ارجو المساعده للعربيه ايبيزا 94

[NENO_Ibiza]

السلام عليكم

لاحلى موقع فى الشرق الاوسط بجد مش مجامله انا لفيت ورحت وجيت ما لقيت احى من هنا

انا عاوز اعرف شويه حاجات مع انى توسعت جامد من الخبرة الى استفدتها من عمالقه الموقع فى السيات ابيزا

لاكن انا داخل على موضوع جديد بالنسبالى وهو شراء عربيه ptmnlo123per154

فا عاوز اعرف شويه حاجات اساسيه ان شاء الله امشى عليه لشراء عربيه فى الجون

وانا استافدت شويه من محمد ابيزا وعلى غم ذالك عملت ايميلى يشبهلو ههههههههه ptmnlo123per171

وانا عاوز اشترى عربيه بس مش بصراحه مش عاوز اشترى عربيه تصرفنى كل الى وراى والى قدامى وخايف البس فى الحيط بصراحه لان انا على طول بلبس فى الحيط فى الموبايلات وكدة بس دى هينه لاكن لو فى عربيه هتكون كبيرة شويتين

ارجو من كل من لديه خبرة فى السيات ابيزا يفدنى وايه الحاجات الى اكشف عليها وعند مين ولو فى مضايقه منى ليكم انى لو حبيت اشترى عربيه استعين بخبراء ال ابيزا هنا فى الموقع ptmnlo123per1127
وياريت ما اكونش تقلت عليكم وتقبلونى صديق جديد

[mohamed ibiza]

اهلا بيك في مصر موتورز

بص يا باشا الابيزا مبدئيا عربية ممتازة عن تجربة الكلام ده و الابيزا بالنسبة للشراء شأنها شأن اي عربية في الكشف عليها هتاخد معاك 2 سمكري و ميكانيكي سمكري يبص علي الاحواض و القوايم و الصاج عموما كرتيرات عتب ابواب رفارف يشوف لو كانوا سولام ولا كانوا مفرومين قبل كده يشوف فيها بارومه ولا لا يعني حالة الصاج عموما

اما الميكانيكي يكشف موتور و شاسيه و عفشه و فتيس و يشوف العربية نضيفة ولا لا و الموتور يا ريت تقيس الكبس بتاعه في اي بنزينة فيها جهاز قياس كبس المحرك عشان تعرف بيدي بنسبة كام %

العفشه حاجتها كلها متوفرة مش غالية و مش رخيصة متوسطه بس حاجات اعتمادية و بتعيش جدا جدا جدا و دي يتكشف عليها عند عفشجي و ليكن مصطفي الباشا في البحر الاعظم ممتاز ممتاز ممتاز

و يا ريت تقولي اسئلة محددة انا مش مكسل اكتب بالعكس انا بس عايز اعرف تساؤلات محددة ارد عليها لان الموضوع متشعب اوي و يا ريت تقول انت ساكن فين و ادامك عربية ولا لا عشان انا هخلص امتحانات 17/6 لو اتمكنا اننا نتقابل و توفر علي نفسك الارف و اشوف العربية معاك و اجربها يبقي قصرت عليك مسافة كبيرة و نكشف عليها برضه بس انا حافظها و عارف كل اللي فيها و الحمد لله فا اعتقد اني هقدر اسد في الموضوع ده

انا قلتلك شوية اساسيات تمام كده الميكانيكا يفضل انك تكشف عليها عند محمد سمير ورا حديقة بدر في جسر السويس يا اما عند ماستر فولكس هنا في الهرم بس دول كشف و بس متصلحش عندهم اظن قصدي واضح تمام

يعني الموضوع سهل و بسيط و يا ريت تقول معاك كام و عايز اداء عالي ولا هتكتفي بأداء الستوك عشان تعديلات الابيزا كلها سهلة و معروفة زيها زي الجولف و ممكن نقلبهالك طيارة بجناحين بس كله حسب امكانياتك

[NENO_Ibiza]

اشطا عليك يا مان ودة شرف ليه والله انك تكون معايا
وانا مش مستعجل وممكن استناك لما تخلص انا مش عاوز اتلسع وعاوز عربيه فى الروس يعنى احنا الى نظبطها نجبها فاضيه ونظبط على قد المستطاع

وانا رقمى 0102782390
والمبلغ مش كتير يعنى اخرى 35
وكان فى عربيه قدامى كانت مجبطه بش عاوزة شويه سمكرة وموديل 89 وكان طالب 34 وانا مستغليهم علشان لسه فيها شغل

وانا من حدائق القبه او تفصيلا من الاميريه

[mohamed ibiza]

المشاركة الأصلية كتبت بواسطة NENO_Ibiza اشطا عليك يا مان ودة شرف ليه والله انك تكون معايا وانا مش مستعجل وممكن استناك لما تخلص انا مش عاوز اتلسع وعاوز عربيه فى الروس يعنى احنا الى نظبطها نجبها فاضيه ونظبط على قد المستطاع وانا رقمى 0102782390 والمبلغ مش كتير يعنى اخرى 35 وكان فى عربيه قدامى كانت مجبطه بش عاوزة شويه سمكرة وموديل 89 وكان طالب 34 وانا مستغليهم علشان لسه فيها شغل وانا من حدائق القبه او تفصيلا من الاميريه

يا باشا ربنا يخليك

مفيش مشاكل ان شاء الله لما اخلص نظبط اعملي ادد علي الماسنجر لو عايز masterpeace_18@hotmail.co m

و قول كل اللي انت عاوزه

[NENO_Ibiza]

احلى ادد فى الدنيا لمحمد ابيزا وربنا يخليك لين وتوفق فى امتحاناتك ان شاء الله

انا الحمد لله لسه مخلص وربنا يستر فى النتيجه