|
المرور والشهر العقارى خاص بالمواضيع عن قانون المرور وإجراءات الشهر العقارى والقوانين المنظمة للمرور والتراخيص ومخالفات المرور |
|
أدوات الموضوع |
#1
|
|||
|
|||
استفسار مهم جدا و ارجوا سرعة الرد للأهميه
السلام عليكم
انا معروض عليا عربيه 127 و لما روحت اعاينها معاينه مبدايها صاحب العربيه قالى الأتى الرخصه هو لسه مجددها من اسبوع او اسبوعين مش متذكر المهم هو مغير ماتور العربيه فى شهر فبراير اللى فات بماتور استراد جايبه من بورسعيد هو ضايف رقم الماتور فى الرخصه بس باين ورق الماتور مش كامل فا علشان كداا المرور مديه مهله 3 شهور يكمل الورق و مكتوب كداا على الرخصه بخط اليد و هو قالى ان ورق الماتور المفروض هيجى بعد اسبوع دلوقتى السؤال اعمل ايه ؟ اعمل عقد ابتدائى و ابقى الف جنيه على العربيه و لما يجيبلى الورقه اللى باقيه من الماتور اسجل العقد و اديه باقى الفلوس ؟؟ و لا ادفعله كله و اسجل عادى بس المشكله انه مش معرفه داا انا لاقيت عربيته على النت يعنى اكيد مفيش ثقه ياريت تدلونى اعمل ايه علشان انا اول مره اشترى عربيه و مش عارف و معادى معاه بكره الساعه 12 ياريت حد يرد عليا قبل 12 و اسف على الاطاله عليكم |
#2
|
|||
|
|||
رد: استفسار مهم جدا و ارجوا سرعة الرد للأهميه
مبروكه ان شاء الله وربنا يكفيك شر طريقك انت حطيت اختيارين .. انسى الاختيار التانى تحت اى ظرف م الظروف .. لو انت اديته فلوسه و سجلت هيقلبك و هيقولك مش فاضى و هيبعتك اللى جاب منهم الموتور و الله اعلم دول ناس معاملتهم ايه .. يبقى اوعى اوعى تديله فلوسه كلها غير لما تبقى العربية كاملة الورق .. ف وجهه نظرى المتواضعة .. الموتور غير كامل الورق يمكن يكلفك تمن بلوكة موتور استيراد .. يعنى الموتور منغير ورق .. يرتمى و يتجاب غيره .. يعنى ممكن لو ورق الموتور مجاش تضطر تجيب بلوكه موتور معاها ورقها و تنقل فيها البساتم و كل ما هو ملحق بالموتور .. يمكن انت مش فاهم بساتم و بلوكه .. المهم اوى انك مينفعش تاخد عربية موتورها ناقص ورق .. لو مكانك بكل بساطة هدبحله القطة .. قول له العربية لازمانى بورق موتورها .. انا هديك عربون مثلا و لما يجهز الورق اجى اديك فلوسك و اخدها .. طبعا يفضل تكتب ورقه العربون المدفوع و متبقاش لوحدك .. ممكن انك تكتب عقد ابتدائى و تديله نص الفلوس او اقل .. و تكتب الباقى من المبلغ ف العقد .. و برضه ياخد باقى فلوسه بعد ما تطلع م المرور برخصه .. .. مينفعش تاخد عربية و تديله فلوسه وانت محتاج ورق .. هيبيعك عشان فلوسه معاه .. انت اما تعربنه .. او تكتب عقد .. و ف الحالتين مش هتديله فلوسه كلها .. عشان يبقى قلبه حامى معاك عشان يخلص نفسه .. و بينى و بينك لو رسيت انك تبعد عن العربية دى متزعلش و سيبها .. لكن لو لزماك اوى يعنى و حالتها و سعرها جون .. يبقى ممكن انت بقى تنزل مع ميكانيكى تجيب بلوكه بورقها و رقمها و تحطه ف عربيتك .. وتخلص باقى االاجراءات .. هحاول اجيبلك حل لو الموتور طلع ف الاخر ملوش ورق .. يعنى هعرفلك تعمل ايه لو هتجيب بلوككه استيراد بورق .. الله يوفقك و خلى بالى .. و برضه اديله بعض الثقة اذا كان اهل لها .. اسف الاطالة و تكرار الكلام و تغيير الاسلوب .. لكن ده للتاكيد عليك بس .. و بالتوفيق !
__________________
My E-mail: Kemo_konoalex@hotmail.com حملة لكل مصرى ... خليها تصدى و موديلها يعدى Please,Press Here For More Details ... |
#3
|
|||
|
|||
رد: استفسار مهم جدا و ارجوا سرعة الرد للأهميه
بجد مش عارف اشكرك ازاى ربنا يكرمك يارب
بس موضوع انى اغير البلوكه دى اللى انا لسه لحد دلوقتى مش عارف ايه هى و مش مشكله اعرف بس هو باين مثبت رقم الماتور الجديد فى الرخصه الجديده بس زى ما بقولك كاتبينله على الرخصه انه لازم يكمل الاوراق فى خلال مده معينه فا هل هينفع انى اروح اقولهم انى جبت ماتور تانى خالص و ادى ورقه اهو ؟؟؟ دى حاجه حاجه تانيه و اسف لو بطول عليك لو قبلت بأختيار انى اكتب عقد ابتدائى و اديته فلوس ناقصه هتبقى الفلوس دى قد ايه يعنى العربيه ب 9000 اديله كام و ابقى كام و كمان افرض الورق بتاع الماتور اتأخر انا هبقى برده متأخر عن تسجيل العربيه و ممكن لو المبلغ المتبقى صغير هو يستغنى عنه و ينفضلى و ساعتها ابقى كأنى سرقت العربيه من الشارع مش شاريها لأنى مش هيبقى معايا اى ورق رسمى غير مجرد عقد ابتدائى فهل العقد داا هيضمنى حقى ؟؟ |
#4
|
|||
|
|||
رد: استفسار مهم جدا و ارجوا سرعة الرد للأهميه
ما عشان كده بقولك عشمه بفلوسه يجرى وراك و يسعى انه يخلص نفسه قبلك ..لو مخدش فلوسه كلها و اتبقى اكتر من النص .. لازم يخلصك عشان ياخد فلوسه اللى اكيد هو محتاجها .. العربية ب 9 .. يبقى ممكن تديله عربون معاك من 100 جنيه ل 2000 جنيه .. و انا افضل يبقى 500 مثلا .. المفروض انت اكيد عارف بيته و قعدت معاه شوفت بطاقته شوفت رخصه العربية .. يعنى من باب الامان .. جيرانه وقفت تحت بيته عرفت عمارته يعنى زى كده يستحسن تكتب ورقه بالفلوس .. ( بالعربون يعنى ) .. لو هتعمل عقد ابتدائى يبقى ماشى .. متقلقش اوى يعنى من البايع .. اديله شويه ثقة .. لكن شغل دماغك و مترميلوش نفسك و جيبك .. تقدر تعربنه بدون ما تتعدى ال 4000 جنيه طبعا .. و تقدر تكتب عقد و برضه متدفع اكتر من 4000 .. اكيد لازم تعرف ان العربية تمام و بطاقته و رخصتها .. و اوعى تعمل حاجة من الاتنين اللى فوق دول من غير ما تتفق على ميعاد لتسليم الورق .. و الميعاد اقصاه اسبوعين .. و المفروض يلتزم بكلامه ان الورق جاى بعد اسبوع .. يعنى حاول تلمس الصدق ف كلامه .. للعلم بقى .. انت لو كلمته قولت له انا شارى و دى عربيتى بس ياريت تجيبلى ورق الموتور ونخلص على طول .. شوف ايه رده .. جايز جدا يقولك خلاص ايدتك كلمه و هكلمك لما الورق يبقى معايا .و ساعتها تقوله اسال الناس على ميعاد الورق .. و لما يقولك ميعاد يلتزم بيه .. خلاص .. اديله 400 جنيه مثلا عربون .. و قوله الباقى يوم ما اخد منك الورق ... بس انت متتكلمش ف سعر العربية تانى .. عشان ميروحش يديها لحد هيدفع 9000 بس قلبه جامد و هيستنى الورق .. الله يوفقك .. و حرص ولا تخاون .. اعرف عن الراجل ده بس منغير شغل مخابرات و منغير شك .. انا بقولك امن نفسك بهدوء منغير ما تبقى شاكك ف الراجل .. ولاد الحرام موجودين .. بس الحمد لله ولاد الحلال اكتر بكتير .. الله معك و اتمنى مكونش بقولك حاجة غلط .. خلى معاك حد كبير .. ( اسف معرفش سنك ..) يعنى لو شاب هات معاك حد فوق ال 30 .. وممكن والدك .. او اى حد قريبك معاه عربية و فاهمان .. و سهله ان شاء الله .. اسف للاطالة و متابع معاك
__________________
My E-mail: Kemo_konoalex@hotmail.com حملة لكل مصرى ... خليها تصدى و موديلها يعدى Please,Press Here For More Details ... |
#5
|
|||
|
|||
رد: استفسار مهم جدا و ارجوا سرعة الرد للأهميه
.. اتمنى تقرا كلامى كويس .. و تخليه قدامك .. تحكم عليه و تحاول تتفادى اى حاجة مش مقتنع بيها .. ياريت حد تانى م الشباب هنا يديك نصيحة حلوة .. ربنا معاك .. و نهارك سعيد !
__________________
My E-mail: Kemo_konoalex@hotmail.com حملة لكل مصرى ... خليها تصدى و موديلها يعدى Please,Press Here For More Details ... |
|
|