عايز اعرف معلومات عن قرطبة 94

[magedsabry]

استاذ اكرامى ممكن ترد عليا؟
انت تعرف العربية دى؟

[ekramyhamdin]

المشاركة الأصلية كتبت بواسطة magedsabry استاذ اكرامى ممكن ترد عليا؟ انت تعرف العربية دى؟

السلام عليكم
أنا أعرف العربية دى عن طريق إعلاناته على النت وقابلته وإتفرجت عليها الجمعه اللى فاتت
العربيه حالتها معقوله بس فيه أكتر من حاجه خلتنى أغير رأييى فيها:
1.محتاجه شوية مصاريف (حاله الدهان الخارجى رديئه-الصالون عايز يتروق-الكابلات طالعه من التابلوه والشنطه-فرش الأبواب محتاج ترويق) وأنا بدور على حالة نظيفه علشان مش فاضى أقف جنب عربية.
2.الرفرف الشمال وره متسمكر على الساخن -صراحه صاحب العربية هو اللى قال حتى قبل مشوف الشنطة- دى محتاجه سمكرى يقولك الخبطة سمعت فى القايم ولا لأ.
3.الزجاج الأمامى كان مكسور -مش عارف هو غيره ولا لسه- وقال إن السبب إن الكبوت إتفتح منه وهو ماشى؟
4.العربيه فيها توكيل وده عادى بس أنا عايز عربيه من صاحب الرخصه مباشرة.
5.طبعاً من كلامه والسؤال عرفت أن سوقها تقيييييييييل جداً وأنا ناوى أغير خلال سنه أو سنتين بالكتير إن شاء الله ومش عايز عربية أدلل عليها.
6.قطع غيارها غاليه شويه ومش موجوده فى كل مكان (أنا من كفر الشيخ فالموضوع ده حيتعبنى جامد لكن لو من القاهرة متهيألى حتلاقى قطع الغيار بسهولة)
7.بعد إلإستخاره صرفت نظر.
على العموم من الواضح إن صاحب العربيه محترم جداً والراجل عايز يتجوزptmnlo123per122والمه م إنه مش تاجر وبيتكلم فى المعقول (هو كان أخر عرض على 27.5 ألف) يعنى سعر عربيه 128.

نصيحتى ليك إستخير واللى فيه الخير يقدمه ربنا
أرجو إنى أكون أفدتك
والسلام عليكم ورحمة الله

[DK.Cupo]

المشاركة الأصلية كتبت بواسطة ekramyhamdin 3.الزجاج الأمامى كان مكسور -مش عارف هو غيره ولا لسه- وقال إن السبب إن الكبوت إتفتح منه وهو ماشى؟

اهو انا مش بحب الكبوت اللى من النوع ده لان حصل كده في الريتمو اللى كانت معانا


ربنا يسهلك شرائها يا magedsabry ويباركلك فيها مقدما

[mohamed ibiza]

يا جماعه حوار الكبوت ده اكيد كان ناسيه مفتوح و اتفتح منه علي سرعة مستحيل يفتح في البطئ ولا حتي علي 80 انا كنت ناسيه مفتوح و ماشي 70 80 و عادي يفتح علي 120 مثلا لانه اكيد مكانش مقفول انما يفتح لوحده كده و هو مقفول مستحيل انا كنت ماشي بيها 170 و محصلش اي حاجة من الكلام ده و مش اول مرة اجري بيها و الجري الطبيعي العادي بتاعي 140 و عمرها ما حصلت اكيد مكانش مقفول