أرجو المساعدة بخصوص شراء عربية

[djbondok]

السلام عليكم ورحمة الله وبركاته
بعد التحية
---

يا ريت يا جماعة تساعدوني، لأني هشتري أول عربية ليه،
ومعنديش خبرة كافية
فحبيت أعرف من اهل الخبرة، لأنكم ما شاءالله عليكوا عارفين كل المعلومات عن السيارات،
ربنا يزيدكوا من علمه

وانا قدامي عربية سيات ابيزا موديل 1998 - 1400سي سي والعربية متجنطة وسعرها تحفة 2500 الف جنيه، بس محتاجة ماتور جديد،
فـ ياريت تقوليلي اخدها واجبلها ماتور جديد ولا أصرف نظر عنها واشوف عربية تانية.
ولكم جزيل الشكر والتقدير

[omarsami2009]

طب هوا الماتور فيه ايه

[hazem_khidr]

بص حضرتك هو كده تمنها مش تجفه ولا حاجه
لانك لما تجيبها حتصرف عليها اقل واجب 5000 جنيه علي ما تشتري الموتور و ترخصه
يعني وصلت لل 30 الف
ممكن حضرتك تبص علي ابيزا نضيفه بالمبلغ دا او تشوف سويفت او اكسيل
لان معني ان عربيه 98 و الماني عاوزه تغير الموتور يبقي كده العربيه دي متهانه الي اقصي حد
في الصالون و العفشه و الصاج و الاساسيات كمان

[djbondok]

المشاركة الأصلية كتبت بواسطة omarsami2009 طب هوا الماتور فيه ايه

الماتور بايظ خالص وبيدخن وحالته منيلة بنيلة
ولازم ماتور جديد.
تسلم يا غالي لأهتمامك بالرد، نورتني

[djbondok]

المشاركة الأصلية كتبت بواسطة hazem_khidr بص حضرتك هو كده تمنها مش تجفه ولا حاجه لانك لما تجيبها حتصرف عليها اقل واجب 5000 جنيه علي ما تشتري الموتور و ترخصه يعني وصلت لل 30 الف ممكن حضرتك تبص علي ابيزا نضيفه بالمبلغ دا او تشوف سويفت او اكسيل لان معني ان عربيه 98 و الماني عاوزه تغير الموتور يبقي كده العربيه دي متهانه الي اقصي حد في الصالون و العفشه و الصاج و الاساسيات كمان

معاك حق يا أستاذ حازم العربية فعلاً محتاجة شغل كتير
وانا لما نزلت الموضوع مكنتش لسه شوفتها، لكن !
بعد ما شوفتها لقيت العربية محتاجة شغل كتير، ptmnlo123per111
وصرفت نظر عنها نهائيptmnlo123per193
وعلى فكرة صاحبها نزل ثمن الماتور منها يعني وقفت على 21500،
وكده اظن ان سعرها معقول شوية ده بالنسبة لو تاجر أخذها وشدها من الألف للياء،
لحد ما تبقى عروسة من جديد
لكن واحد مثلي صعب يصبر كل الوقت ده عليها.

وتاني يوم الحمد الله لقيت عربية ابيزا (1994-1300 سي سي)
حالتها إلى حد ما كويسة
وشكلها لذيذ وبسعر 26500،
وهتبقى عروسة لو صرفت عليها الف جنيه كمان،
قولي مبروك بقى
ربنا يجعلها قدم خيرعليه - أن شاء الله
وبشكرك جدًا على أهتمامك بالرد في موضوعي
ونصحتك ليه،
وبشكر كل المشرفين الموجودين لخدمة الأعضاء.
*-*-*-*

تسلم يا غالي وربنا يكرمك بأذن الله
وتبقى مشرف عام على الموقع في أقرب وقت
ptmnlo123per133