلهم على طول الناس هناك كويسة وفاهمين هما بيعملوا ايه

[السهم الاسمر]

المشاركة الأصلية كتبت بواسطة dr_eslam_66 عارف أنا تقريبا حصلي شبه كدة. كنت رايح أشيك على رجة في العربية قالولي قواعد ماتور غيرت تلاتة الي كانوا بايظين وسيبت الي كان فيها الرمق المهم الرجة مارحيتش رجعتله قالي غير الرابعة غيرتها وبردو الرجة لسة ماراحتشي سيبته وروحت لواحد تاني عاد تربيط وكله بقى تامام بس كنت متأكد إني لو رجعتله كان هيقولي غير الماتور. الغبي غبي لو عملتله إييييه. إستعوض ربنا وروح لحد فاهم من الأ,ل بدل ماتقعد تجرب.

السلام عليكم ورحمته وبركاته
اخى العزيز ـ انا حصلى كده اول ما جبت الفيرنا وكنت كل شويه فى التوكيل علشان ظبط الزوايا لمدة عامين وبالصدفة رحة لتوكيل بريدجيستون بتاع الكاوتش فى عمارات العبور ( 1 ) فى مدينة نصر علشان ازود الكاوتش لقية عنده جهاز كمبيوتر للزوايا وظبط عنده و من يومها العربيه زى الفل لايمين ولاشمال روح عنده (40 جنيه امامى وخلفى )

[momen_bondok]

المشاركة الأصلية كتبت بواسطة sherif fersh فى بنزينة فى ميدان الاسماعيلية فيها واحد بتاع زوايا بس دكتووووور روح و مش هاتندم و بالتوفيق `

انا روحت النهاردة البنزينة اللى فى ميدان الاسماعلية
بس للاسف قالولى إنهم شالو مقاسات ال 127 و ال 128
فية حد كويس تانى