اخبار سعيدة لسعر الابيزا الجديدة

[horas3000]

كده الخبر اللي سمعته صحيح
بصراحة ده اتخفاف بعقول الناس

خلي الناس تقبل علي الخليجي و تحلقلهم اكتر

[MaXx]

الخليجي سعرها مبالغ فيه و عادية جدا في الكماليات بتاعتها 115 الف بجنوط و ناقل حركة تيب تروينك مش DSG الجديد و 2 زجاج كهربائى و تكيف عادي و راديو ام بي 3 ,,, و مقابض الابواب و المرايات بلون اسود مختلف عن لون السيارة و الكنبة الخلفية تفردها علشان تزود مكان الشنطة بتتفرد كلها قطعة واحدة ,,, عكس بتاعة الوكيل بتبقي التلت و التلتين يعني ممكن تفرد كرسي من الكنبة او كرسيين او الكنبة كلها ... كمان المرايات كانت عادية مش كهربا

الفكرة الحلوة في ال DSG مش بس قدرة التسارع اللي بتزيد لا استهلاك البنزين بيقل لدرجة مقاربة لل 1400 سي سي ,,,

كمان مساحة زجاج خلفية و امكانية تسخين الزجاج الخلفي و المرايات الجانبية ,,,

العربية اللي في الوكيل مميزاتها هايلة خصوصا بالسعر القديم ,,, ناقصها بالظبط حاجتين جنوط و زينون و شكرا علي كده و الاتنين دول بيكلفوا 5800 جنيه بالظبط في الوكيل نفسه 2800 للجنوط و 3000 للزينون

يزودها بقي 9 الاف من غير ما يزود فيها اي حاجة !


كان بايع الدفعة الاولى و كسبان فيها ,,, يزود في مكسبه 9 الاف جنيه للواحدة !!! يعني لو باع 1000 واحدة يكسب 9 مليون زيادة علي المكسب العادي اللي بيبقي مش قليل طبعا !!!


الله يحرقه ما طرح ما هو قاعد هو و كل اللي زيه هههههههههههههههههه

[bmw7]

حاجة غريبة سبحان الله يبقى معه العملاء والمكسب ويعمل حركة غبية زى دى يخسر فيها الناس ده غباء من الوكيل مع ان المفروض هو الوكيل يعنى عنده خبرة فى السوق كويس جدا وبعدين عامل زى المثل اللى بيثول ماشفهومش وهما بيسرقوا شافهم وهما بيتقسموا

[sosofree]

المشاركة الأصلية كتبت بواسطة MaXx كان بايع الدفعة الاولى و كسبان فيها ,,, يزود في مكسبه 9 الاف جنيه للواحدة !!! يعني لو باع 1000 واحدة يكسب 9 مليون زيادة علي المكسب العادي اللي بيبقي مش قليل طبعا !!! الله يحرقه ما طرح ما هو قاعد هو و كل اللي زيه هههههههههههههههههه

ههههههههههههههههههههه