مشكله فى ابيزا 94

[mohamed ibiza]

المشاركة الأصلية كتبت بواسطة moonsun الف الف الف شكر على الرد انا روحت للميكانيكى عشان بتقطع على الخامس بس قبل ما يجرب ضغط هوا فى الكربراتير المشكله و احنا بنجرب راحت بس تانى يوم كنت على الدائرى ظهرت تانى بعد الميه و عشرين العيب يروح و على فكرة يظهر بعد ما امشى شويا على الخامس او بعد ما امشى على الرابه شويا و اجيب خامس و انا كنت مغير الكربراتير مش عارف يمكن سلك بوجيهات مثلا و ازاى اعرف ان الكربراتير اللى انا جبته نضيف و كان عندى سوال عن العفشه لو القطمه مش سليمه و بليه الدركسيون الاعراض ايه و شكرا و حياك الله و بياك

بص بالنسبة للكربراتير اي ميكانيكي شاطر هيعرف حالته او توديها لواحد متخصص كربراتيرات فقط !

و لو الكربراتير فيه عيب هيبقي في البيكات او البوابات و اعتقد ان ممكن يكون عندك عيب في بوابه السرعة لان انت بتقول انها بتظهر معاك في السرعات رابع و خامس و بعد 120 فا ممكن يكون البوابه بايظه

لو حابب تروح للميكانيكي بتاعي قولي و انا اوصفلك مكانه و تكلمني و انت عنده اوصيه و ان شاء الله هيجبلك فيها من الاخر هو شاطر اوي ما شاء الله و ظبطلي العربية جامد !

عموما لو اي جزء في منظومة الاسكاترا من اول البارات الداخليه او الخارجيه و صليبة العمود و القطمه هتحس بتقل جامد في الدركسيون و تخبيط في الدركسيون نفسه في اي مطب و تحس انها مغربله شوية في السرعه بالذات

قولي ايه اللي بتحس بيه عندك و انا ان شاء الله اقولك فيها ايه

و اكشف علي سلوك البوجيهات و مشط الموبينا و الضفيره بتاعته و الشاكوش ممكن اي قطع او تهريب في سلك من سلوك البوجيهات او ضفيرة المشط يهرب كهربا و يخليها تعمل كده

[moonsun]

المشاركة الأصلية كتبت بواسطة mohamed ibiza بص بالنسبة للكربراتير اي ميكانيكي شاطر هيعرف حالته او توديها لواحد متخصص كربراتيرات فقط ! و لو الكربراتير فيه عيب هيبقي في البيكات او البوابات و اعتقد ان ممكن يكون عندك عيب في بوابه السرعة لان انت بتقول انها بتظهر معاك في السرعات رابع و خامس و بعد 120 فا ممكن يكون البوابه بايظه لو حابب تروح للميكانيكي بتاعي قولي و انا اوصفلك مكانه و تكلمني و انت عنده اوصيه و ان شاء الله هيجبلك فيها من الاخر هو شاطر اوي ما شاء الله و ظبطلي العربية جامد ! عموما لو اي جزء في منظومة الاسكاترا من اول البارات الداخليه او الخارجيه و صليبة العمود و القطمه هتحس بتقل جامد في الدركسيون و تخبيط في الدركسيون نفسه في اي مطب و تحس انها مغربله شوية في السرعه بالذات قولي ايه اللي بتحس بيه عندك و انا ان شاء الله اقولك فيها ايه و اكشف علي سلوك البوجيهات و مشط الموبينا و الضفيره بتاعته و الشاكوش ممكن اي قطع او تهريب في سلك من سلوك البوجيهات او ضفيرة المشط يهرب كهربا و يخليها تعمل كده

السلام عليكم

اولا شكرا الله يرزقك با الفردوس ان شاء الله على المساعدة انا هشوف اللى حضرتك بتقول عليه كله بس هل فعلا سلك البوجيه ممكن يعمل كدة فى التقطيع مع دوس البنزبن و العربيه مشيا لانها و هيا واقفه مفيش تقطيع ثانيا انا فعلا بعد 90 فى رجرجه فى الدركسيون بس مش رجرجه جمدة كان الاول عندى العربيه فى السريع ولا تحس با اى شىء فى الدركسيون بس دلوقتى فى رجرجه هل البليه بس ولا القطمه كمان و ياريت لو حضرتك تقولى على اسم ميكنيكى جامد فى الهرم انا اسمع ان فى واحد جامد جدا جدا جدا خاص بى المانى بولو ابيزا جولف عندى مريوطيه هرم عند طلعت الدائرى بس مش عارف اوصلو تعرف الميكانيكى دة و لو تعرف واحد جامد فى الهرم مثلا لك جزيل الشكر و على فكرة اللى بتعمله دة اخونا محمد له جزاء كبير اوى اوى بس اخلص النيه لانك ممكن تاخذا حسنات رهيبه ان شاء الله و ربنا يكرمك السلام عليكم

[mohamed ibiza]

المشاركة الأصلية كتبت بواسطة moonsun السلام عليكم اولا شكرا الله يرزقك با الفردوس ان شاء الله على المساعدة انا هشوف اللى حضرتك بتقول عليه كله بس هل فعلا سلك البوجيه ممكن يعمل كدة فى التقطيع مع دوس البنزبن و العربيه مشيا لانها و هيا واقفه مفيش تقطيع ثانيا انا فعلا بعد 90 فى رجرجه فى الدركسيون بس مش رجرجه جمدة كان الاول عندى العربيه فى السريع ولا تحس با اى شىء فى الدركسيون بس دلوقتى فى رجرجه هل البليه بس ولا القطمه كمان و ياريت لو حضرتك تقولى على اسم ميكنيكى جامد فى الهرم انا اسمع ان فى واحد جامد جدا جدا جدا خاص بى المانى بولو ابيزا جولف عندى مريوطيه هرم عند طلعت الدائرى بس مش عارف اوصلو تعرف الميكانيكى دة و لو تعرف واحد جامد فى الهرم مثلا لك جزيل الشكر و على فكرة اللى بتعمله دة اخونا محمد له جزاء كبير اوى اوى بس اخلص النيه لانك ممكن تاخذا حسنات رهيبه ان شاء الله و ربنا يكرمك السلام عليكم

لا شكر علي واجب يا باشا

بالنسبة لرجرجه الدركسيون يا باشا ده ترصيص لما بتحس برجرجه في سرعة معينه و بعدها او قبلها تختفي ده يبقي ترصيص روح رصص العجل عند واحد كويس اقل حاجة ترصص العجل الامامي لكن انا بفضل الاربعه يترصصوا و هتلاقيها اختفت ان شاء الله

سيبك من اللي انت سمعت عنه في المريوطيه انا ساكن جنبهم و حافظهم ده عشان انا مجربهم و عارفهم فا ابعد عنهم تماما عشان مش مظبوطين

لو عايز حد مضمون اركب كوبري فيصل و انزل و امشي شوية كده و علي ايدك اليمين هتلاقي محل كبير كده بتاع ملابس واخد ناصيه اسمه جولدن مان الشارع اللي علي ناصيته جولدن مان ده خش فيه و امشي لجوا لحد ما هتلاقي علي يمينك ورشه طويله لجوا كده اسأل علي الاسطي طارق دي ورشته بس متروحش بدري يعني روحله في حدود الساعة 1-2 الضهر كده و قوله انا من طرف محمد اللي معاه الابيزا الفيراني و المرسيدس ال 280 الزيتي بتاعت والده و هو هيظبطك و هيظبطلك العربية و لو عربيتك طلعت محتاجه قطع غيار او كده هناك في جنبه واحد بتاع فولكس و سيات استيراد انا شخصيا جبت منه قبل كده طارق هو اللي جابلي منه حاجات و ركبها و الحمد لله طلعت من عنده زي الفل و الجديد فيه فتح الباب في فيصل هو هيوصفهولك لو احتجت حاجة يعني و انت لو عارف ان عندك حاجة معينه و عايز تعملها خد حاجتك معاك و قوله عليها و خليه يجرب العربية و يقولك علي كل اللي فيها و متستغربش لو طلعلك عيب انت مكنتش حاطه في دماغك او معتقد انه سليم لانها حصلت معايا و مكنتش مقتنع بكلامه و العيب كان طقم دبرياج و لما جبت الجديد و فكينا الطقم القديم طلع مفروم مش مجرد خلصان !

يا باشا الاجر عند الله و الحمد لله الكل عارفني انا مبعملش ده بحثا عن فلوس او حاجة تانيه ربنا غانيني من عنده الحمد لله و يا رب ربنا يستجيب لدعوتك و اخد الحسنات الكتير دي ptmnlo123per122

[fadynabil]

علي فكره أنا حصل معايا موقف من قريب وموضوع تقطيع كده وكان سببه العلبه الخلفيه للشكمان ،،، كان مكتومه و بتخلي العربيه بتقطع عي سرعات فوق ٩٠ بس قبل كده ماكنتش بتقطع

وأعتقد إن السبب إن في السعه دي العزم بيبقي ضغيف والشكمان كأنه مسدود بأيدك فبالتالي العربيه بيتكون مكتومه ومش بتخرج العادم بطريقة مظبوطه

[mohamed ibiza]

المشاركة الأصلية كتبت بواسطة fadynabil علي فكره أنا حصل معايا موقف من قريب وموضوع تقطيع كده وكان سببه العلبه الخلفيه للشكمان ،،، كان مكتومه و بتخلي العربيه بتقطع عي سرعات فوق ٩٠ بس قبل كده ماكنتش بتقطع وأعتقد إن السبب إن في السعه دي العزم بيبقي ضغيف والشكمان كأنه مسدود بأيدك فبالتالي العربيه بيتكون مكتومه ومش بتخرج العادم بطريقة مظبوطه

ممكن يا فادي بس كده العلبة مكتومة جدا لدرجة ان العادم مش بيخرج منه غير نسبه بسيطة !