مواصفات سيات ليون الموجودة فى مصر seat lion

[حسونه حسونه]

سوال مهم جدا أخى اتش
هل صحيح مشكلة الجير بوكس ... دى
وطرمبة البنزين وتقطيع العربيه عشان جودة البنزين بتاع مصر لان العربيه مش واخده على البنزين الحلو بتاعنا ده
لانى دخلت على جروب سيات ليون على الفيس بوك
ولقيت ناس من الاونرز للعربيه بيشتكو من نفس المشكلتين
تقطيع العربيه بسبب طرمبة البنزين .. ومشكلة الجير بوكس .
.وعاملين تجمع وهيروحو smg لحل المشكله دى
ياريت تفيدنى لو عندك اى خلفية او واجهت معاها اى من المشاكل ديا سواء تقطيع عربيه او واجهتك اى مشااكل مع الجير بوكس
لانى اشتريت العربيه خلاص

[فاطومه المصريه]

شكرا على الوصف ptmnlo123per112

[Etsh]

السلام عليكم جميعا
شوفوا ياجماعة أولا محدش قال أن مافيش عربيه مافيهاش عيب أصل الفيرارى ليها مشاكل .....الليون مش هايكون ليها عيب ....؟؟؟؟ المسالة أن العربيه مالهاش كتير فى مصر عشان كده أنا كنت بسأل الناس اللى عندهم العربيه دى بره مصر ...و مافيش مخلوق ذكر أى من المشكلتين لا طرمبه و لا جير بوكس....بس أنا ليل تحليلين

أولا مشكلة الجير ....طبعا معظم البشر اللى أقتنت العربيه شباب جيبها عشان الفحت و الردم و الشد و اللذى منه و أنا من الناس دى بس أنا ماشفتش مشكله فى الجير حت الأن نهائيا....بس ناس كتير مش فاهمه أيه قصة اشورت جير و الناقل السريع للحركة يعنى أنت لما تيجى تنقل مسافة النقل صغير و قصيرة جدا بالشكا اللى يخليك متحسش أنك نقلت و شكل الحركة اللى على شكا H للخمس غيارات لا يكاد يكون موجود و كمان التسارع القوى و يخليك لازم تنقل على طول....لكن ممكن الناس ممكن تكون بتحق بزياده....كمان لو الناس قرأت الكتالوج بشكل جيد هتلقى الشركة بتقول أن أفضل وقت للتبادل ما بين النقلات هو عند 2000 دورة و ده مش بيقصر فى التسارع نهائيا بس أكيد الناس مش بتعمل كدة ......و عموما أنا نفسى أعرف مشكلة الجير أيه بظبط عشان أحكم بشكل جيد كأحد مقتنى الليون

ثانيا ...البنزين اللى بتستخدم العربية و ده مكتوب فى غطاء البنزين من الداخل 90 أو 92 يعنى الناس ما قالت 95 نهائيا...و بعدين أيه هيا مشكلة البنزين لو تقطيع يبقى شوف أنت بتحط بنزين فين بظبط و غير البنزينه ماهى فى ناس كتير و من أكبر الأسماء بتغش البنزين ...بس أما ما و اجهت مشكلة فى البنزين أو أن العربيه تقطع و لم يرد ذكر هاتين المشكلتين خارج مصر نهائيا يبقى مافيش عيب تصنيع لأن الموديل اللى فى مصر هو أقل فئه و موجود بره ....لكن لو بنتكلم على كوبرا أو fr أ, R Type الموديل الأخير ممكن أقول أه لأن العربيات الثلاث الأخيره تعتمد على بنزين 97 و عشان كده مش بتنزل مصر .......و الله أعلم

أما عن مشكلة الأنتشار ....فا أنا شايف أن العربيه بدأت فى الأنتشار لأن و الله ما فلى يوم يعدى إلا ما أقابل واحد راكبها بس طبعا الأنتشار مش واسع و مش هاننسى أن العربيه تمنها مش هين 145.900 سبورت كار يعنى مش ناس كتير هاتدفع المبلغ ده فى عربيه سبورت هاتشباك و ده حال العديد و العديد من السيارات الهاتشبك فى مصر و ممكن تقارن ده ب الجولف 5 و السوبارو إمبريزا و الوان سيريوس هاتلاقى عدم أنتشار ....ليه سعر عالى الناس بتفضل تتدفع المبالغ دى فى السيدان مش هاتشباك........كمان الدعايه مش عاليه أوى يعنى ممكن أى واحد يقول لى هوا شاف إعلانات ليون كام مرة مقارنة ب الكورى مثلا..................و بعدين تركب سيفيك سيدان عائليه و كبيرة و طبعا أسم له الأحترام و لا تركب هاتشباك بنفس السعلر ....طبعا حالنا فى مصر "لا ياعم أركب عرلبه كبيرة".

وبعدين هو مين قال أن العربيه سعرها مش عالى مع السيارات اللى فى نفس الفئه "جولف 5 - فيات برافو - سوبارو - هوندا سيفيك - .......الخ" كل دول رنج ال 150 ألف يبقلى سعرها مش منافس قوى يعنى بس الأبشنز هى اللى بتنافس و دى ممكن متهمش ناس كتير أن فى 8 أير باج و لا بلو مى و لا فتحة سقف ...هو ممكت يقول أنا عاوز تكييف و باور و زجاج كهرباء و كفايه ...و ما يبص للباقى و يعتبره كماليات...وده لأن الشركات الموزعة المصريه و الحمد لله خليت وجود زجاج كهرباء مثلا أوبشن زياده ..؟؟؟؟؟؟؟؟؟؟؟؟؟؟؟؟؟؟ ياسبحان الله ده بره مصر طبيعى يعنى ماينفع عربييه تيجى من غيرة بس العديد من الموزعين خلقوا فكرة أن دى أوبشنز ...فبقيت دى الفكرة العامه ؟؟؟!!!!
هى دى نقط عدم الأنتشار فى نظرى بس أنا شايف أن العربيه بدأت فى الأنتشار و على الطريق الصحيح....و بضه الله و أعلم طبعا

[islam_galal]

شكرا يا باشا ، موضوع قيم جدا و مفيد جدا

[Etsh]

حازم بيه واحشنى و الله على وجه الخصوص ...و كل الناس و الله اللى نفسى أقابلهم واحد واحد و خصوصا أبو نورا قريبا و الله هاكون راسم التقرير الكامل المتكامل بالصور عن الليون بس أنتوا ما تزهقوا أنى هاقول كل فاتفوته فى العربيه فى تقرير طويل عريض و أنتوا عارفنى رغااااااااااااااااى بس و الله أنا فى الحقيقه ماكدا بس حبى للمنتدى و الأعضاء بيخلى صوابعى تجرى على الكى بورد عشان أقو لكم على كل حاجه كأنها أمام أعينكم